##خادمه_على_عرش_الثراء❤🔥
الحلقه15
❤آلَـيَتٌـآ Alatta❤
_________________♡
هديل وقفت في مكانها .
ادم: من وراها انا انحبك ❤ و قرب عليها انحبك بشكل غريب .
هديل: تبحت فيه
ادم: انحبك حتى لو نزفت دم ...... تعرفي انا معاكي شخص آخر و هوا يحكي ..
هديل: ادم حتى أنا انحبك
ادم:😳 شنو عاوديها اخرى
هديل:😊 ا ن ح ب ك
ادم: يعيط طلعاااااات اتحبني .
هديل: خلاص فضحتنا 😏
ادم: أنا نبي نمشي لزين توا و نقوله نبي اختك 🙂
هديل: مجنون انت .. فيش تحكي لا اكيد انا لما نحصل فرصه انقوله 😊
ادم: يتأمل فيها معقوله الجمااال هضا كله ليا 😍
هديل:تحشمت ☺
_________
في الفيله
زين على اعصابه يبي يشوف دارين لاه يومين ما شافهش ......خش للمطبخ يبي يسأل الخاله عائشه بس بطريقة غير مباشرة 😁
زين: خاله عائشه انتي ليش تشتغلي بروحك وين دارين
الخاله عائشه: اليوم تبي تجي🙂.
زين :انا توا نحكي معاها معش تخليكي تشتغلي بروحك 🙃
( أنا:هههههه زين للدرجه هذي معش تبي البنت تطلع من الحوش 😂
زين:انتي شن دخلك 😒 حبيتي و أنا حر
انا:😒😒 اوووو علينا عليك المعقد نفسياً )
الخاله عائشه: لا خليها حرام دينا و دارين بعد ما ردت علاقتهم نحنا ندخلوا 🥰
زين:تمام ......و على طلعت زين الباب يرن🚪...... زين فتح الباب شاف قدامه
دارين: 🙃 سيربرايز
زين:يضحك 😏 خشي حسابك معايا بعدين
دارين: انا شن درت 😇......و عدت و هيا تتمختر و خشت للمطبخ عشان تسلم على الخاله عائشه
زين: يضحك عليها 😂....مجنونه و ام لسان بس انا نحبها
زين ركب لغرفة و دز لدارين رساله عشان تركب فوق
دارين: ردت عليه ما نقدرش
زين: دزلها تركبي توا و لا نجي نكرك قدامهم 🙃
دارين :و انت كل شي عندك تهديد و دزت الرساله.
زين: رد عليها ماهو انتي ما يمشيش معاك الا التهديد😁😁
دارين: اوووف تمام و ركبت و خشت للغرفة زين و زين صكر الباب .
زين :حط يده على خدها رايفتلك 😍 ي ام لسان معقوله يومين ما نشوفكش ...قريب انهبلت يا ظالمه ..ليش القسوه هذي
دارين: حتى انا مرايفه عليك ☺
زين: مادامك حتى انتي مرايفه عليا عليش ما جيتي🤨
دارين: مانك عارف الوضع
زين قمعز دارين على السرير : دارين ما فكرتيش في العيشه معايا 🙂
دارين: اساساً عايشين مع بعضنا 🙃...و هيا عارفة زين شن يبي غير تستعبط 😜
زين: صح
دارين: كأنك تلمح لحاجه 😁
زين: يعني انا .....قاطعهم أحمد بصوت عالي😅
احمد : نوتيلااااااا
زين:....🚫 ديما يفصل فينا 🤬 هضا
دارين: هههههه😂 هي باي...... و طلعت عشان تشوف احمد
دارين: شن تبي يا همي
.احمد: غمزلها 😉 كنتي مع خويا المتوحد
دارين: شن تبي مني😒
احمد:نبي نشوف دينا بتي طريقة
دارين: تمام انا توا نشوف كيف نحلها
احمد: لانقانك احلى مرات اخ طلعت منه بالعافيه😄....دارين اول ما سمعت كلمة مرات اخ انصدمت الهانم 😅
__________________
❤آلَـيَتٌـآ Alatta❤
_________________♡
في الليل 🌙✨
هديل نزلت عشان العشاء 🍖🍋 بعد ما قمعزت على الطاوله
احمد: كيف صار الايام هذينا قعدتي دبه 😂 خلاص معش فيه عشاء روحي ديري دايت 😂 ونحنا ناكلوا مكانك عادي
سمر: بنتي سمحه تقول ايش
هديل: التفتت لاحمد و قالت مقهوررين من الملكه
زين: كيف صار قعدتي احلام و نحنا مش عارفين 😂😂 و قعدوا يضحكوا كلهم
هديل: في خاطرها ياريت دارين معانا على الطاوله😔
و دارين طلعت للجنان و هيا تفكر كيف تجمع احمد و دينا في نفس الوقت تقعد هيا مع زين فجأه حست ان فيه حد وراها التفتت لقت زين
زين: في شن تفكري عشان سرحانه هكي
دارين: سر 🤐
زين: سر😏 و حاصرها بين يديه الاثنين
دارين: زززين راه يجي حد يشوفنا 😨
الخاله عائشه : تنادي في دارين
دارين: زززين حول
زين: مممم تمام بس ناخد بوستي قبل 😊
دارين: تمام باساته على خده 😘
زين: وين الاخره
دارين: وحده سادتك 😉 و عدت
زين طلع تلفونه و رن على ادم: بكرا في العشيه نبيك تجيني ضروري
ادم:تمام و هوا فرحان عشان يبي يشوف هديل 😁في الليل الكل كان راقد ما عاده زين كان في غرفة الرياضه يضرب في كيس الملاكم🥊و يذكر في كلام دينا ان الحادث كان مدبر لعند ما جرح يده ....نزل عشان يداوي يده على طلعت دارين من المطبخ شافت زين يده مجروحه
دارين:زين كنها يدك و جابت علبة الاسعافات و هيا ادير في يده زين يتأمل فيها كأنها معجزه ✨.
دارين : كيف جرحت يدك
زين: شكلك حلو و انتي خايفه عليا 🙂
دارين: انت تغير في الموضوع بس تمام كان ما تبيش تحكي و هيا ماشيه زين مسكها من يدها 🤝🏻و هما يبحتوا في بعضهم
زين: دارين انا انحبك و مستحيل نخلي أي حد يأذيكي طول ما انا عايش
دارين:انت عليش تحكي هكي صاير حاجه
زين:لا مفيش حاجه بس نبيكي تعرفي ان عندك سند و ظهر 🥰
دارين: نحبك بس نخاف نخسرك 🥺
زين: باسها على خدها 😘 معش تفكري هكي انا ملكك انتي بس تمام ..... عدي ارقدي
______________
في النهار☀️🌈
دارين ناضت توتي في الفطور كيف 🍒🍍 كل يوم و ركبت تستأذن من سمر عشان تعدي عند دينا
سمر: تمام يا بنتي على جيت هديل
هديل:حتى انا بعدين توا نجي
( و هيا ما تبيش تمشي غير لما تبي تشوف ادم 😉😂)
دارين: تمام نستنا فيكي 🙃
احمد : شكلاطتي تعالي نبيكي ... شن صار معاكي.
دارين: اليوم تعال انت مع هديل كأنك توصل فيها و عمو خليفه و عمتي مريم مش قاعدين
احمد: لانقانك احسن وحده 😁
دارين: هيا انا توا لازم نعدي .. ما تنسش اللي اتفقنا عليه
أحمد: تمام بري انتي توا
دارين: طلعت و هيا تضحك
____________
عند دينا
دارين وصلت و خشت و بدت توتي في الخطه 😁
دينا: انتي فيش اديري
دارين:اليوم هديل و قبس جايات عشان يشوفنك 🙂
دينا: اه اه خطرها محمود جاي
دارين: لا عادي .... خطرها احمد جاي مع هديل
دينا: عيونها لمعن 😍 و انا شن نبي نديرله يعني
دارين: و هيا تضحك 😏 مش عليا انا ي حلو
دينا :هاي كملي شغلك انا مريضه
دارين: 😂😂
( أكيد تبوا تعرفوا من محمود
محمود هضا يقعد ولد عم دينا و هوا نفس الشخص اللي احمد كان يحسابه حبيب دينا 😅 قبل ما يعرف ان دينا تضحك عليه عشان يخطاها 🙃)
__________________
❤آلَـيَتٌـآ Alatta❤
_________________♡
في الفيله
ادم وصل رن جرس الباب🚪طلعت الخاله عائشه فتحت الباب
الخاله عائشه: اوووو ادم مشرفنا اليوم 🙂
ادم: هههه زين قاعد
الخاله عائشه: قاعد خش
ادم خش و عيونه يدورن على هديل 😍 لقا احمد يرجى في هديل تنزل و هوا على اعصابه عشان يبي يشوف دينا 😵
ادم: كنك على اصابك .... أحمد جا يبي يكحي نزلت هديل و كانت طالعه حلوه ....آدم اول ما شافها سرح فيها 🤤
احمد: اخيراً نزلتي يالعروس
هديل: نزلت و قدت تبحت في آدم 😊 تسلمووا جمهوري العزيز و غمزة 😉لادم و طلعت و عمكم ادم يبحت فيها و يضحك 😀 ركب لزين دق على الباب🚪
زين: خش يا ادم
ادم خش شن فيه عشان كلمتني
زين: نحنا لازم نعرفوا من اللي يبي يقتل دارين
ادم😳: انت شن تحكي كيف
زين: في حد عنده مصلحه في قتل دارين بس من ؟ هضا الشي اللي لازم نعرفه 🤔
ادم :سرح و في خاطره نقوله أن دارين فيه احتمال تطلع بنت عمك 😐 لا هديل ما تبيش حد يعرف الا لما تتأكد .....بتهي توا شن مفروض انديروا
زين : تو نحكيلك ....
_____________
احمد و هديل وصلوا و هديل نزلت من السيارة 🚗 احمد دز لدارين رساله ... ردت عليه تعال في الليل
دارين فتحت الباب🚪هديل خشت و سلمت على دينا وطلعن للجنان قعدن يهدرزن بعدها خشت دينا ادير قهوه و دارين تخطط لي الليل 😊 و عمتك هديل تتمعشق مع ادم عبر الرسائل 😂 دينا حطت القهوه ☕ فطنت لهديل و خبطت يد دارين و أشرتها بعيونها 🙃
هديل: اليوم الجو حلو
دينا: قصدك تحسي جوك انتي حلو ...مع من تحكي😉
هديل: ااء ادم.
دارين: ادم ؟!!😶
هديل: صاحب زين 🙄
دينا و دارين: صاحب زين 😳.
هديل :كنكن عادي نحكوا
دارين :يعني الحاجه هذي طبيعية هو يرسلك رساله و انتي تبتسمي و عيونك قريب يطلعن من مكانهن 😉
هديل: اوووف انا و ادم انحبوا بعضنا 😒
دينا:تست تست واحد ....اثنين مكبر صوت لا يعمل😂😜
هديل:اووو علينا توا تستلمني بالضحك و التسهويك انتي وياها 😒😒.....بعدها جت قبس و قعدن يحكن لين رن جرس الباب🚪دينا فتحت الباب كان محمود
خش محمود : سلام انا محمود
هديل: اهلين انا هديل .... و جا يبي يتعرف على قبس ...و عمتك قبس ساحت في مكانها.... و حتى هوا معش عرف يشيل عيونه من عليها 🤤
دارين و دينا يبحتن فيهم و قريب يطربقن ضحك😂...بعد نص ساعة دارين دزت رساله لاحمد عشان يجي و طبعاً لزين و رنت على ادم ... بعد وصل احمد .... دينا طلعت تجري عشان تفتح الباب😂
احمد: خش و قعدوا يبحتوا في بعضهم قريب 20دقيقه 🙃لين جت دارين كرت دينا و قمعزتها جنب هديل 😂.
دارين:اسمعوا توا نحنا نبو نلعبوا بس ع فريقين تمام
احمد: غمز لدينا 😉
دارين: بنات ضد شباب
احمد: قاطعها يعني لازم شباب خليها شاب و بنت 😁
و ينط محمود: و كان عليا انا اخترت
قبس مازالت مستكه تقول اول مره تشوف شاب 🙃
دارين:لا بنات ضد شباب ... على رنت الباب طلعت دارين عشان تفتح و كان ادم
هديل :قعدت تضحك.
قبس: عليش تضحكي
دينا :بصوت واطي ادم جا عشان هكي تضحك 😉
هديل :ااااي علينا بدينا مره اخر في التسهويك ..دينا و قبس يضحكن
بعدها جا زين و دارين طااااارت طياره على الباب 😂
زين: طبس راسه عليها أنتي توا عاجبك هكي نجري في جرتك كيف المراهقين 😒
دارين:و هيا تهمس انا شن دخلني 😜و عدت
زين: خش و هوا يضحك .. شاف محمود ركبه ستين عفريت من باهي هضا😠
محمود:انا محمود ولد عم دينا .
.قاطعتهم دارين: تمام توا عددنا اكتمل هيا نلعبوا 😜
زين :لعبة شنو
دارين: بلاستيشن
زين: بحت في دارين و قعد يتخايل في روحه زين على سن و رمح لكل يديرله في الف حساب يلعب بلاستيشن 😁
دارين: الوووو شكلك خايف تخصر و قربت عليه
زين :رفع حاجبه 🤨 من يخاف توا تعرفي اللعب مزبوط شن شكله
هديل: توا تخسروا كلكم و نحنا اللي ح نفوزوا
ادم: انتي الثقه هذي من وين جايبتها😌
( اكيد تحسابوا ان الشباب هما اللي فازوا و البنات خسرن زي الروايات الاخره 😉 بس نحنا عكس البنات فازن و الشباب خسروا 😌 للاسف)
احمد: يااار كيف نخسروا نحنا
دارين و دينا سلمن على بعضهن 🙏🏻
دينا: زمان انا و دارين اللي في الملجأ كلهم نخسروا فيهم يعني جاحه عاديه عندنا 😌 دارين بحتت في زين و غمزتله😉
هديل: اليوم لازم يتسجل في تاريخ العيله ان زين خسر لأول مره في حياته
لما كملوا لعب تعشوا 🍕 مع بعضهم
دينا : خشت للمطبخ لحقها احمد
احمد صكر باب المطبخ و كرها من يدها : تتزوجيني 😊 يا حلوتي المعجونه
دينا:.....😳
________
يتبع
❤آلَـيَتٌـآ Alatta❤
شن كان رد دينا على احمد 🙃 .. و زين و ادم كيف ح يعرفوا من ورا الحادث 🤔؟!!
هي تفضلوا الحلقه و ياريت تقولولي رأيكم في الرواية بصفه عامه و كان في اي حد يبي يقول اي حاجه عادي أنتقبل في النقد راه 🙆🏻♀️😆
