رجعنة انة وبابة لبيت عمو محسن گال اليوم عندة شغل هوة وعمو محسن ايرجعون الضهر دخلنة وبدخلتنة شفت مرت عمو محسن تخبز بتنور الطين صبحت على الجميع وعلى رحت گعدت يم وسام وحسام همة ايباوعولي بريبة وانة مبتسمة بوجهم وارمش بعيوني
-حسام: ولك الحك ضلت اترمش اكيد اتريد شي.
-وسام: امبينة السالفة واكيد الشي بدون محد يدي لهذا السبب اسوي روحهة فقيرة ها بروسلي نسيتي كتلت النسوان.
-بلقيس: هيج صارت ترة راح ازعل.
-حسام: لا صدگ جذب هوة احنة شفكنة من زعلج تاخذيلج شهر مطنگرة.
- بلقيس: فرونة بالبساتين وبالعمارة.
-حسام: ما ايصير انتي مزوجة وطلعتج بدون علم رجلچ اجيبنة الحچاية.
- بلقيس: لا والله أصلاً راح اطلگ.
- وسام وحسام بصوت مفزوع: شنووو.
- ليش بابة ما كلكم البارحة.
- حسام: لا انتو اكيد تشاقون شنو انگول للناس شنو سبب طلاگهة ومنو راح ايصدك اختنة مابيهة شي واطلگت.
-وسام: وابوي شنو راح ايكون موقفة بالسوگ بعدين انتي اشلون قبلتي؟
-بلقيس: تدرون بية ما ارد اعرس وانجبرت.
-وسام: بس انتي عرستي وخلاص صرتي مرة مزوجة واذا اطلگتي ايصيحولج المطلگة ومن اترجعين مكان الناس تاكل وجهج.
- هذة مو قراري قرار بابة.
-حسام: بلقيس شنو رليج اتأجلين موضوع الطلاگ فترة ترة فشلة وربج.
-وسام: هو شنو اتاجلة بوية الفكرة كلهة على بعضهة غلط مرة ترجع بسبوع عرسعة لهلة شتكول الوادم.
اندگ باب الطارمة همة ايسمو حوش جان بابهم چينكو من كركت الباب شفت زلم انة واخواني جنة متكترين على صفحة اشوي بعيدين عن الباب فما اهتمينة طلع محمد بن عمو محسن يفتح وصاح
اتفضل شيخ البيت بيتك اتفضل.
دخل عزام وحمد ومنصور اخوهم وياهم كم زلمة
حمد باوعلي وابتسم درت وجهي
-وسام : شوفو شكل منصور مسحول سحل هههههه.
-حسام: ولك وجهة ازرگ خرب.
- بلقيس:انتو گاعدين هنا روحو اهناك واتشفو بي ما وصيكم نضرات الاستهزاء.
-وسام:وامدلة لساني واعيب علي.
-حسام:: علمود ابوك ايبنة براجدي حيدري ايفر اذاناتنة اگبالهم خلونة گاعدين وساكتين.
-بلقيس :يعني مراح اطلعوني؟
- وسام: ترة مجنون بلقيس جاي ياخذج ما فهمتي.
-بلقيس: اشبيكم انتو ما سمعتو حجي بابة بعد كا طلعتو من حمد.
-حسام: ابوي راد ايرد كرامتة بس شيخ عزام هسة راح ايردهة مربع بعد شنو عذرج لا ومو بس هيج انتي راح اتخلين ابوي محتار بين امرين.
- شنو تقصد؟
وسام: يقصد خيار الطلاگ الي انتي رايتة و بين احراجة من الناس ابي جاينة وما عندة عذر الهم.
-بلقيس: دروحو اجيبون الهم اروح منا احسن.
وگف فوك راسنة محمد وگال شيخ عزام ايريدكم.
ضحكو وسام وحسام وباوعولي
-حسام: اصالحو وهسة راح ايراضونة وية منصور وراح ايسالوج اذا تردين ترجعين لحمد لان بابة رافض مثل ما كتلج الخيار الج.
أنت تقرأ
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
