منصور حيل ضوجني وحيل تمادة وياي لازم احجي ويه اهلي يردو لو احجي وية حمد خاف اگلة ويتگاصبون هوة ومنصور وتطلع بوجهي شگلك خلت الاخوان يتعاركون ..
واذا اگول لبابة هم يجي ويحجي ويك حمد ويدري ونوب حمد يزعل لان ما گتلة
گمت للمطبخ ارد اسوي شي للغدة بس البيت فارغ كلشي ما بي ..رحت لغرفتي تمددت على الجرباية وافكر بالي صار وحيل مقهورة الى ان غفيت اشوي واندگ الباب حطيت الحجاب على راسي ورحت افتح الباب صحت منو
-انه ام حمد .
هلة عمة تفضلي .
دخلت جبتلهة ماي.
-تعالي گعدي يمة .
- انشالله.
گعدت يمهة
- شوفي يمه بلغيس ارد اسولفلج على حمد ومنصور حمد من اول يوم اله بهل الدنية ابو ميزة على اخوتة والحگ ينگال حمد غير عنهم من صغرة ثچيل وصاحب حچاية ومهيوب عكس منصور الي چان يغار من حمد من چانو چهال ويقلدة بكل شي حمد ما همة هذا الشي بالبداية الى ان منصور ظل يتمادة بسوالفة وحمد بدة ينغث لچن عمرة ما حاچا وكل ما يغلط منصور حمد يتستر علي الى ان صار الموضوع يخصچ بعركت اخوتج ومنصور ...
وهنا اول مرة حمد يطگ منصور ويهينه گبال الكل بالديوان وانوب رجع للقصر هم تعارك ... الي ارد اگولة من كل هذا الحجي حمد لو عرف بالي جرة اليوم ما راح يتصافة وية اخو العمر كلة ويجوز يتكاتلون واذا تردين تخبرين اهلج يردولج حگج هاي بيهة عيبة على رجلج ومن يعرف تصبح المصيبة مصيبتين .
- يعني ترديني اسكت وما اگول لحمد؟
- اي وانه اجيبلج حگچ مربع من منصور .
- بس عمة منصور مو اول مرة يتجاوز بيهة علي يعني كل مرة يشمر علي حچي وگبالكم وانه اسكت علمود المشاكل وانتم كلشي ما سولة.
- اذا ما جبتلج حگج انه شنهي الي تردي سوي ... يمه بلغيس حمد ابني واعرفة من تصير السالفة بيهة انتي تنعمي عيونه .
- مثل ما تردين من الاساس انه چنت محتارة شنو اسوي وجنت خايفة اگل لاهلي لا يضوج مني حمد وخاف اگلج وتصير مشكلة ويگولن خلت الاخوان يتكاتلون بيناتهم بقيت بحيرة مادام عمة انتي راح تحليهة بعد احسن بس خاف احذ بالقصر يگلة .
- هسة اروح احذرهم محد يفك حلگة وانتي ما طابخة شي خلي حمد يتغدة هنا.
-البيت ما بي مسواگ ما طبخت شي.
اندگ الباب
اگوم افتح الباب
فتحت الباب ودخل حمد
- الله يساعدك گلبي .
- يا بعد رويحتي چا اذا كل ما ارد تگليلي هيج وعيونچ ما يبقة لا تعب وضيجة خلگ ..
- حمد امك هنا نصي صوتك .
- اعرف امي هنا
لزم ايد ودخل عمتي تباوع علي وتهز ايدهة
- ام حمد : خايب شمالك خل حية ..
-حمد : مو گلتي عمرهة مراح تحبك مو گلتي انت من طينة وهية من طينهما راح تتفاهمون وشگد حچيتي هاي بت گلبي گلبت بحالهة علمودي نزعت ثوبهة ولبست ثوبي وعفت كلشي علمود .
- ام حمد : چا خذا الشي يفرحني دامك مرتاح وياهة بعد شريد لچن اذا اذتك انه اكرهة وما اريد شوفتهة ما دامهة مريحتك انه احبنهة
- حمد : اي اشوفچ جاية يمهة سولفين ورديت من الديوان تعرفين من ارد اجي بوجهي عليچ ما لگيتچ سألت فاطمة گالت راحت يم بلقيس تعجبت
- ام حمد: اجيت علمود عرس بيت طويلب گعدنه واخذتنه السوالف .
- حمد : شني بلقيس تروح ؟
- ام حمد: خل مرتك تگلك اروح للقصر وكت غدة هسة ابوك جويعان.
- حمد : اي هسة نجي ..
- ام حمد لا انت ومرتك تغدو بيتكم هسة اوديلكم غدة .
أنت تقرأ
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
