⛓سہجہيہنہيہ🥀

𝐏𝐚𝐫𝐭 𝟟

✏𝓓𝓸𝓾𝓪𝓮 𝓝𝔂𝔁 & 𝓚𝓪𝓰𝓾𝓻𝓪 𝓐𝓵𝓪𝓮✏

منبعد ساعة و الصرف كانو فالدار ، ريهام دوشات عليها و كانت كالسا فالصالون كتسنى العشا حيت جاها جووع .

امينة خرجات من الموزينة لعندها : ريهام مشي جييلي شعرية رقيقة و ربع كيلو ديال طريفات دجداد ماشي مشرلمين باش نتعشاو

ريهام وقفات : نيت داكشي ليخصني

رمات عليها جلابة و هبطات بزربا ، مع حلات الباب طازو من حداها الدراري صغارين كيجريو تاكانت عطيح .

ريهام : السعر غير بشويا مالكم كطيرو

نفطات جلابة من الغبرا اللي اطرت عليها و هبطات فالطريق ماشا تقدا اللي خصها منبعدما دات داكشي اللي ناقصها تبعاتها بواحيد بتيبان كتغلق بيها و هي تشوفو كالس مع دراري و كيصاوب واحيد جوان بقات حاضيااه حتى غبرات و طلعات ادارهم .

ريهام اللي مربعا فالبيت و كتصنت للأغاني ما علا بالها بامينة اللي نتحت كتغوت و تعيط ليها باش تهود تعشا معاهم ، حتى كتشوفو واقف على راسها .

ايهم : واش معتنقصشي ديك صوت

ريهام كانت كتعدل الصباغا لظفارها حتى قلبتاتها عليها : بسم الله الرحمان الرحيم يا ربي الحبيب قلبي كان عيوقف انا لله .

ايهم مطلع حاجب و كيسوط دخان : واو رحعتي فقيها ديال الجامع

ريهام وقفات ومشات كطير تاكد عندك يطلع شي واحيد و يجبرو فالبيت ، شدات الباب بالسوارت و دارت لعندو جبراتو كيشوف فديك صباغات و كينتر من الكارو : شني هاد الوسخ ؟

ريهام مشات كتحيدلو الرضايم من يدو و كتخبعوم فلاطغوس : والو والو ااا

شلاه جات ماشا و هو يجرا من ديك ضفيرا ليكانت عاملا فشعرا وردا لعندو حتى تقابلت معاه : طلق يدك اري نشوف

ريهام مدرعا ديك لاطغوس و كتغطي ظفارها : ع-علاش ؟

ايهم مد يدو ونتر يدا و مدهم كيشوف الظفار معدلين فالحمار : هاي هاي هاي كنتي عوالا تخرج ليهم ولا ؟

ريهام نترات يدا :  و نتينا مالك هاء؟

ايهم علا حاجبو بواحيد الطريقة اللي شلاتلا ركابي ديالا ، بلعات الريق اللي وقفلا فحنجرتها و حاولت ترجع خطوة بالحق يدو اللي شابرا شعرها ما خلاتهاش تحرك ، كدور عينيها فالبيت كتشوف شي طريقة تهرب حتى قاطع تفكيرها

ايهم : مسح هاد زبل من يدك

ريهام : وعلا شعنمسحو بصفتك شكون ؟ اه و زيد علاش اسيدي داخل نبيتي باي حق ؟ راه نقدر نعيط للبوليس ويجيو يهزوك دبا !!