خادمه_على_عرش_الثراء❤🔥
حلقه❤5
❤آلَـيَتٌـآ Alatta❤
_________________♡
دارين سلمت على سمر: أهلاً أبله سمر أنا دارين نخدم هنا مع الخاله عائشه 😊
سمر حست أنها تشبه حد تعرفه ... أو كأنها شايفتها من قبل بس ما ركزتش قالت ممكن شبه بس
بنسبه لمختار سلم على دارين بدون ما ينتبه
(اكيده تلخبطتو توا سمر تقعد مرات عم دارين وزمختار يقعد عم دارين يلي قتل هلها و زين و احمد و هديل عيالهم و طبعاً وراء هضا كله سر و دارين ما تعرفش ان هضوما هلها او هضا يلي قتل باتها و امها ) نكملوا الروايه يا حناتي يا حلوااات🍂🥀
_________
و بعد التسليم رتبو الغداء 🍗🥒 و خشوا تغدوا و خش كل حد لغرفته و دارين قعدت منشغله في غسل المواعين و الحوسه بعد كملوا حوسه خشت الخاله عائشه لغرفة دارين تتريح 😞 و قالت لي دارين ديري بالك من الحوش باهي سلم بنتي
دارين: حاضر 🙂
دارين عدت للغرف سألتهم كلهم الا زين مطنشته و نزلت حست روحها مكسده 🥱 طلعت تتمشي برا طبعاً كان عندهم جنينه كبيره و فيها حتي مكان للخيل
قعدت تمشي و جت جنب الخيل 🐎 تفرج و هيا فرحانه😊 فجأة حست حد وراها 😶
لفت راسها لقاته زين
زين: شن رأيك تركبي على الخيل
داربن: بس انا ما نعرفش
زين: عادي نعلمك
دارين فرحت 😄: جديات
زين: جد الجد هيا بسرعه 🙂
و مشو يجروا🚶♀️ للأسطبل و فعلاً ركبت دارين على الخيل و زين قعد يعلم فيها ( عليك الرومانسي يا جماعه 🥰 ) كيف بدت تمشي بيه فجأه الحصان دار حركه خلت دارين تطيح فوق زين
الحصان عدا يجري و زين و دارين من الصدمه 😳😨 معش تحركوا
زين بدون ما يحس : محلاك من قريب 😍
دارين تلخبطت 😨 و فطنت لروحها و صبت: آسفه استاذ زين توا ضروري نرد لخدمتي اكيده الخاله عائشه تدور عليا و مشت بدون ما تستني منه رد
زين: نبي نعرف انا ليش ندير هكي 🤦♀️ليش نبي نشوفها ليش نبيها تكون معايا بس و قعد يفكر 🤔 بعدها رجع لغرفته من دون ما حد ينتبهله
دارين خشت للمطبخ و قعدت أدير في القهوه ☕ و تفكر في الموقف و معش عرفت روحها شن تبي😔
___________________
❤آلَـيَتٌـآ Alatta❤
_________________♡
احمد نزل من الدروج و خش المطبخ
لقاه دارين أدير في القهوه ☕
احمد: اووو قهيوه احسبينا في فنجان 😊
دارين ضحكت 😅 على تصرفات احمد : حاضر
و قعدوا يهدرزوا و يضحكوا 😂
زين نازل و يسمع في صوت دارين تضحك 😂 مشا للمطبخ طول
و صبا على لباب🚪
احمد يحكي و يضحك😂: قالك مره واحد سكران طينه طاح من فوق العماره قالوله لاباس شن في قاللهم و الله ما ني عارف حتى انا كيف زين واصل و قلبوها ضحك 😂 هوا و دارين و زين يبحت 🤨 و مش منتبهينله
دارين تضحك: عطك دعوه بطني وجعتني 😂
احمد يضحك: عادي الجمال 😄 هضا كله ما يمشي معاه الا الضحك
دارين تحشمت: تسلم 😊
زين خش المطبخ: احسبوني في قهوه ☕ و هو راقيتله ومش عاجبه الوضع 😠
احمد: الاخ الاكبر المعقد نفسياً بكل صفاته المتوحده
دارين ماسكه ضحكتها 🤭و أدير في القهوه
زين: أنت صكر فمك لا نافع في قرايه لا في شغل .. فالح غير في الصياعه 😡
احمد: لا حول و لا قوة إلا بالله عليك حسد حتى على الراحه 🤷♂️ حسد و قعد يقلد في صوت البنات ... والله حتي ختشيبي يقولي محسودين
