دخلو اهلي للبيت امي وابوي يباوعون
- امي : بلقيس يمه لو منتظرتنه منظفة البيت كله
- بلقيس: يمه ما ايهون علي اخليج انتي تشتغلين روحو ارتاحو بغرفتكم وانه ادخل الجنط
- ابوي: خوانج وين؟
- بابة صعدو لغرفهم ينامون .
- بابة: إلله يطيح حضهم عايفينج بحدج.
- بلقيس: خية غسلو وياي البيت وانكربوب كراب من التعب .
- انسام : هاي لو انه محد يساعدني.
- بلقيس: اويلي عليج بكلشي تقارنين دروحي نامي نظفت غرفتج هم انتي .. متعشين اسويلكم شي؟
- امي: روحي اتاحي انتي تعبانه.
صعدت چان حيلي مهدود جسمي مكسر تكسير تمددت بلكي انام اجت حجايت حمد بالي من نقلوني للمستشفى بعد طگت منصور
"وحك حشگچ يا بلقيس وحگ هوة علي اذا صار شي عليج ما يشلون تابوت واحد حمد ما يعيش بلة بلقيس"
" حمد ما يعيش بلة بلقيس "
شنو الغير حمد.. چان ما يگدر يفارگني من اجي يم اهلي يظل كل يومين وثالث هنا عود يسلم عليهم .. شلون يتحمل الفراگ
انفتح باب غرفتي سويت روحي نايمة اسمع امي وابوي يهمسون فوگ راسي
امي باست راسي
- امي: بلقيس تكابر سلطان شسوي؟
- سلطان: الايام تنسيهة الله يجبر خاطرهة امشي لا تفز.
سمعت سد الباب .. ما اعرف شلون غفيت ......
اول شهر فاتن شهرين بديت اتاقلم وية حياتي بالبيت وية خواني جاي يدورن لوسام مرة ويردوني اروح وياهم انه ملابسي مجاي تكفيلي لان كلش ضعفت فرحت للخياطة علمود تخيطلي وخياطي اشوي بعيدة اجرنه تكسي ورحنه انه وامي اخذت قياساتي امي گالت امشي نروح لشط العرب قريب اذكرت قبل چنت اطلع من الخياطة لشط العرب واشوف جابر طلعنه نتمشة چانت عصرية امي خطية تحاول تخفف عني رغم ما ابين الهة اي شي
گتلهة ارد اگعد هنا
- خل نتمشة شوي .
- لا يمه مابية ارد اگعد هنا.
- راح اجيبلنه لبلبي واجي
راحت امي بقيت گاعدة وصافنه على شط لو ما الحرب چان انه ويا مزوجين يجوز هسة احنه اسعد اثنين
- شلونج بلقيس ؟
درت وچان جابر
گمت من مكاني متجمدة
- شخبارچ صحتج شلونهة..شذكرج بهذا المكان .
- الحمدلله انت شخبارك.
- على الله .
كعد يمي وسكت وانه هم ساكته چان الموقف ما انحسد علي ابد الاحراج الي انه بي كلش صعب ماچان عندي اي شعور جهته بس الاحراج
- لا تخافين ما احرجج واكلج ليش ما انتظرتيني ومن هذا الحجي من الاساس الكل چان يدري بية ميت زين اسوين وازوجتي .
- ليش لحد هسة ما مزوج .
- ازوجت وما صار نصيب وانفصلنه بس كل يوم اجي لهذا المكان تدرين بية ارتاح من اجي هنا .
- صار عندك جهال؟
- ما ايصير عندي اطفال لهذا السبب اطلگت مرتي.
أنت تقرأ
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
