🌹❤عيناها سبب عشقي 🌹❤

10

🌸الحلقة العاشرة🌸: كمل معاذ لبس وخرج
ويماه بعد ما خبرت السي الحسين على الحادث اللي صرا قرر يروح معاهم للسبيطار وصلو ودخلو كانت اكرام مزالت في غيبوبة بقاو يشوفو فيها مالزجاج ولالة حميدة قلبها وجعها على الملاك اللي راهي قدامها وفجأة يشوفو الطبيب والممرضات يتجاراو لغرفتها بيسك حالتها حليلة
راح معاذ يجري للطبيب
معاذ: واش بيها واش كاين
الطبيب: مانعدي مانقلكم غير ادعولها بالشفا حالتها ضرك راهي مستقرة بصح الغيبوة مزالت

جاز شهر وحالة اكرام مزالت كيما هي ولالة حميدة تقريبا كل يوم تجي تقرالها قرآن ومام معاذ كل ما يكمل الخدمة يجي مام سكينة عرفت من الناس برا وقلبها دم على اكرام

اليوم معاذ و هو جالس معاها والف يحكيلها كلش ويحس براحة مالڤري ماتردلوش بصح كان حاس بلي راهي تسمع فيه وهو قاعد يحكي حتى سمعها تحكي بصوت ضعييف خلاص وتقول
اكرام: ماتم س ن يش اط ل ق ن ي
معاذ ناض يجري عيط للطبيب وقالو انو اشارة مليحة بلي راح تفطن عيط معاذ لدارهم جا السي الحسين و لالة حميدة وسكينة
بعد مانقلو اكرام لغرفة عادية كانو عندها ومعاذ عند راسها بدات تفتح في عينيها المعمرين بالدموع زادوهم زين على زين معاذ اسمو نساه كي شاف عينيها بقا مبهور فالزين اللي قدامو

لالة حميدة: الحمد الله على السلامة يا بنتي
السي الحسين: الحمد على السلامة بنتي كيفاه حاسة روحك
اكرام: بصوت رهيف: الحمد الله عمي شكرا
سكينة باقية ساكتة ودموعها شلال عارفة بلي وليد راجلها سبة في حالتها