أنت إم الماضي

39

سلطان: لا خوية ما رافض بس ما سألتني شنهي الي غير راي ؟
- عزام: والله هوة كلنه ودنه نعرف؟
-سلطان: بوية ناصر بوية ليش ما تجاوب ابوك..؟؟؟؟
- عزام : سلطان ترة راسي افتر گلي شصاير ؟
- ناصر: بوية الله شاهد البنيه انه ما لعبت عليهة لو ضحكت علية انه ردتهة بالحلال بس عمي سلطان چان رافض كلش فا..
- حمد : اي احچي .
- ناصر : اتفقت وياهة من يجون الهة خطابة تگلهم ابن عمي ناهي علي..
- ام حمد: خوية سلطان احنه مشترين بتك والخطبة تمت بعد عليش تفتحون بالسوالف القديمه ناصر احسابة عند ابو لا اضيگ خلگ وخلينه نقرة الفاتحة.

بلقيس: اباوع لحمد الي احسة اختنگ قرو الفاتحة وهوة طلع انه طلعت ورى
چان الهوة بارد برة وهوة يدخن ما يحس

- بلقيس انتي تدرين بهذا الشي؟
- لا والله استوني دريت .
- الله كريم انه اعلمه.
- حمد لا تحجي ويا لان من راح تحجي راح يسمعك حجي يغثك .
- غير مكرم السامع النعال افركة بحلگة.
- حمد لخاطري عوفة يولي .

نتر علي لا تدخلين فهمتي .
- طبك طوب منك اله
- علمن هذا الحجي ..

عفته ودخلت يصيح وراي صعدت لغرفة الولد مديت طولي ارد انام تعباه من الطريق حته اكل ما اريد
جفت وسام يغني انا يا طير ضيعني نصيبي رحت لاني لهلي ولاني لحبيبي
ومندمج ما منتبه علي عفته يبدل و درت وجهي وسمع طگطگة الجرباية وگمز

- منو هنا ؟
- انه كمل تبديلك .

لبس گلابية واجة شبگني

- هلة وميت هلة بخيتي
- بعد عمري وسام شلونك
- الحمد لله ليش ما تنزلين تاكلين حسبالي جوة ؟!
- ما اشتهي تعبانه ارد انام.
- عيب ما ايصير نزلي همة اشوي ويرحون .
- وسام مالي خلگ والله.
- ها متعاركة انتي وحمد ؟
- لا يابة ما متعاركة وية احد بس تعبانه ارد انام .
- دگومي بس گعدي على السفرة بلة اكل واشوي وگومي وعود نامي شتردين اسوين سوي عيب منا جاين اهل حمد شيگولون عليج.
- نازلة على اساس هسة من انزل مراح يحجون .

نزلت وية وسام وبوجهنه حسام

- هلة والله بأخيتي الغالية الگاطعة.
- غير انتم مغيرين رقم التليفون .
- غير من مصايب اختج اخ لو بس يخليني ابوي والله اله اربيهة .
- مالت الله يرادلهة تربية .
- وسام: بالقرآن الفشلة الي صارت بينه بسبب دگتهة بس الله يعلم بيهة دمشي انوب راح اگابل هذا الطرن ناصر شگد غثيث وما ينبلع .
- حسام : وك اول مرة تحجي شي متفق علي

دخلو اخواني ثنينهم وانهة وراهم چانو مادين سفرة طويلة الزلم بجهة والنسوان بجهة بس جهة حمد اكو يمه مجال اشرلي اجي يمه سويت روحي ما اشوف گعدت يم امي بقيت بس اباوع على الاكل الكل يحجي بس انه لگمه ما حطيت بحلگي . اشوي وگلت