⛓سہجہيہنہيہ🥀

𝐏𝐚𝐫𝐭 𝟚

✏ : 🌘𝓚𝓪𝓰𝓾𝓻𝓪 𝓐𝓵𝓪𝓮 & 𝓓𝓸𝓾𝓪𝓮 𝓝𝔂𝔁 🌒

كملت ريهام طريقها و مشات جابت تقدية نماماها منبعدما تعايرت اللي تعايرت فهادوك اللي فالمخبزة راه وخا كتبان ضريفا اللا انها فيها واحيد المقندشة ساكنها اعوذو بالله ، رجعات ندار و جمعت معا ماماها كتعاودلا على المعيور اللي ضربات و حطتلا سينية فكوزينة و نوعت طباسل بديكشي لي جابت و خرجت طالعا فحالا..

ريهام : شوف الواليدة انا عاونتك تسخرتلك من يجيو ناس خليني فبيتي نفوق متعيطليشي نهبط تا يمشيو فحالوم

امينة اوامت ليها : واخااا سير غا سير المتوحدة سير الله يهديك

ريهام جات طالعا و هي ترجع: ااه ماما دار لي قبالتنا شكون ساكن فيها من غير خلتو رقية و عمو منير ؟

امينة : تاواحد ابنتي را داروم هاديك اويلي علاش

ريهام : شفت واحد الولد خارج من تماك قبايلا كبير ما عمري شوفتو

امينة كتفكر : ااه صاف صاف عرفتك كتهدر علا أيهم هاذاك ولدوم كانت قاتلي عيخرج غي هاد شهر من الحبس مسكين تا هو قاصاا فحياتو داك الولد ما يستاهلش

ريهام كتخمم : اهاا واامزيان علا سلامتو يالاه هانا طلعت

طلعات ريهام نبيتها و بدلت عليها لبسات شورط و ديبارادو ديالو و خرجت كلست فبالكون ديالا و فيدا تيلي كتلوي خصلات من شعرا و كتفكر فداك تيتيز اللي خدالا العقل .

🥂عند أيهم 🚬

كان يالاه خارج من دوش لاوي عليه فوطة و عضلاتو باارزين سداسين هوادين منهوم قطرات الماء بشويا ، شعرو اللي كان هابط علا عينيه و كل خصلة مثقلا بالما و كتقطر دوز يديه الرجولين اللي عامرين عروقا بعصبية فحوايجو كيقلب شنو عيلبس خصو بزربة باش يخرج يكمي .

جبر داك شرط حداه بحال ضحية فاللون الرمادي مغلوق سلو بزربا و لبسو منبعدما لبس بوكسر رجولي فالكحل و منلفوق بقا صولو هز فوطا كيضرب بيها شعرو بيد زحدا و يد لاخرى كيفتش فالمجر على الباكيا ديال الكارو هزها و هز بريكا و سيب الفوطا فوق كتافو العراض خرج للبالركو جبد واحيد من الباكيا و حبسو ما بين شفايفو ليكانو مايلين للزروقا بالحق ماشي معيقين هز يديه لاخرى و غطا جيهت فمو من الريح و حل البريكا حتى تشعل داك الكارو اللي كيحرق فراسو باش يعطي لهاد المقطوع اللي يكالميه.

أما لالة ريهام فكيف شافتو خارج تصدمت محسابلاشي بيتو قبالت بيتا شبراتا سخفة بقات ساهيا فتفاصيل وجهو عينو كانو رمادي فاتح حادين شوفا فيهم كدوب خصوصا طريقة كيفاش عينيه ناعسين و معسلين نيفو مقاد و شفايفو اللي كانو فيهم زروقيا مخلطا بالحموريا ديالو بعيدا على ملاميحو الحادين و اللحية اللي كانت خفيفة و حتى الفك البارز اللي جا على شكل L عنقو الطويل اللي كانت كتزينو ديك تفاحة ادم اللي كطلع و تهود مع كل دخان كيخرج من فمو كتافو العراض اللي خارجين منهم دوك العضوما بحال جناح و صدرو العريض اللي كان كيلمع ، سداسيتو اللي مطراسين و فخاذو المعقودين " الموهيم كلو علا بعضو حلو هه"
و هي كتسكانيه غافلا على دوك الرماديين اللي تموضعو عليها من اول ما خرج و حاضي البلان .