خادمه_على_عرش_الثراء❤🔥
حلقه10❤️
❤آلَـيَتٌـآ Alatta❤
__________________♡
العم خليل: اسمعي يا عائشه معش نقدر انتحمل انا جايك توا عشان نبي نطلب منك الزواج .. فكري و عطيني رأيك 😊
الخاله عائشه: مصومه 😳 ...كيف انت شن تقول بعد هالعمر نتجوزوا 🙁
العم خليل: انا قتلك فكري و خوذي وقتك انا توا طالع و ياريت تفكري كويس ... باي يا شوشو يا حبي😉❤️
الخاله عائشه: اطلع يا شايب يا خرفان اطلع 😳
عمو خليل: مقبوله منك يا قلبي 🤤❤️... و طلع و سيب عائشه في صدمتها 😂
دارين .. خشت على الخاله عائشه .
دارين: خاله عائشه كنك ساكته شن قالك عمو خليل😨
الخاله عائشه فطنت لروحها: لا ما قال شي هيا نكملوا شغل 😊
دارين🙄: باهي
و كملوا شغل .....
___________
عند مختار 😈
مختار كان يفكر شن يبي يدير في دارين و يفكر في زين و كيف ح يقدر يتخلص من دارين لعند اتصل بيه رقم غريب
و رد طول
مجهول: سيد مختار وصلتني اخبار مش كويسه
مختار : شنو هنا الأخبار قول ما تعصبنيش 😡
مجهول: بنتك هديل و السيد آدم صاحب ولدك يدوروا على أهل دارين
مختار: كيف هكي كيف .. بلغني بأي خبر جديد يوصلك و صكر الخط
مختار يفكر : ضروري أنتخلص منها القصه هذي ضروري نلقا حل لهالمصايب 😡
(طبعاً أنتوا عارفين أن هديل و آدم كانوا يدوروا في أخبار على شخص و الشخص هضا كان دارين بس هل ح يوصلوا للحقيقه او لا توا نعرفوا 🤷🏻♀️)
_____________
عند سمر 🤍
كان كل تفكيرها في دارين 🥰
سمر: مش معقوله يكون التشابه هضا كله صدفه
بس كيف هما قالوا أنهم ماتوا و دفنوهم هما الثلاثه .. مش معقوله عقلي استك ... استغفرت و طلعت من دارها بتشغل روحها ما تبيش تفكر
____________
بعد مرور شهر 🍂
دارين و زين كانت علاقتهم حلوه و كان زين ديما ينابش في دارين و دارين شي ما تبيش تعترفله بحبها لعند تعرف نهاية القصه بينه و بين ساره
.. و بالنسبه لساره و نضال كانو يخططوا لشي ثاني😈
احمد و دينا علاقتهم تطورت و دينا تعودت على احمد و اهتمامه و دمه الخفيف و بدت تحبه بس كالعاده ثاقله عليه 😂❤️
احمد كان يحبها و ميت فيها بس مع هضا كله مازال تافه 😂
هديل كانت كل يوم تحكي مع آدم و كانت علاقتهم تحت مسمى الصداقه 🙄 مع أن آدم مش مهني روحه بس هديل كانت عاقلة و تعرف حدودها 🤷🏻♀️❤️
__________________
❤آلَـيَتٌـآ Alatta❤
_________________♡
عند زين
كان طالع و يحكي بالتلفون: الوو خاله عائشه دارين وين كنها ما تردش
الخاله عائشه :دارين مريضه و راقده في غرفتها انا قلتلها تتريح
زين : كيف مريضه كنها 😨
الخاله عائشه : شكلها واخذه برد
زين : تمام انا في الطريق جايكم
وصل زين لي الحوش و خش يجري شاف دارين راقده حط يده على راسها لقا حرارتها شايطه 🔥
زين: خاله عائشه لبسيها عباية و خليني نطلع بيها
الخاله عائشه: حاضر .. نمشي معاكم ؟!
زين مفيش داعي و مشوا لمستشفى
خش بيها طول للدكتور
كشف عليها و طلع
الدكتور : استاذ زين حرارتها قويه و اليوم بنديرولها دخول لانها ما تقدرش تطلع بالحاله هذي ... درنالها مخفض حراره و قاعده في الغرفه هذي تقدر تخش تشوفها
زين: تمام شكراً دكتور .. و مشى للغرفه
دارين كانت تهلوس
زين جا جنبها: كنك يا روحي شن صارلك
دارين مش فاطنه لروحها: زين حبيبي نحبك انا ☺
زين استك و فرح: صار زين حبيبك و من امتى تحبيه زين
دارين مازالت تهستر😅: نحبه من قبل بس هوا خاطب ساره 😂
( فظحت بروحها الست 😂)
زين كان يسجللها و يضحك
صار ثاقله عليه يا ست دارين 😈
ساهل غير تطلعي بالسلامة بس و تشوفي بعدها 😂❤️
_______________
تاني يوم🌈☀️
دارين ناضت من النوم لقت زين جنبها راقد .. و هوا راقد شكل كان حلووو 😍 دارين كانت تتفرج عليه بس تذكرت أنه خاطب
دارين: غلط نحبك بس معش قادره و دمعتها نزلت 🥺
زين ناض لقا دارين دمعتها نازله :دارين شن فيه ما تخوفينش عليكي 😟😨
دارين: مفيش حاجه و هيا قلبه يتقطع 💔 ياريت تعدي
زين:😳 كيف نعدي و نسيبك
دارين: زين معش نبي نشوفك 😔
زين: انتي تبصري صح 🙁 فكيني منه جو دلع البنات ......و طلع تلفونه قاللها هضا شنو امس قلتيلي انك تحبيني
دارين: قعدت تبكي 😢.....صااااح ااانا نحبك بس مااانقدرش نقعد معاك ااااففهم انت خاطب و هيا تبكي اااااانا وحده حماااره عشان حبيتك 💔 عليش حبيتك و قعدت تبكي تحسابها حاجه ساهله عليا اني نشوف ساره معاك 😭💔 أنا كل يوم انتعذب
زين:طلع قعد يخبط .... كيف كيف😡
ادم:شن فيه ليش انت راقيتلك 😕
زين: انا نكون سبب عذاب دارين
ادم:غير فهمني بس كيف انت سبب عذابها
زين:هيا قاعده تبعد فيا و مش طايقه تقعد معايا في نفس المكان
ادم:انت شن تحكي هيا تحبك باين في عيونها ❤
زين:يارا امس قالت انها تحبني بس ما تقدرش تقولها عشان
دام :عشان ساره
زين:خبط الساس بيده
_______________
العم خليل: ها يا عيوشه فكرتي 😉
الخاله عائشه: تفكر في دارين من امس
العم خليل: شن فيه 🙁
الخاله عائشه: انا خايفه على دارين
العم خليل : مسك يدها اكتر حاجه نحبها فيك هيا حنيتك 🥰
(انا:اووو عمو خليل وين الرومانسيه هذي 😅
العم خليل: انتي ليش مصره نوريك وجي الثاني😠
انا: نحنا ماقلنا شي 😇
العم خليل:انتي ما تجيش غير بالعين الحمره )
______________
عند احمد
احمد: سرحان و جوه مش تمام 😐 حتى ما كانش تافه زي كل يوم 😅
دينا: حست فيه حاجه تبي تعدي تشوفه بس كانت متردده ....احمد كنك فيه حاجه اول مره انشوفك هكي 😕
احمد: شكلاطتي مريضه 😔
دينا:من😳 من هذي في خاطرها انا خيافه عليه و هو يفكر في وحده من البنات اللي يحكي معاهن 😒 جت تبي تطلع
احمد مسك يدها: خليك انا نبيكي نبي نحكي معاكي نحس في روحي احسن و أنتي معايا
دينا:تمام بس من شكلاطتك هذي 🤨
احمد:هذي دارين خادمتنا او بمعنى أصح صديقتي المقربه
دينا:😳😳😳 شن تحكي انت
احمد: دارين هذي غيرت حياتنا و هيا اول وحده كانت تعرف اني نحبك و هيا توا مريضه و شايلينها للمستشفى
دينا: 🥺 نبي نشوفها
احمد: حس ان اول ما سمعت الاسم وجها تغير تمام هيا نمشو
__________________
❤آلَـيَتٌـآ Alatta❤
_________________♡
زين : انا توا شن ندير بس من جيهه دارين من جيهه الاخره باتي 😔
ادم: غير اهدى بس
احمد وصل دينا نزلت و هيا خايفه احمد حس في حاجة
( اكيد تبوا تعرفوا عليش دينا تبي تعرف دارين من🤔 و عليش تبي اتشوفها 😊 )
أحمد و دينا خشوا لقوا زين و ادم
زين: اهلين دينا
دينا :اهلين 🙂
دام: من الحلووو 😍
دينا: انا دينا
ادم: انا ادم اعزااااابي جدا 😉
دينا: هههههه 😂
أحمد: اااادم 😠
ادم :شن قلنا 🙂
احمد: اصبري نخش قبلك .... بحت في آدم و انت خيرلك
خش احمد: شكلاطتي كيف حالك 😊
دارين: احسن
احمد في حد يبي يشوفك
دارين: من؟ 😌
احمد: تذكري البنت اللي حكيتلك عليها و أنتي خاطرك تشوفيها
دارين: تمام خليها تخش
احمد طلع ينادي فيها و هيا متوترة
خشت دينا:و انصدمت 😳😳
دارين:شافت دينا نصدمت
دينا:جت ضمت 🤗 دارين و هيا تبكي و دارين نفسها
زين: يبحت في دارين بعد ما عرف ان هيا تحبه بس ما تبيش بسبب ساره
( دينا هذي هيا نفسها صحبة دارين في الملجأ اللي كانت تحبها واجد ❤)
دينا: أنا آااااسفه عشان معش جيييتك و شفتك بس مش مني ماما و بابا مبووووش
دارين: مش مهم المهم ااااني شفتك توا و أنا مرايفتلك و هياااا تبكي 😭
احمد: من وين تعرفوا بعضكم 🙂
دينا: دارين كانت صاحبتي في الملجأ و مش بس صاحبتي كانت أختي
احمد: ما كانش يعرف ان دينا يتيمه انصدم بس مشاها بضحكه .... معناها انا نطلع منها 😂
دارين: اسكت يا تافه و هيا تمسح في دموعها
دينا: تبحت في احمد بحب 🥰 بس فطنت لي روحها
الباب دق🚪الممرضة : آنسه دارين في حد عطاني باقة 💐🌹ورد نعطيها لك
زين:🤨🤨🤨
ادم:العب حبيبة القلب طلع عندها معجبين 😉
زين:ااااادم 😠
دام:تمام سكتنا 🤭 و حط يده على فمه
دارين: بحتت فيه قرت الكرت 😳 نضال
دينا: من نضال ؟
احمد: عنجد وجه هضا شن يحساب روحه 😒 لصقه زي اخته .. لا و لصقه احسن منها على الأقل لصقتها تحول بميه بس هوا لا
عمكم زين عيونه طالع منهن نار 🔥🔥 و ماسك روحه بالغصب
دارين: تبحت في زين 💔
بعد كم ساعه دارين طلعت من المستشفى وصلوا للفيله كانت الخاله عائشه ترجى فيهم و مجرد ما وصلوا جت ضمت دارين 🥰 خوفتيني عليكي و دينا قعدت تبحت فيهم الخاله عائشه من البنت العسل هذي 😊🥰
احمد: في خاطره هذي حلوتي المعجونه المستقبلية 😍
دارين: هذي اختي و روحي و عيلتي هذي دينا
الخاله عائشه: انتي صحبة دارين في الملجأ
دينا: صح انا دينا 🙂
الخاله عائشه: تفضلي
دينا: لا خليها مر...... قاطعها أحمد
احمد:غصباً عنها تبي تخش 😏
دينا: هييي انت شن تحساب روحك عشان تأمر 😠
احمد:مديرك في الشغل😉
دينا: حاضر يا همي الاسود
خشت دينا و قعدت قريب ساعتين و عمك احمد مش مهني روحه 😅 من غمزات 😉 و تعزيق كلام بعدها تبي تروح دارين طلعت معاها حضنتها 🤗 بعد دارين كانت تبي تخش في حد ناداها
دارين 😳.........
____________
يتبع
من المجهول اللي كلم مختار ؟ 🤔 شن يبي يدير في دارين المسكينه 💔🥺 سمر ح تعرف ان دارين بنت صاحبتها و سلفها ؟! كيف هتقعد علاقة دينا و احمد ؟! زين و دارين شن حصير فيهم بعد ما زين عرف انها تحبه 💔 من اللي نادى دارين قبل ما تخش للفيله ؟!! 💜💙
نبي تفاعل ي حاوووين💋
❤آلَـيَتٌـآ Alatta❤
