🌹❤عيناها سبب عشقي 🌹❤

36

🌸الحلقة 36🌸: معاذ يحكي:
خرجت بقيت شويا حتى سمعتها تضبح دخلت عندها لقيت دمها حميمها مالقيت واش ندير رفدتها لبستلها وديتها لاقرب سبيطار مش تاع المرة الي فاتت
جات ليا الطبيبة بعد ساعتين قاتلي اتفضل للمكتب
رحت وراها دخلها قعدت بدات تحكي
الطبيبة: مسيو جسم الزوجة نتاعك راه تاعب ورهيف بزاف وهي صغيرة فالعمر ماتتحملش هاذي المعاملة القاسية و هاذا اللي صار معاها مايتسماش علاقة بين زوجين هاذا يسمى اغتصاب وحتى هي تقدر تشتكي بيك للشرطة لكن وقت سقسيتها رفضت وقالت مكتوب ربي مانهربش منو
معاذ يسمع ومهبط راسو نادم ويسب ويرحي دخلاني كملت الطبيبة تحكي

الطبيبة: المادام بعد ما تفيق راح تكون حالتها النفسية تاعبة اكثر نن حالتها الجسدية لهاذا الشي نتمنا منك تتهلا فيها بزاف وفراحتها
خرج معاذ من عند الطبيية كاره روحو دخل عندها للشومبرة كانت راقدة كيما الملاك

معاذ:اكرام سامحيني غلطت في حقك سامحيني
قعد شويا حتى ولات تهترف
اكرام: اطلقني بعععععد عليا هئ هئ مادرت والو هئ هئ
جات الطبيبة تجري عطاتها مهدئ باه ريحت
قرر معاذ يحكي ليماه اللي كان مخبرها انو رايحين شهر عسل خرج ركب فالطونوبيل ديراكسيون لدارهم