⛓سہجہيہنہيہ🥀

ℙ𝕒𝕣𝕥𝕖 𝟙𝟛

✏ : 🌘𝓚𝓪𝓰𝓾𝓻𝓪 𝓐𝓵𝓪𝓮 & 𝓓𝓸𝓾𝓪𝓮 𝓝𝔂𝔁 🌒

ريهام هبطات عينا كتشوف باقي ناس معلين عينم فيهم و هي دخل بحالا بشويا كتسلت ، غير شافا دخلت دخل تاهوا بحالو.

ريهام كلسات فبيتا كتهدر مع صحاباتا و كتشارك معاهم الوصفات اللي عملات و زدقولا ، ناضت كتغسل نمامها القشوع و قفات معاها شويا فالكوزينا كتعاونا فتوجاد الغذا .

طلعات كتلبس جلابا ديالا باش تمشي تجيب الخبز ، هزات فلوس وخرجات جبرات دونيا خاويا بحالي ماشي عاد صباح كان صداع ، هبطات نباتيسري كتفك فرجلا حيت ساعة ديال الغذا دونيا خاويا هزات الخبز و هي طالعا طلاقات بهداك اللي كان كيدابز.

طلعاتو و هبطاتو بعينا كان باين فيه خااصر و ماجي من شي طيرا بعيدا ، كيهدر بجهد و يحشي المعاني زعما راه مقود ، مشات نباتيسري هزات الخبز اللي خصا و جات خارجا بحالا .

طلعات بحالا ندار و مع دخلات جبرات وحدا من خالتا فدار ، غير شافتا قلبات عينا و اضطرت انها تعمل ديك الابتسامة المزيفة على وجها كلما قرباتلا كلما وضاحت صورة ديالا بديك جلابة بيضا وقوة الذهوبات و ديك سبنيا د الحرير : مرحبا بخالتي منانة

منانة علات عينا فيها بابتسامة مزيفة : تباارك الله اهلا اهلا بعروستي الغزالا

ريهام حنات كتسلم عليها و ديك كولونيا خنقاتا عاملاها زعييقا ، ريهام كلسات حداها : ترحب بيك الجنى اخالتي

امينة هزات الخبز : انا عنحط الغذا و نجي ، ريهام بقا مع خالتك

منانة :زول زول الحبيبة هاد جلابة الحرارة عليك

ريهام : غير خليني نرتاح دبا نحيدا قولي تينا كيبقيتي شويا قاتلي ماما كونتي مريطا

منانة حركات راسا ، و اخيرا حطات ديك صاك اللي من صباح و هو تحت يدا فوق مطاربا حداها و هزات يدا نشعر ريهام كتلعب بيه:اييه الحبيبة كنت مريييطا و ظطريت ما نجيشي عندكم ديك نهار اما تينا كتعرفني ما نكلسشي عليكم

ريهام ديقاتا ديك يدا فشعرا : الله ياودي اخالتي عارفا اللي كاين تاتينا معزتك عندنا كبييرة

جات امينة كتحط الماكلا فوق طابلا ، منانة غير شافت ماكلا ملاميحا بداو كيتخربقوا كانو عاملين ما كتبه الله شويا ديال الجديودات و بطاطا صااف .

ريهام الواحيد اللي لاحظات ديك الملاميح ، و ماعجباشي الحال عملات راسا عورا قاطع تفكير ديالا مامها كتعرط ختها للمكلا و تقطعلا فالخبز .

هزات منانة يدا كتشمر و تاكل غير بجوج صبيعات و صغير كتخرجو لبرى زعما حركة الالبة ، ريهام و امينة كانوا كياكلو عادي ما مصوقينشي تا ليلا .

منبعدما كملوا غذاهم ، شيرات امينة نريهام تمشي للكوزينا ، جبرات ديسير فوق طبلا جاتا غريبا ماشي حيت ماكيدخلوشي ديسير انما ديسير كان بزاف و بكل الانواع بدات كتغسل و تحط فطبسيل و دخلاتلوم ياكلو .

منانة كتاكل تفاحة : ايوا يا ريهام باقي مجابلك الله شي ولد الحلال

ريهام تبسمات : ايوا ياخالتي انا باقي صغيرة على هادشي و الحمدلله معززة مكرمة فدارنا حاليا كنفكر نخدم

منانة علات حاجب باستنكار : تخدم؟؟ و علاش ابنتي نتينا ملي حليتي عينك اللي طلبتيه فيدك و دبا تخدم ؟ لا لا لا انا ضد هاد الفكرة ، نفظل انك تزوج بهادا اللي يهزك و يعطيك كاع اللي خصك ولا تمشي تخدم اصلا ما بقات تيقة دبا شحال من وحدا خصا ضحي بشي حاجا و باعز ما عندا باش تخدم فخدم عادية .

ريهام تعصبات على ديك الطريقة اللي هدرات و كيفاش كتحاول دخل هاد الفكرة لراس مامها ، هي عارفا انو مامها انسانة امية و كتخاف على بنتا ديال دبصح تجيدلا عينا و ما تأديشي بنتا ولو بخبشا وحدا و منانة كتلعب على ديك الوتر .

ريهام : علاش اخالتي مالنا على هاد الهدرا امتى قولنا حنايا غاذي نضحيو بشي حاجا امتى ؟ انا قولت غير عنخدم و زيد انا قادرا نخدم فاي حاجة بغيتا بعيدا على نقطة اللي جيبت با راه انسان معروف فالادارة و زيد عليها راجل عنديه عنديه

منانة : انا ولدي عثمان الله يرضعليه خدام نائب فشركة على برى (ريهام قلبات عينا كاتكل و تقلدا فالهدرا حيت دائما كتغنيهالا) و دبا راه قريب يولي مول داكشي كامل ، تخايل ا امينة بين عام مكاملش ردوه نائب مدير و دبا كيقولو كاين احتمالية تدي بلاصة المدير .

ريهام : اييه صبحان الله اخالتي هاد ولدك دائما كيشطحوه نرا نائب مدير مرا مدير تنفيدي صبحان الله .

منانة : الموهيم قالي خصو شي بنت ناس وانا قوتلو دي بنت خالتك صلاة على نبي على مزيناتا قاريا و واعيا و بنت ناس .

ريهام :ربي يخليك اخالتي بالحق ان-

قاطعاتا امينة كتخنزر فيها : علاش انشاء الله نقولا نباها و نشوفوا

يتبع...

بنات ما تنساوشي 🌟 و شي تعليق زوين ♥️حيت كتزيدو تشجعونا نحطوا وشكرا💋