⛓سہجہيہنہيہ🥀

𝐏𝐚𝐫𝐭 𝟠

✏ : 🌘𝓚𝓪𝓰𝓾𝓻𝓪 𝓐𝓵𝓪𝓮 & 𝓓𝓸𝓾𝓪𝓮 𝓝𝔂𝔁 🌒

صباح نهار جديد و ريهام ليناضت حاقدا على الوضعية صرداتا امينة تصرخ و تجيب الخبز هبطات لبانادريا ليحداهم و جابت الخبز فطريقة طالعا و كتسمع توشويش و كاع العينين حاضينها .

مادات ما جابت حيت معروفين فهاد الحومة الحضيا فيها على الجهد ، حلات الباب و دخلات طلاقات بوحدا من جارتم اللي طلعاتها و هبطاتها بواحيد شوفا خلات ريهام يدخلا شك فراسها تاهي ماشي من العاكزين رداتالا بالدوبل و زادت معليا مناخرا مع دخلات جبرات امينة كالسا بصمت و كتخمم.

حطات ريهام الخبز و الفلوس على طبلا : ماما انا عنطلع نكمل نعاس رانا مدوخا محتاشي تنوضني للغذا

شلاه جات دايرا و هي توقفها امينة : ريهام واش مصاحبا مع ايهم؟

ريهام تبلوكات طارلا نعاس بمرة دارت لعندها بشويا : كيفاش؟

امينة وقفات : ريهام واش مصاحبا مع ايهم؟

ريهام معرفات ما تقول بقات ساكتا ، مشات امينة حركاتا من يدا : واش اداك ؟

ريهام تنترات منا : لا لا

امينة تنهدات : ريهام ابنتي غير قولي اللي كاين

ريهام : اه مصاحبين واقيلا بالحق ماشي تانديك درجة

امينة : و كيدخل عندك للبيت كاع

ريهام : هو كيطلع عندي ماشي انا كنقولو اجي والله

امينة : ريهام تينا عارفا الحومة كيعاملا و الهدرا كدور شافوكم بارح كتباوسو فالبالكون و دبا غير القلالين اللي فراسم ، نتينا عارفا باك لاوصلاتلو شني عيوقع عليها وقف هادشي ولكان باغيك دبصح يجي ندارك

ريهام : اه عارفا الواليد كيعامل و انا عنقولو على هادشي وخا

امينة درعاتا : الله يرضعليك ابنتي و اجي فطر معايا

ريهام ربتاتلا على ظهرا : وخا انبدل عليا

فالدار اللي قبالتهم و بالضبط فالبيت ديال ايهم اللي كان شاخر ، وصقييل فالبيت ظلام هو اللي كان مغلب على البيت و ديك كليما فوق راسو عاطياه البرود و الراحة حتى كيتحل الباب على اخرو.

رقية : نوض اداك الحمار نوض

ايهم علا راسو بشويا كيشوف غير بنص عينينا شكون حل البا مع شاف رقية قلب راسو لجيهة لاخرى و غطاه بالمخدة : اممم خليني نعس الواليدة را مراد يتصخرلك نتحت

مشات رقية كتعلي ريدوس و تحل باب ديال البالكون ، كان ناعس على كرشو و داك كتاف العراض و مطراسين راخي كل يد فين يد فوق المانطات و يد اخرى شابر بيها ديك المخادة : نوض اولدا لحرام نوض غرقتي البنت مع واليديها باراح كتشففلا فالباركون صبحنا على اللسان ديال كل واحيد اللي يسوا و اللي ميسواش.

ايهم تكلس كيحك فعينو : كيفاش؟!

رقية وقفاتلو فوق راسو : ايييه كيما كتسمع

ايهم وقف كيتمدد : ااا مزيان

مشا لطواليط و رقية تابعاه من لوري كتغوت : كيفاش مزيان ؟ واش مبقاتشي فيك ديك البنت اللي عتبقة هدرا ففم العديان ؟
ايهم وقف باب طواليط و دار لعندا : انا مكونتش شابرا بزز و زيد مكنتش عوال نتزوج بيها ولا اي حاجا من داكشي اللي فبالك داكشي كان غير تدويز الوقت و زيد واش شي واحيد بحالي شلاه خارج من الحبس ني مستقبل ني فلوس ني تا قلوى عادي يتزوج باش يعذب معاه بنت ناس لاء طبعا اذن الله يرحم بيها الوليدين خليني و خطيني من هاد الموضوع .

دخل و سد الباب مخلي المرا غير كتشوف مجبرات فين تعمل وجها و بشمن وجه عتقابل امينة اللي كل نهار و ليل كتقولا بنتك نولدي

ايهم كان واقف تحت الماء اللي كان كيتصابق على الروسومات ديال ظهرو ، حاط يديه بجوج فالحيط و راسو هابط للارض شعرو اللي كان هابط على وجهو علا راسو لفوق كيدوز يديه على شعرو و صورة ديال ريهام واقفالو فراسو الحركات ديالا و الهدرة ديالا .

حرك راسو يمين و شمال بحالا كيرمي دوك الافكار على راسو و خا انهم عيبقاو مرسخين فذاكيرتو ، سد الما و خرج كي لوي الفوطة على نصو و يد اخرى كيمسح بيها شعرو اللي كيقطر رماها على راسو و حنى كيغسل سنانو وخا كيكمي و كيضرب جوانات و كولشي الا انه كيهتم بصحتو .

خرج و جبد المجر جبد البوكسر ديالو فالكحل و لبسو طلع سروال ديال سورفيت فالرمادي هز تيشرط فالرمادي و لبس صبادرين ديالو هز طيلي لللي كان كيتشارجا و هبط مع الدروج مع حلل الباب ضربو ديك الضو لعينو و هو يكمشم .

مراد ضربو لكتفو : صباح الخيير اسي سيد على سلامتك

ايهم : الله يسلمك .

مراد : واش دبصح راك مع ديك تيتيزة دالحوما ؟

ايهم مشا وخلاه كيهدر داز لواحيد القهوة و ريح طلب كاس د القهوة كحلا مقطرا و جبد باكيا د الكارو جا مراد كلس حداه : جبرت واحيد البلان مقود

ايهم شعل كارو و شاف فيه : امم اما هو؟

مراد : ليلك نتا خدام اساط والله واحيد الولد طلب مني نجبرلو شي راجل تقة و روجووولا و مطاح عليا غير نتا

ايهم شاف فيه و ساط : كمل

مراد : خصو غير شي واحيد يوصلو السلعا من هنا ن فاس و قال عيضبر عليه تضبيرا صحيييحا

يتبع...

بنات ما تنساوشي 🌟 و شي تعليق زوين ♥️حيت كتزيدو تشجعونا نحطوا وشكرا