١خادمه_على_عرش_الثراء❤🔥
حلقه💜4
❤آلَـيَتٌـآ Alatta❤
_________________♡
ثاني يوم 🌈
دارين: كالعاده ناضت بدري وتت الفطور
و بعد وتت الفطور على الطاوله جت الخاله عائشه
الخاله عائشه: صباح الخير دارين
دارين: صباح النور🥰
الخاله عائشه: وتيتي الفطور بروحك سامحيني يا بنتي تعبتك😔
دارين ابتسمت 😊: لا بالعكس تعبك راحه
بعد شويه
نزلت هديل : صباح الخير دارين و خاله عائشه😄
ردن عليها: صباح الورد🌹
و نزل زين من فوق: صباح الخير
و ردن دارين. و عائشه. و هديل: صباح النور
(انا بروحي مليت 😂)
بعد كملوا الفطور رقى زين لغرفته بدون ما حد يحس و هما يحسابوه طلع للشركه
هديل طلعت مع صحباتها 😊
و أحمد راقد 😂🤷🏻♀️ كل عاده
الخاله عائشه: دارين انا نطيب الغداء و انتي أرقي نظفي الغرف بتاع زين و هديل و احمد خليه لعندما ينوض من غيبوبة النوم متاعه 😅
دارين : و هيا تضحك😀 حاضر و مشت...
نضفت غرفة هديل و رتبتها
و بعدها خشت لغرفة زين و قعدت ترتب فيها....
__________
هديل تحكي مع صاحبتها
قبس صاحبة هديل : صح خوك خلاص خطب ساره قصدك
هديل : اها والله مش طايقتها مش عارفه كيف بتعيش معانا 😒
قبس : استغفر الله انا بروحي مانطيقها تحساب روحها حاجه كبيره
هديل تضحك 😂: اها حاله و ربي
و كملوا هدرزه و قرمه على ساره😂🤷🏻♀️
__________________
❤آلَـيَتٌـآ Alatta❤
_________________♡
دارين كملت ترتيب غرفة زين و هيا طالعه طلع زين من الحمام و هوا لاف منشف على خصره و يوخر في شعره 🤦🏻♀️ كاين شكله يهبل 😍
دارين نزلت راسها وجت بتطلع بسرعه
زين: استني انتي 🙂
دارين: أنا عندي اسم مش انتي .. و تفضل شن تبي 😒
زين: لسانك طويل و انتي ديما تردي 🤦♂️
دارين: صلي على النبي
زين:بطلي ردودك المستفزه
دارين: و الله انا كنت نبي نطلع انت ناديتني ما كنتش نبي نحكي معاك اصلاً 😌
زين: باهي الغرفه مش مرتبه نظفيها اخري و قمعز على السرير و قعد يتفرج
دارين ما بتش ترد😑: و ردت اتنضم في الدار اللي هيا اساساً مرتبه ... كملت وجت بتطلع
زين: استني مازال ما قتلكش امشي
دارين : رقالها🤦♀️😠... هي انت شن تحساب روحك بيش تقولي امشي و ما تمشيش خدمتي و كملتها و لو مش عاجبك ... و سكتت
زين: ناض من مكانه و جاها بهدوء و قرب منها.... و لو مش عاجبني شن تبي ديري🤨
دارين توترت وقعدت توخر و هو يقدم لعند ما وصلت للساس و حاصرها بيديه
زين: قرب... جاوبي 😏
دارين بتوتر: بعد من عليا
زين: مش ح نبعد الا لما تحكي
دارين : شافتله.... لو مش عاجبك نظف بروحك و دفاته وجت بتمشي
زين مسكها من يدها و ردها زي ما كانت : انتي عارفه روحك مع من تحكي و قرب اكثر 😏
دارين تفك في روحها و تحكي: اها نحكي مع زين صاحب الحوش 😒 اللي هوا مايبيش يسيبني في حالي و هيا حول نبي نطلع
زين بدون ما ينتبه لي روحه قرب اكثر و باسها 😘 على خدها
دارين انصدمت 😳 و قعدت مكانها و معش عرفت كيف تتصرف
و دق الباب🚪
الخاله عائشه :دقت الباب ... دارين كنك طولتي هيا ورانا شغل
دارين : توا كملت . ..هيا طالعه
زين : غمز لدارين 😉... هيا اطلعي
دارين و هيا راقيلها ... هتندم على اللي درته توا 😡
زين ضحك 😁 و مشي قمعز على السرير
دارين طلعت ...
زين: شن اللي درته توا ليش درت هكي 🤦♂️ غلط انا خاطب بس ليش حاس أني فرحان 😍 عشان بستها و قعد يفكر في منضرها و هيا مصدومه 😶 .... و في خاطره لسانها طويل مستفزة بس حلووووا😍
___________
دارين: شن اللي داره زين و ليش 🤦♀️ ما منعته و هو شن يحساب روحه 😠 ...... و كملت شغلها مع الخاله عائشه و هيا تفكر كيف زين باسها
________
بعد يومين 🍃 ما فيش أحداث الا زين يمشي للشركه و يروح في الليل يدور في دارين يلقاها راقده 😴
و دارين تتفادى في زين من آخر موقف قررت ان معش تشوفه حتى لما تنظف غرفته تتاكد انه طالع بعدها تنظف 💁
__________________
❤آلَـيَتٌـآ Alatta❤
_________________♡
اليوم جايين أهل زين من السفر 🛩 و زين و احمد و هديل قاعدين في الحوش 🏠 يستقبلوا فيهم و دارين و الخاله عائشه في المطبخ يطيبوا في الغداء عشان اصحاب الحوش جايين داروا غداء امقنط مكرونه بالخطله و عصبان و مبطن و سلاطات و موالح 🍝🥗
(انا بروحي جعت 😅 المهم خلونا في روايه )
الخاله عائشه: دارين ارقي لغرفة احمد كلميه قبل ما يجوا هله
و ركبت دارين مشت غرفة احمد
دارين: احمد هلك قريب يجوا و الخاله عائشه قالتلك انزل استقبلهم
احمد: يدوي في التليفون مع صاحبته كالعاده 😅 تمام شويه و ننزل يا حلوتي 🍬
دارين و هيا تضحك 😄 طالعه فجأه يمسكها زين و يخششها لغرفته و يسكرها بالمفتاح🚪
دارين: مصدومه 😶 شن تبي مني خليني نمشي
زين : ليش تتفادي فيا و ماتبينيش نشوفك🤨
دارين: و أنت ليش تبي تشوفني و انا مجرد خادمه هنا لا اكثر
زين رقاله: معش تقولي هكي 😠
دارين: و ليش معش نقول هكي هذي الحقيقه افتح الباب🚪 نبي نطلع
و سمعوا صوت السيارات 🚘 لوطا و عرفوهم جو
فتح زين الباب🚪 نزلت دارين مع الخاله عائشه و يسمعوا في صوتهم برا و هما يسلمو 🤝 على هلهم بعدها طلعت الخاله عائشه و وراها دارين و سلموا 🤝 على ام زين
اسمها سمر: اهلاً خاله عائشه
الخاله عائشه سلمت عليها: اهلين بيك نورتي 🥰 أبله سمر
دارين سلمت على سمر: اهلاً أبله سمر أنا دارين نخدم هنا مع الخاله عائشه 😊
سمر: حست أنها تشبه ......
________
يتبع
❤آلَـيَتٌـآ Alatta❤
سمر حست دارين تشبه من 🤔 و ليش زين متأثر من تجاهل دارين له
بات زين كيف ح تكون معاملته لدارين ؟؟؟🤍
نبي تفاعل 😉 و شن رأيكم بصراحة .. الحلقات الجايه ح يبدا فيهن التشويق اكثر و الأبطال مازلتوا ح تتعرفوا عليهم
