أنت إم الماضي

41

- خالة هاج شوفي شلگيت
- حسبنا الله ونعم الوكيل ما بقيات عمل ما مسوياته .
- خل يجون واراويهم .
- اول خل نبطلة .
- شلون ؟
- انطيني اودي لسادة قريبين علينه ورجعة .
- عمة حبابة جيبي ارد اواريهم ايا لان محد يصدگني .
- چا ما اعرفهم ..

خطية لبس عبايتهة وطلعت اباوع على البيت نفشنا نفش  گعدت اعزل لا بقينه دوشگ ما طيحنا لا زولية انكسر ضهر وانه اعزل  للمغرب ودخلت مرت عمي محسن جايبة وياهة علاگة  گالت هذا ماي اسبحين بي واشربين منه وهذا خل رشي بالبيت وهذن سحورتهن امهات السحورة وهذا الماي لازم يشرب منه حمد
سالتهة شنو هذا الماي گالت ماي عادي بي تربة ومحقري علي قرآن لا تخافين شربت منهة ودخلت سبحت خطية بقت يمي لليل اسولفلي على فتنه وطلايبهة ومحد سالم من شرهة و رجلهة راد يطلگهة واهلة ما وادوهة ومدري شلون گلب على اهلة ورجعهة وصارت طليب بين العمام بسببهة وچانت تحرض مرت عمي حاتم على ابوي وعمي محسن يعني بين قوسين فتنه اسم على مسمى جاي انسولف واندگ الباب
لبست حجابي ورحت چان عمي عزام وام حمد دخلو شافو مرت عمي محسن
سلمت عليهم الجاي على الصوبة صبيت الهم اباوع لعمي عزام شلون الي مستحي مني من ورة سالفة حمد چان گالت عمتي

- ام حمد : بلغيس يمه مرت عمچ مو غريبة وانتي شي اكيد حاچيتلهة على الي صار ...
- بلقيس : اي تدري سولفتهة .
- عزام: بوية بلقيس لا تاخذين على خاطرج عبن حمد يحبچ وانتي تعرفين شكثر يعشگچ ومن صار اخوانه ضدچ عافهم علمودچ لچ ..
- بلقيس: عمو كمل ليش سكتت؟!
- عزام: والله بوية ما اعرف شحچي بس يا بتني رجلچ ماهو حمد الاولي مريض وماله خلگ وحته الاچل ما يگربة .
- بلقيس: اي عمو طبعاً ما ياكل وما شرب وگالب علي من ورة هاي

طلعت علگة السحورة الهم  فتحة عمي

- ام حمد : يمه اسم الله.
- عزام : شني هاي؟
- بلقيس: شوف عمي انه ودت اروح لاهلي ودزيت على عمي محسن بس ما جان موجود فأجت عمتي جزاهة الله خير وسولفتهة گالت رجلج مو طبيعي وگعدنه اندور بالبيت على شي يثبت السحر ولگينه هاي والله اليعلم شنو مشربات حمد حسبي الله ونعم الوكيل يعني بس لو اعرف ما يخافن على حمد مو هذا السحر اله عواقب وشوفت عينچ عمة حمد شصاير بي .
- ام حمد : ومنو مسوي ؟
- بلقيس: ومنو اله مصلحة بتفريقي انه وحمد غير خولة ما تشوفيهة شلون زايمه على الكل من ورة حمد .
- ام حمد : خولة ما تعرف لهاي الدروب .
- بلقيس: شوفي عمة انه مجاي اتبلة على احد هاي شوفي اگبالچ وثاني شي تصرفات حمد ما يحتاجلهة اي دليل حمد مو. يضوج مني حمد يكره يباوع بوجهي.
- مرت عمي محسن : والعفو منكم بس انه اخذتهم لسادة  (....) بطل السحر وانطاني هذا المي گال بي تربة من الامام الحسين (ع) ومقري عليهة من القرآن خل حمد وبلقيس يشربون منهة خاف مشربيهم شي .
- بلقيس: عمي توة الموضوع چبير يعني شگول غير حتى حسبي الله ونعم الوكيل لو طالعة من بيتي چان انه وحمد اطلگنه من ورة سحورتهن والله يلعم حمد شراح يصير بي من ورة هاي السحورة روحو دور بغرف خولة شي اكيد تلگون