#خادمه_على_عرش_الثراء❤🔥
حلقة 🔥13
❤آلَـيَتٌـآ Alatta❤
_________________♡
فجأة دارين تفتح عيونها و تشوف دم في كل مكان و راسها يبرم و تفتح و تسكر في عيونها و شافت دينا مغرقة بالدم ..
الناس تعيط و سيارات الاسعاف 🚑 جت.
شالتهن للمستشفى
دارين: دينا وين و هيا في النقاله
الممرضة: معش تحكي لو سمحتي
دارين: دينا وينها وينها 🥺
الممرضة: حالتها خطيره نزل منها دم واجد و هيا في السيارة الاخرى 🚑
دارين: لا لا لا ......نبي نشوفها 😢 و نزلت من النقاله و الممرضين ماسكينها
الممرضة: غلط اللي اديري فيه عشان صحتك ..... عطوها إبرة مهدئ
و وصلوا للمستشفى
___________
عند زين
سمر: دارين ...... اااخ ااخ يا بنتي ليش يصير معاك هكي و هيا تبكي 😭 ما فيه مصيبه ما جاتك
مريم: لعند أمس كاينات يخططن كيف يعوضن الايام ..... بس 😭😭
زين طلع مش شايف حاجه قدامه غير دارين 🥺 خايف يخسرها و أحمد حتى هو نفس الشي
أما مختار كان فرحان و ما اهتمش ان دينا كانت معاها 😈🙂
مختار: ركب للمكتب و لحقاته ساره و لو تذكروا يوم اللي رن فيه تلفون مختار
مختار: الو شن تبي 🤨
مجهول: الاتفاق نفذته و ضروري تتصرف في اللي اتفقنا عليه
مختار: اللي تبيه يصير آنسه ساره
ساره: تمام انا توا انفذ اللي تبيه و نقتل البنت و زين ح يكون ليا 😈
مختار: أنتأكد انها ماتت و بعدين ساهل 😒
ساره: زين ليا و الا ح نفضحك قدام مراتك و عيالك أنك قتلت خوك و مراته 👿
مختار: ساهل ساهل توا صكري قبل ماحد يشك فينا و صكروا ....😡
( أكيده مستغربين كلكم كيف ساره عرفت بهضا كله ؟!! ساره من شرها 👿 و حقدها اللي تحطه في راسها تجيب معلومات كامله عليه و الشي هضا ينطبق على دارين حطتها في راسها و جابت كل المعلومات عليها و توا تهدد في 😈 مختار لانها تعرف كل حاجه و بما أن مصلحة الاثنين 🙂😈 في موت دارين ساره عرضت على مختار تقتل دارين 😔 و فعلاً هضا اللي وصلوله )
___________________
❤آلَـيَتٌـآ Alatta❤
_________________♡
عند دينا و دارين
دينا حالتها كانت خطيره طلع عندها نزيف في الدماغ و يبوا يديرولها عمليه
خش احمد: سأل الممرضه على دينا
الممرضه: حالتها خطيرة و تبي معجزه عشان تعيش
احمد: كيييف تبي معجزه انتوا شغلتكم أنها تعيش😠....... و يخبط كيف كيف
زين : ماسك احمد .... أهدا نحنا في المستشفي
احمد: أنا نموت من دونها نحبها 😭💔
زين كان يفكر في دارين 😟 :معليش و البنت اللي معاها
الممرضه : لا حالتها أحسن منها بس عندها كسر في يدها
احمد:نبي نشوفها 😠
الممرضه: ممنوع 🚫
احمد: ااانا نبي نشوووووفها 😡 غضبن عنكم كلكم
دارين: ناضت راسها يوجع فيها و تتذكر في الحادث و شكل دينا و هيا مغرقه بالدم
قعدت تبكي 😭 ناضت من مكانها و كانت ماحوته ما تمشي و هيا طالعه تلاقت مع زين في الممر و زين كان ميت خوف عليها دارين حضنت زين و قعدت تبكي 😭
دارين: نبي نشوفها زين نبي نشوفهاا 😭
زين : خشش دارين للغرفه و هيا تبكي
دارين: .... كان نا نحكوا وو فففجأة انهارت بكي 😭
زين ضمها .... اشششش انا معاك خلاص
دارين: لو صارتلها حاجه انا نموت وراها و هيا تشهق 😭
_______________
احمد: مصبي قدام غرفة العمليات 💔 دينا انا عارف أنك تبي اديري فيا مقلب صح
مريم: ياربي احميلي بنتي يارب 😭 ملناش غيرك يارب ساعد بنتي يارب
دارين: زززين نبي نشوفهاااا 🥺 ..
زين: ما قدرش يتحمل تمام ...... صباها و عدوا لغرفة العمليات مريم شافت دارين جت ضمتها و قعدن يبكن 😭
دارين: عمتي مريم دينا مش ح تصيرلها حاجة انا متأكدة ..
الممرضه طلعت نبي حد عنده نفس فصيلة دمها O*
احمد: انا انتبرع
ممرضه: تفضل معانا
_____________
سمر و هديل وصلن للمستشفى
سمر اول ما شافت دارين عيونها لمعن ✨ جتها تجري و ضمتها زين كان يتأمل فيهن
هديل جت حتى هيا ضمتها .
دارين: و هيا مقمعزه جنب سمر ..... لو خسرت دينا😔😭 نموت أنا
سمر: ضمتها لا سمح الله يا بنتي عليش الكلام هضا مش ح يصيرلها حاجة أنتي ادعيلها بس 🥺
دارين : 😢😢
بعد ساعه طلع الدكتور و قاللهم العمليه نجحت بس لازم نرجوا 24 ساعة عشان نطمنوا عليها و الحمد لله على سلامتها
مريم: نقدر نشوفها 🥺
الدكتور: تمام بس شخص واحد
خليفه: الحمد لله يارب
مريم: شكراً
__________
ادم:خش للمستشفى لقا هديل نازله من الدروج 😍 و قعد يضحك
هديل: عليش تضحك توا وقته 😒
ادم: عشان شفتك
هديل:ضحكت ضحكة على جنب 😏 مجنون
ادم: مجنون بضحكتك 😉
_____________
احمد: خش على دينا ما قدرش يشوفلها و هيا هكي قمعز 😔 جنبها .....أنتي أكبر حظ في حياتي تعرفي ......و هوا ماسك يدها أنتي غير نوضي و اديري فيا اللي تببه حتى لو طلبتي مني 😢 معش نقعد تافه .... بس نوضي و أضحكي .. ما نبيش حاجه غير انك تقعدي معايا
دارين: كانت تسمع في كلام احمد ......احمد🥺
احمد: دارين
دارين: انت تحبها للرجه هذي 🥺💔
احمد: و كأني جيت على دنيا عشانها هيا ❤..... تعرفي حكيت قريب مع 100 بنت بس ما عمري حبيت و لا اهتميت بأي وحدة للدرجه هذي ......احمد قعد يبحت في دينا
____________
عند ساره
نضال: حرام عليك اللي درتيه في البنات .. و دينا شن دخلها ...و أنتي ما لقيتش حل غير أنك تقتلي دارين 😠
ساره: لا حرام لا شي بعدين كنك واجعتك شكلك حبيتها صح 👿
نضال: اااه انا حبيتها ..... بس تعرفي انتي توا شن درتي ؟! قربتيهم من بعضهم اكثر ... يا ذكية 🤓
ساره:نضاااال اسكت 😡 خيرلك
نضال:باهي مش خايفه زين يعرف أنك ورا الموضوع .
ساره: قاطعاته حتى باته متورط اساساً ما عنده ما يدير
نضال: كيف 😳 انتي فيش تخرفيي
___________________
❤آلَـيَتٌـآ Alatta❤
_________________♡
عند هديل و ادم
الممرضه:انتي من أقارب الآنسه دارين و هيا اتبحت في ادم 😉
هديل: اهاا انا تفضلي 😒
الممرضه:حاجات الآنسه دارين تفضلي 🙃
هديل: شكراً
الممرضه: و هيا تتقرب من ادم ( تدحنس و خلاص🤢 )
هديل: تبي حاجه عشان قاعده 🤨 معانا
الممرضه:ااااء لا ما نبي شي و عدت
ادم: كنك 😏 غرتي .. مش على أساس ما تهتميش بحد
هديل: اوووف يا مش وقتك 😒......و هديل تتفقد في حاجات دارين لمحت سلسله فضيه على شكل زهرة الأرجوان حلوه و كأنها غالية بكل ..... على جيت سمر
سمر😳: ااانتي من وين جبتي السلسله هذي
هديل: عليش فيه حاجه و هيا مستغربه ردت فعل امها 😕
سمر:عيونها معبيات دموع 🥺......كان عمك الله يرحمه داير منها اثنين وحدة لبنته و الاخرى لمرته الله يرحمهم مفيش منها بكل لان موصي عليها مخصوص مستحيل في حد عنده كيفها
هديل: 😳.....منصدمه و قعدت سارحه تفكر 🤔 معقوله تطلع بنت عمي ... لا لا مستحيل بنت عمي متوفيه
ادم: معقوله دارين ....😶
____________
عند دارين
دارين تحكي مع دينا ...... و زين قاعد مصبي قدام الباب🚪
دارين: تعرفي شن اللي عانيته في حياتي بعد ما عديتي 😢 و أكتر حاجه قعدت اليأس 😭 .....كنت نبيكي تكوني معايا بس فرقونا عن بعضنا 😭 ...و لما شفتك بعد سنوات صار ......😭😭
زين قمعز قدامها و مسح دموعها ... عليش تبكي حالتها احسن توا
ادم:ااووووف يا هذي شن جابها توا
هديل:في خاطرها معقوله تطلع بنت عمي و لو طلعت😐 شن ح يصير
ساره: سلام
هديل: تلفتت .. أنتي شن جابك توا 🤨
ساره: جايه نطمن على دارين و دينا بكل خبث 😈
هديل: انتي .... مستحل تحبي حد كيف جايه ....... قاطعها آدم
ادم: هدييل
ساره خشت شافت زين قاعد مع دارين و ماسك يدها بيد و اليد الاخرى على خدها
ساره: 😡.. ززين حبيبي و هيا تبحت في دارين 👿
زين: التفت 🤨 أنتي شن جابك
ساره: جايه نطمن على دارين و دينا
زين:كان تقدري ترني و تسألي 😒
ساره: و كنك تلز فيا
( اووووو و أخيراً اعترفت أن زين يلز فيها 😂)
دارين: اتبحت في زين أنا نستأذن و طلعت و انسندت على الساس ......على جيت هديل
هديل: قعدت تبحت في دارين و في خاطرها لو طلعتي بنت عمي ح نقعد فرحانه عشان طلعتي من دمي مش صحبتي بس 😏..... و عدتلها عشان تعرف منها قصة سلسله
___________
يتبع
❤آلَـيَتٌـآ Alatta❤
يا ترى مختار و ساره يخططوا لحاجه اخرى و لا لا👿🤔 و نضال شن ردت فعله لما عرف ان ساره متعاونه مع مختار 🤔
هديل كيف تبي تعرف ان دارين بنت عمها !!؟
و ساره عليش جت للمستشفى 🤔🤔
بنات يا عسولات 😍 نبي تفاعل
