##خادمه_على_عرش_الثراء❤🔥
حلقه🔥16
❤آلَـيَتٌـآ Alatta❤
_________________♡
احمد صكر باب المطبخ و كرها من يدها : تتزوجيني😊يا حلوتي المعجونه
دينا: 😂😂 فكني من بصارتك و خليني نكمل اللي في يدي
احمد: بس المره هذي جديات حلوه معجونه تتزوجيني 😊
دينا😨: دقيقه من يتزوج من
احمد: أنا و أنتي نتزوجوا 😋♥️
دينا مصدومه وجها قعد هك 😳
احمد : شنو موافقه
دينا: فاقت من صدمتها ....... مش كأنك خذيت وجه زياده معش تقرب و خوذ خطوه لاوره 🙂
احمد : به تتزوجيني ولا نخطفك توا 😊
دينا:احمد بلا صماطه
احمد قرب منها و عطاها وجه خبيث 😈شن قلتي
دينا:خلاص خلاص بعدها وافقت 😅
احمد قرب منها و مسك يدها و يعيط وووه وافقت نتزوجوا و نجيبوا عرم حلوه معجونه 😚
دينا: بلا صماطه وطي صوتك راه يسمعونا برا يحسابوا صاير حاجه اسكت راه نغير رأيي 😂
احمد:باهي قولي انك تحبيني
دينا : انحبك يا احمد و طلعت 🤣
احمد انتقلت عنده الصدمه و قعد متنح حي عليا
قالت انحبك يا احمد و قعد مصدوم شويه و طلع للشباب 😂♥️
__________________
❤آلَـيَتٌـآ Alatta❤
_________________♡
عند ساره
اففف لازم ندير حل هضوما كل يوم يقربوا من بعضهم أكثر شن ندير بس و الحقير نضال معش يبي يخش معايا نبيه يبعدهم .... بعدها خطرت عليها حاجه خبيثه 😈....رفعت التلفون
مختار: الو😒
ساره: اهلين🙂
مختار : اهلين بيك عليش متصله شن في راسك 😒
ساره: و الله نشوف فيك معش تحركت و لا درت حل قررت انا نتحرك .. مش مستعده زين يعدي من بين يديا و انا انتفرج 🙂
مختار: و من قالك أني ما انتحركش .. ما نبيش ندير حاجه عشان بدوا يشكوا فيا و حاس ان زين يفتش على اللي دار الحادث نراجي في الجو يهدا قبل
ساره: باهي انا عندي خطه جديده 😈
مختار: أطربينا 😒
ساره .....
__________
عند البنات و الشباب
زين صبا من جنبهم و مشا و دار اشاره لدينا تجيه في للجنان
و مشا للجنان ولحقاته دينا 🙂
زين: شن قصدك بالكلام اللي حكيتيه وانتي في مستشفى
دينا: الحادث مدبر انا قبل ما نفقد الوعي سمعت حد يتصل و يقوله تم يا استاذ دارين ماتت .. واضح أن اللي داير الحادث كان هدفه يقتل دارين بس
زين: و من يبي يقتل دارين و شن مصلحته بنت يتيمه و طيبه و لا عندها هل و لا أملاك عشان يقتلوها
دينا :والله ماني عارفه انا قتلك اللي سمعته ... و خشت
زين قعد في الجنان يفكر جاته دارين
دارين: الحلو في شنو يفكر 😊
زين: هكي تلعبي بالنار معش نقدر نمسك روحي 🔥🙂
دارين : خافت و وخرت خلاص ما قلنا شي الستر و انت على سبله 😂
زين:😂😂
دارين: خلاص انا بنروح مع احمد ... و قربت من زين و مسكت يده و حطت فيها علبه صغيره و عدت تجري
زين:قعد يضحك 😂😂
(البنات رايحات صايعات 🤣)
دارين : هديل احمد هيا نروحوا قبل ما يجوا هل دينا😂
احمد: تي لييييش 😫مازال الليل طويل و غمز لدينا😉
دينا وجها الوان
زين: ضربه على ظهره تي تحشم على وجهك حشمت البنت 🤨
احمد: قالها اللي يتحشم و هو من امبدري و لاصق في شكلاطة النوتيلا
و دارين تحشمت و اختفت بكل 😂
هديل و قبس يضحكن😂
ادم: بصوت واطي......تسلملي هالضحكه اللي تبي تجلطني .....هديل😳
زين : هي انت شن توشوش لأختي 🙂
ادم: شي كنت نسأل فيها على الجامعه و شن جو قرايتها و هك🙄 يعني
هديل : ماتت خوف 😂
احمد: لا شاطر اوي تي انت اساساً مش عارف كيف كملتها الجامعه .. تسأل فيها على شنو يعني .....و بدوا كلهم يضحكوا 😂
و بعدها كلهم بحتو في قبس و محمود كانوا يهدرزوا في عالم ثاني آخر انسجام مش مع حد بكل عايشين في البنبي 😂
الشباب غمزوا بعضهم و طربقوها ضحك و البنات نفس الشي
قبس: وجها انسلخ
محمود: حيوانات خزيه على شن تضحكوا 😂انتوا
زين: مغافلنه كلنا و عايش في الأحلام الورديه يا سيدي يا سيدي😉😂انسى
احمد: و لا شوف البنت قبس تتسهوك 😂ازاي
قبس: عزقت عليه المخده 😂...و كلهم قعدوا يضحكوا
البنات طلعت وصلهن احمد و محمود روح و زين حتى هوا روح بآدم و روح لحوشه 😂
__________
نضال كان يسمع في ساره و فاتح فمه 😮
نضال: يا كلاب هضا كله بديروه في البنت ... بس مش ساكتلكم.....و قعد يفكر
__________
مختار راسه صداع و يفكر 🤕
مختار: من اول يوم في عمري لعند توا ما درتش حاجه كويسه بكل ....حتى هلي و الناس يقولوا كنك ما تقعد كيف خوك كنك ما تقعد كيف خوك كرهت روحي و تعبت من كلام الناس امي كانت تحبه اكثر مني و حتى باتي بس هوا كان طيب مع الكل و أنا شن درت الحقد عمى عيوني و قتلت خوي و مرته بس .. شن درت في عمري و لعند امتى بنقعد هك و كمل الليل و هوا يفكر ....
__________
دارين في المطبخ خش عليها زين
زين:ششش يا بنت لعند امتى حنقعدوا هكي
دارين:انت على شنو تحكي 🙃
زين قرب عليها و حاصرها بي يديه الاثنين..و كانت المسافه بينهم شعره
دارين: زززين حول نحنا في المطبخ راه يشوفنا حد
زين:ضحك محد يقدر يفصلنا كيف امس
دارين:زي.....
زين:ششش 😏 امس ما كملنش عقاب الدوه لان خويا المحترم فصلنا...... هوا يحكي في كلمة خويا المحترم و يخش احمد 😂
احمد:اوووو عصافير الحب 😉....يغردن في المطبخ 😂
دارين: تحشمت 😳... و طلعت تجري
زين:خدا تفاحة و عزقها على احمد....حسابك بعدين و انت ديما تفصل فينا
احمد:و الله و فيه حد قالك تمعشق في المطبخ🙂....و طلع
_________
ثاني يوم☀️
يوم حلو غيوم في السماء و برا تمطر و جو شتاء 🥺❤️
في الفيله كالعاده دارين ناضت توتي في الفطور و لابسه شال .. و عشان كانت بيضه خدودها و خشمها حمر من الصقع
وتت الفطور و قمعزت في المطبخ و خشت الخاله عائشه
الخاله عائشه:صباح الخير
دارين: صباح النور
الخاله عائشه: دارين بنقولك حاجه و نبيك تقوليها للاستاذ زين🙄
دارين: إن شاءالله خير .... و عطست....قولي 😂
الخاله عائشه: امم انا و خليل بنتزوجوا الاسبوع الجاي و مش ح ندير حفله و لا شي بس نبي اهل الحوش يعرفوا
دارين :ناضت تزغرت 😂
الخاله عائشه: 😳تي اسكتي فضحتينا ياريتني ما قلت عليك جيل زايط
و دارين ترقص و تضحك و تغني 😂💃🏻
خشت هديل: شن صاير شن فيه 😳
وخش احمد: كنكم يا عرب شن فيه 😂
دارين و هيا ترقص💃🏻😂: الخاله عائشه و عمو خليل بيتزوجوا 💃🏻💃🏻
هديل قعدت ترقص مع دارين و يصفقوا و يغنوا 😂💃🏻
احمد: وين مغافلتينا يا شوشو و عايشه قصة حب😉من ورانا يا مزه 😂
الخاله عائشه وجهها تقول كابه عليه اميه ساخنه: ضربت احمد تحشم على وجهك 😳
احمد: ما قلنا شي .. و عمي خليل وين داير روحه صندوق اسراري و منكتله الشوالات يدرها من ورايا 🙂
الخاله عائشه تضحك
دارين وقفت رقص و مشت تجري هيا وهديل
___________________
❤آلَـيَتٌـآ Alatta❤
_________________♡
مختار على طاولة الفطور : شن صار في آخر صفقه
زين: الراجل تعبنا شويه لكن احمد حل القصه
مختار: احمد من
زين: احمد ولدك 🙂
مختار: ولد من
زين و سمر قعدوا يضحكوا و سمعوا صوت زغاريت في المطبخ صبوا هديل و أحمد يجاروا
( شورهم القصص هذينا 😂😂 )
زين: يضحك مكاليب 😂
مختار: تي غير خليهم قصدك اللي تحكي عليه توا هوا احمد خوك
زين: اها 😂
سمر: 😂.
مختار: 😳.
شويه و طلعن دارين و هديل يجارن من المطبخ و يضحكن
زين :شن فيه إن شاء الله خير🙂
هديل و دارين يضحكن و حكن مع بعضهن: الخاله عائشه بتتزوج عمو خليل 😂💃🏻
زين: اااوووه بيصير عرس عندنا 😂
مختار: و الله و دارها خليل صحه له 😂
سمر: عطك الخير يا عائشه ما قلتليش و صبت للمطبخ بتمشي للخاله عائشه😂
دارين تحكي: بس هيا قالت ما نبيش ندير عرس و لا حلفه .. الاسبوع الجاي بيقروا الفاتحه و خلاص☹️
زين: كيف هكي على الاقل نديروا حلفه بسيطه لنا
دارين: انت اقنعها
زين: تمام و مشى للمطبخ
نمشوا الاحداث شويه زين بعد اصرار قدر يقنع عائشه ان ادير حفله بسيطه و مشى الجو و داروا حفله و تمت
_________
بعد مرور اسبوعين
_______
احمد: اسمعي اليوم بنحكي لامي تجي تخطبك وتي روحك في العشيه
دينا: بس مزال مش ح نلحق اندير شي 😒
احمد : مش شووري 🙆🏻♂️
دينا: باهي اففف منك خليني نقول لماما
و مشا احمد حكا لسمر فرحت و مريم نفس الشي 🙂
في العشيه احمد شال دارين و سمر و هديل لهل دينا
.. خشت سمر سلمت على مريم و قعمزن يهدرزن
و هديل و دارين خشن يساعدن في دينا
و بعدها طلعت دينا تمد في القهوه
( كانت لابسه قفطان قصير لونه اخضر داكن و لابسه اكسسوارات على الذهبي و كندره بيج و لافه شعرها تسريحه بسيطه نازل منها خصلات و مكياج بسيط ♥ ️)
سمر: الله اكبر ما شاء الله على بنتي
دينا: ابتسمت و هيا متحشمه
و قعمزت و قعدن يحكن شويه و خشت دينا و لحقتها دارين
دارين ميته ضحك 😂: وووه منضرك و أنتي دايره روحك متحشمه 😂
دينا: قعدة تضرب فيها بطلي صماطه
دارين :خلاص سكتت 🤐
قعدت شويه و ردت تضحك 😂
دينا: حقيره باه توا نرده لك كله🙂
و كملت الخطبه على خير
_________
بعد ثلاث ايام
دينا: الو يا حيوانه امتى تجي بنطلع و نبي ناخذك معايا نختاروا حاجات
دارين: باه خلاص قاعدة في الطريق قريب نوصل
و كانت ماشيه في تاكسي
وقفت عليهم سياره مظلمه قطعت طريقهم 😳
يتبع .......
_________
❤آلَـيَتٌـآ Alatta❤
شن ح يصير في دارين 🤐 و مختار ساعد ساره و لا لا
تفاعلوا عسولاتي
