⛓سہجہيہنہيہ🥀

𝐏𝐚𝐫𝐭 𝟛

🌘𝓴𝓪𝓰𝓾𝓻𝓪 𝓐𝓵𝓪𝓮 & 𝓓𝓸𝓾𝓪𝓮 𝓝𝔂𝔁🌒

🧚🏻‍♀️عند ريهاام🌸

فصالون اللي كيخرجو منو ضحكات و هدرا نسائية مجمعين على كيسان اتاي مشحرين صخانين و طبسيل ديال الحلوة مشكل ، ريهام تاهي شابرا معاهم ستون ما كتشبروش مع اي واحيد غير مع هاد المرا اللي كتعرفها من نعومة اظافرها و صاحبة مامها الانتيم رقية اللي هي الام ديال البطل ديالنا

امينة كتعمل راسها معصبا : وخا عليك ارقية خيطتي جلابة و موريتهاش ليلي زعما راني ختك

رقية : هانا عنجيبا و تشوفا كتعرفيني كنخبع عليك شي حاجا ؟

ريهام ضحكات : ههه ولايني توما بحال براهش

امينة جات نايضا عليها : نوضي ليماك شمن براهش تقادو الكتاف

رقية كضحك : خلي البنت عليك كتملغ معانا (دارت لعند ريهام و مدات ليها سوارت )  بنتي ريهام هاك ساروت مشي ندار جيبلي جلابة راه عندي فالبيت معلقا تما مورا الباب .

ريهام جبراتها فورصا تهرب خدات سوارت و ماشا و هي كتعيب فمامها و تخرج لسانها حتى شدات الباب موراها و خلات امينة كتحلف عليها .

دخلت ندار جبرت سكات حمدات الله مجبراتوشي تماك حيت هو اول واحيد طاح على راسها فاش خرجات من دار و ندمات علاش قالت تا اه ، مشات حلات باب البيت هزات جلابة من مورا الباب و تمات خارجا و هي دخول فحيط

ريهام شابرا فوجهها : اي منخري المزيون اي اهء اهء اهء (حلات عينيها و شافتو واقف عاقد يديه حدا صدرو العريض عاد استوعبات انها دخلات فيه و كيسحابلكوم سكتات هه هادي راه ريهام) واش عور ولا ما كتشوفشي حداك داخل فيا كيسحابلي داخلا فحيط

أيهم كيشوف فيها من تحت شفارو : أولا أنا كنت واقف تنا دخلتي فيا و تانيا شوصلك لداري ؟

ريهام كتعيبو  و سيداتي سادتي هادي حركة كتعملا فحالة ما فازتش فالنقاش كاغاضة لطرف الثاني : نينينينيني ،  دارك ؟ هه دار د خالتو رقية هادي  الله يخليك و جيت نديلا جلابة ديالا (بعداتو من طريق بدفعة)و كترة الهضرة معنديش معاها

أيهم علا حاجبو و مد يديه جبدا من شعرا حتى ردها حداه : غتعاود تعمل معايا هاد تصرف مرا أخرا غنجمعك فبلاصتك وابقا تلعبلي علا أعصابي بربي تانخرج فيك

ريهام كتغوت و تجبد يدها كتقمشو : واخا صاف طلقلي شعري اي اي

أيهم طلقها: هانا طلقت مرا اخرا تعاودا نفرعك (سبقا للباب و حلا )خرج ابنتي خرج و مرا اخرا حتارم لي كبر منك