حمد : نايم انة بيت عمي محسن ودخل ابوي علي هو ورى عمي محسن گمت من فراشي وانا اثاوب اسمعهم يصيحون بينهم
- عزام : شوف محسن انة اعرف انك السبب وانت الي گلت لحمد بهل سوالف عبن من سابع المستحيل سلطان هو يتحچة انتة شني غايتك من هل سواية؟
- محسن : شني اتريدني اسكت من اشوفكم تحچون على اخوي وهو بري وانت وحاتم طرتو ضلم من العشيرة كافي يا عزام انة كبرت وقوة عودي واگدر اوگف بوجهك وبوجه حاتم و بالله ما اتگلي انت عليش امچلب بحاتم على ولدة الخرية المابيهم زلمة حوك .
- عزام : حتة وان انة موش هذا المعصبني الي معصبني ابني الي باني علية كلشي يهيني بنص ديواني وبين عمامة ويطلع وانت السبب.
- حمد : بسك يا بوي اتلوم عمي محسن واتحملة اخطائك اذا اكو احد ينلام فهو انت .
- عزام : حمد انت ما تعرف شي انة انجبرت اسوي هل سواية حاتم بذاك الوكت حرضني على سلطان وگال اريد الشيخة ومتفق وية ابوي عليهة بلاول ما صدگت بعدهة ابوي هو الي گال انطيهة لسلطان گتلة ما ايريدهة گال انت مالك غرض هو ايوافق انة اعتبرتهة غدر الي مو بس رغبة بالشيخة.
- حمد : يا بوي تذكر هاي الحجاية باجر منصور ايسوي نفس اسوايتك لجن الفرق انت طردت بن عمك ومنصور راح يطرد اخو والدنيا كما تدين تدان .
- عزام : گتلي روح اخطبلي بت سلطان ما ادري بيك انت ماهر عليهة بعد شلك بروحتي انت يا حمد الي اتريد اتعيد الماضي لا اتلوم منصور اذا عاداك.
- خليك يا بوي على منصور انة عايفلك الديرة وطالع لا ارد اخسر اخوي ولا امي .
- اذا ما اتريد تخسر شيل بت سلطان من بالك .
- محسن : خوية اهدو موش هيچ الحجي .
- عزام : انت اسكت مو هذا الي رتة.
- حمد : عمي لا تحچي ما يفيد الحجي وية ابوي هسة عبنة معصب بس يهدة الواحد يگدر يتفاهم ويا من رخصتكم انا طالع.
- عزام : اي روح الحگ عمك بيوم هج وعاف الديرة لجل حرمة.
- حمد : تبقة ابوي واجب احترمك من رخصتك يابو حمد .
اخذت اعگالي وسويج السيارة صاح وراي
- رد مفتاح السيارة هاي من افلوسي يالردي.
- تامر يا بوي لجن افلوسك كلهة من تعبي انة .
خليت السويج على الطبلة وطلعت ....
بلقيس : گاعدة وتخزر بية وبمي هاي المرة شنو فلم رعب عابت درت على امي وگتلهة
- مامة اروح ابدل واسوي عشة .
- لا انة وانسام انسوي عشة وانتي ظلي اهنا.
- يمة هاي ما اشوفيهة اشلون اتباوعلي.
- على الاقل انتي بتهم انة غريبة بس اللسانج لا اتفشلينة مثل كل مرة.
- انشالله .
- مامة : من رخصتچ ام حمد البيت بيتج بس اكمل العشة .
- ام حمد : مرخوصة .
گامت امي وبقت اتباوع علية ما اعرف ليش احس روحي ما لابسة هدوم من نضراتهة
دگ التليفون گلت همزين ارفعة علمود اخلص منهة
گمت وهية بعدهة اتباوع ابتسمت بوجهة ورفعت التليفون
- الوو .. هلو بابة .
- ام حمد عدنة؟
- اي بابة خالة ام حمد موجودة يمي.
- بلقيس لو اشما تحچي عليچ حلگچ ما تفتحي ولا اتگولين الهة حمد ارتبط بية علمود الرفيق.
- ليش شصاير؟
- من ارجع اسولفلكم ابنيتي ما اوصيج.
- انشالله تأمر .
أنت تقرأ
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
