🌹❤عيناها سبب عشقي 🌹❤

38

🌸 الحلقة38🌸: بعد ماراحت لالة حميدة وقاتلها بلي حكالي معاذ اللي صرا شبعت بكا اكرام

تسريع فالاحداث: جازت سمانة على اكرام فالسبيطار مشافتش وجه معاذ من جهة توحشت تشوفو ومن جهة تقول عذبني نكرهو هي دايرة في بالها نساها بصح هو كل يوم يجي ليها فالليل يبوسها ويشم ريحتها ويروح

اليوم اكرام رايحة تخرج مالسبيطار راحت لدار السي الحسين طلعت ترتاح بدلت حوايجها ورقدت
وحد الساعة سمعوها تضبح راحت ليها لالة حميدة

لالة حميدة:اللطف على بنتي
اكرام وهي تضبح: مامنسنيييش هئ هئ
لالة حميدة: نوضي يابنتي راكي تنومي
ناضت اكرام حضنت لالة حميدة ورقدت

عند معاذ: اليوم رايح لفرنسا شهرين باه يرجع على حال الخدمة ولا نقولو هارب من شوفتها

بعد شهر :
عند اكرام: ناضت الصباح راحت للصالون فجأة حست قلبها يدور راحت تجري تقيات ووجها رجع اصفر
لالة حميدة:واش بيك ابنتي علاه حالتك زي هك
اكرام: والو ايما بالاك خلطت فالم
قبل ماتكملها رجعت تتقيا
لالة حميدة جات في بالها حاجة بصح ماكانتش متأكدة منها راحت طلعت اكرام لشومبرتها

لالة حميدة:اكرام بنتي ارقدي وغدوة نهزك للطبيب
اكرام:لالا يما مكاش لزوم للطبيب راني مليحة
لالة حميدة:اللي عندي قلتو غدوة نروحو
باستها اكرام من جبينها
اكرام: مايكون غير خاطرك ايما

❤اصبحنا واصبح الملك. لله️❤️

في قصر السي الحسين:

لالة حميدة:نوضي ابنتي نروحو للطبيبة
اكرام:حاضر ايما
جهزو روحهم وخرجو ديراكسيون للجينيكولوك

بعد مافحصت الطبيبة اكرام

الطبيبة:مبروك عليك امدام راكي حامل بتوأم
اكرام و لالة حميدة حضنو بعضهم مالفرحة
اكرام: راكي متأكدة دكتورة عندي زوج ارواح في كرشي
الطبيبة:هههههه متأكدة 100%
لالة حميدة:مبروك ابنتي نشاله ربي يكملك
اكرام:يعيشك ايما (اكرام تفكرت معاذ وطاحت دمعة من عينيها فهمتها لالة حميدة)
لالة حميدة: تحتاج ريجيم ولا عادي
الطبيبة: ضرك نكتبلها كلشي تحتاجو

عند معاذ:كنت نمشي برا حتى سمعت صوت رصاص الناس الكل يتجاراو وانا كنت رايح نتخبا حكمتني رصاصة في جنبي طحت وماعدت نحس بحتى حاجة