🌸الحلقة الثانية عشر🌸: بعد مافاتت سمانة على تحسن حالة اكرام جا وقت خراجها بصح معرفتش وين تروح خايفة من وليد سكينة راهي سلكت منو مرة تخاف تطيح في شباكو مرة ثانية
فيقها من سرحتها كلام لالة حميدة
لالة حميدة: صباح الورد بنتي كيفاه راكي
اكرام: صباح النور خال قصدي أمي لباس بخير
لالة حميدة: هيا هيا نوضي جبتلك حوايج وجدي روحك باش تروحي معايا
اكرام: لا امي مانزيدش نشقيك معايا ضرك نروح نلبس ونشوف وين نروح بزاف منحبش نكون حمل ثقيل عليك
لالة حميدة: ندير روحي ماسمعتش هدرتك واذا كنت غالية عليك روحي معايا عندي غير معاذ مكاش الي يلهيني ويونسني ابقاي معايا
اكرام: معليه خالتي نروح معاك وكي تتحسن حالتي ونلقى خدمة نكري دار
لالة حميدة: الهدرة هاذي مزال وقتها ضرك هيا نعاونك توجدي روحك
اكرام :اوك
هي نحات الخيمار الخفيف اللي داروهلها طاح شعرها في نفس الوقت دخل معاذ واللي عينيه ترشقو في زينها وهي حشمت ودورت وجها خدودها حمر عاود غلق الباب وخرج
كملت اكرام وخرجت ركبت مع لالة حميدة وديريكسيون لقصر الحسين بن *****
لحقو واكرام نزلت تشوف فالجنة اللي قدامها جنينة كبيرة فيها كل انواع الورد وهي تمووت عليه في جنبها بيسين كبيرة تسخف الواحد يعوم فيها لحقو لباب القصر دخلو رغم اللي كلش فخم ومرتب الا انها ماانخلعتش ولا دارت رد فعل كبير وهاذا اللي لاحضاتو لالة حميدة وزاد اعجابها بالملاك اللي حذاها
لالة حميدة: نجاة(خدامة فالقصر يعني تقريبا وحدة من العيلة عندها بنت ياسمين طفلة هايلة تقرا فالجامعة )
نجاة: انعم لالة حميدة
لالة حميدة: عندي ضيفة عزيزة نتمنا تقومو بالواجب
نجاة: مايكون غير خاطرك وخاطر الزينة اللي جات
اكرام خدودها اطرشقو بالحشمة وضحكو عليها حميدة ونجاة
لالة حميدة: تفضلي بنتي نديك لشومبرتك
اكرام: امي خليني نرقد غير فالصالون مكاش حاجة للشومبرة
لالة حميدة:فوتي قدامي قال نرقد فالصالون قال
اكرام ضحكت ضحكة حلوة اسرتهم بيها زادو بانو غمازاتها
دخلت اكرام للشومبرة لقاتها تفتق فيها اي حاجة تحتاجها بنت حوايج من كل الماركات احذية وسيكان ومجوهارات وتيليفون شباب المهم لقات اي حاجة تحتاجها
اكرام: علاه عذبتي روحك امي مكانش لازم لهذا الكل
لالة حميدة:لا بنتي هاذا كامل مش خسارة فيك واي حاجة تحتاجيها قاولي ومتحشميش
اكرام: سلامتك يا امي
راحت لالة حميدة خلات اكرام ترتاح بحكم مزالت تعبانة دارت دوش خفيف لبست بيجامة غوز غير اتكسلت رقدت
أنت تقرأ
🌹❤عيناها سبب عشقي 🌹❤
Fanfictionكرونيك أن شاء الله تعجبكم تجمع بين القسوة 😰 الصبر 😪المعاناة 😓الحب ❤️ العشق 😍استعدوا واربطو الاحزمة. *في قصتي بعنوان *: 🌹❤عيناها سبب عشقي 🌹❤ آااه وآااه من تلك العينين وما الذ تلك الشفتين لو كان لي قلبين لأهديتك إياهما الإثنين 🌸...
