🌹❤عيناها سبب عشقي 🌹❤

06

🌸الحلقة السادسة🌸:

معاذ يحكي:
كنت حارق الطريق باغي نهرب من روحي ومن كلش حتى خرجت قدامي طفلة ماشفتهاش ضربتها قلبي طاح خرجت نجري كانت طايحة على وجها دورتها رغم الدم الي كان عليها الا انو زينها الملائكي بقى باين عليها. ودموعها بايين على وجها عييت ما نفطن فيها ماقدرتش هزيتها بين يديا لاقرب سبيطار لحقتها وانا نضبح على الطبيب بيسك حالتها كانت تشف جاو يجرو جابو النقالة وديراكسيون لغرفة العمليات

في دار سكينة: بعدما لحقت لقات الباب مفتوح انخلعت دخلت لقات الحالة نقية تشعل بصح الدار كالم عيات ماتعيط على اكرام مالقاتش رد حتى دارت شافت فيستا تاع سليم وهي عارفاتو بلي عوتشاي وخبيث لاقصى الحدود طلعت تجري وتعيط لاكرام لحقت لشومبرتو انخلعت مالحالة اللي كان فيها و تقريبا عرفت واش صرا راحت تجري ليه

سكينة: واش عملت قلي وااااش
سليم: واش بيك ماكيش تشوفي في حالتي
سكينة: تستهل الله لا يربحك يا كلب يا وجه النحس واش درت للطفلة
سليم: مادرتش ضربتني وهربت بصح لكان نلقاها ندير
سكينة: تفوو مزيا اللي باباك مات وماشافش هذا النهار عييت مانربي فيك وطلعت فاسد خلاتو وخرجت تحوس على إكرام تمشي وتقول اسمحيلي يا بنتي انا السبة هئ هئ هئ اناااا جبتك للنار بيديا