⛓سہجہيہنہيہ🥀

𝐏𝐚𝐫𝐭𝐞 𝟙𝟘

✏ : 🌘𝓚𝓪𝓰𝓾𝓻𝓪 𝓐𝓵𝓪𝓮 & 𝓓𝓸𝓾𝓪𝓮 𝓝𝔂𝔁 🌒

ريهام بقات ساكتا مدة كتمضغ فديك مدة ردات كاع سيناريو ديالا مع ايهم نفضات داكشي من راسا و طلعات عينيها فيه كتبسم : لا

كمال تبشر و جهو و تعاوط فالكلسة : كتفكر دخل فشي علاقة ؟

ريهام حطات فورشيط وشافت فيه بابتسامة : الا كانت علاش لاء؟

كمال اومالا بابتسامة و كمل ماكل ديالو بصمت ، ريهام شافت فكوبل اللي كايوكل بعضهم و كيضحكو تبسمات تاهي و فبالا جا غير ايهم تمنات كوكانت بيناتهم شي علاقة صحية .

تنهدات و هزات كاس د الماء كتشرب مع علات عينا و هي تزهقلا بدات كتسعل ، كمال وقف كيعطيها موشوار و منى كضربلا فظهرا بشويا مخلوعين معاها و هي عينا غير على داك اللي عاطيها بالظهر دار بشويا ملي سمع صدع ديالم و عاد رتاحت ملي زدق هداك اللي خمات فيه ماشي هو وانما غير تشبهلا بيه .

كمال : صافا دبا ؟

ريهام كتدوز على قلبا : اه الحمد لله

منى كتصفق يدا بحماس :يالاه نمشيو نتفرجو شي فيلم

منير : اه طبعا

ناضو هابطين فدروج باش يمشيو منى صدرات ريهام تركب مع كمال و هي ركب معاها الحبيب ديالا فلوطو خلاتو هو يصوغ ، منعبدما وصلو نسينيما تما فين منى و حبيب قلبا رجعو لور بوحدم.كيتفرجو و الهدرا بتوشويش ، ريهام كلسات فقدام حداها كمال كياكلو و يتفرحو دبصح منيتم كمال كلما يبغي يعمل حراكا كيزدق مقموع غير بالفن و كينساحب بشويا .

منى كتنقز فرحانا : فيلم كان مزيون خصارا سالا بكري .

ريهام :راه كان مبلوز

كمال ضحك : كنتافق معاها صراحة

منى : موهيم دازلتنا الخريجا معاوطا .

منير : شبانلكم بشي مشيا حدا البحر .

ريهام شافت فساعة :وخا غير متعطلوشي

منبعدما شبرو طريق نبحر ، منى و منير فاللوري ماشين بشويا و ريهام و كمال قدام كيتشاركو الحديث.

كمال : عقليتك صاراحا زوينا اريهام

ريهام بابتسامة : شكرا

كمال : نتمنى تجمعنا شي غولاسيون مستقبلا

ريهام عضات على شفتا التحتانية ، كمال لاحظ و هدر بزربا كيبرر الموقف ديالو : حتى تفكري طبعا كولشي يمشي غير بخاطرك

ريهام شافت فيه : انشاء الله

منير كيهدر بشويا مع منى : جاو مع بعضهم

منى كتلعب فيديه : صراحا منقدرشي نبزز عليها ، ريهام من نوع اللي معندوشي مع العلاقات بزااف و خوافى من جيهة واليديها مكنظونشي تبغي هاد العلاقة مع كمال اللي شخصيتو متفتحة بزاف

منير : لا بالعكس كمال من نوع صبور هو الوحيد اللي فصحابي عامل فيه ثقة ضريف و ولد ناس معندوشي مع زهو بزاف و قال خصو شي وحدا يكمل معاها حياتو

منى تنهدات :امم و يكون خير

منير باسا فحنكتا : الموهيم انا وياك مع بعضنا طوجوغ

ريهام دارت لعندم :منى خصني نرجع لدار تعطلت

منير : باقي بكري ماشي بهاد زربا

منى : اه صاف نرجعوا تانا عيت

وقفوا حدى لوطوات كودعوا بعضهم ، كمال كانت الابتسامة فوجهو باينا طلب الرقم ديال ريهام غير بالفن و حتى هاهي ما منعاتوش عطاتولو .

دارت شافت فمنى اللي كتميل راسا فطريق : طفو على جوما عندكم ماين عنقدر ندخلك شني هاد ضيق كامل .

ربهام تبسمات :هانيا غير خليني انا نمشي ملشي شي بعد زعما

منى : دبصح ؟ وصاف عنطلق ضو دالوطو فدخلا د الحوما باش نشوفك

ريهام ضحكات و قربات كتسلم عليها :بونوي

منى : بونوي حبيبا

هبطات ريهام كتمشا داخلا نالحوما و ريهام عينا عليها حتى شافتا سدات باب موراها عاد تحركات .

دخلات ريهام جبرات مامها كالسا : على سلامتك

ريهام كلسات حداها : الله يسلمك

امينة : فاين تعطلتي ؟

ريهام جرات مخدا و توسداتا : غير مع منى ضربنا دورا

امينة :امم مزيان باك جا و نعس راه تهلك بالخدما

ريها تكسلات : تانا فيا نعس

امينة :العشى خليتولك

ريهام ناضت هازا صاك فيدا:نو نو كليت (حنات باستا من حنك) تصبح على خير

امينة : تصبح على خير ، تانا نوض بحالي نعس

طلعا فدروج رجل تجرى و رجل لاء راسا مطرطق بالصداع ، حطات يدا على المانكو ديال باب كتحلو دخلات كرنح بشويا شدات الباب و رمات راسا على فراش عينا كيتشدو بوحدهم بالحق حلاتم بزربا فاش شمات ديك ريحة ديال دخان زعيييقا

ناضت كضرب رجلا فلارض قاصدا الباركون ما جبرات تاواحيد ، و هي تشدو بشعطا : طفو بنادم ما كيجبر امتى يكمي

ايهم :وامتى بغيتي هاد بنادم يكمي ؟

يتبع...

بنات ما تنساوشي 🌟 و شي تعليق زوين ♥️حيت كتزيدو تشجعونا نحطوا وشكرا