⛓سہجہيہنہيہ🥀

𝐏𝐚𝐫𝐭 𝟙

🌘𝓚𝓪𝓰𝓾𝓻𝓪 𝓐𝓵𝓪𝓮 & 𝓓𝓸𝓾𝓪𝓮 𝓝𝔂𝔁 🌒

فحومة شعبية بإمتيااز ، وبضبط فطنجة كل واحد فين ملهي شي دافع كروستو كيبيع شي مفرش فلارض شي كيغوت و يبرح باش يجمع الانظار ديال الشرايا شي مدابزين لهيه و بنادم واقف كيتفرج غير اللي جديد اما اللي مسانس مع هادشي راه كل نهار عندهم فراجة حيت هادي هي ارض الدولة الغنية عن تعريف {أرض دولة: تقدرو تقولو عليها تا بني ماكادة حيت قرابين و لكن لهلا يقربكووم نأرض دولة و حومة 12 .. ههه من لايعرفهووم بمضاربات دياالوم و تبزنينز لي ككون تماك علا جهد أما لا مشيتي تا أديتي شيواحد منوم ق**ودتي سوايع معاهوم} درااري صغارين كلعبو كبير و صغير و الغوات ديالهم كيزيد جو اخر على الحوما ، نسا كبارين كالسين حدا باب مقرقبين نااب مدوزين ساعاات ديالووم باش معطا الله متضامنين مع بعضهوم خالقين جو من داكشي الموهيم كل واحد شمن هم هاز فقلبو كل واحد فين مشغوول .

فوحدا من ديك ديار لي تماك كانو ساكنين تما أمينة مرا في اواخر الثلاثينيات و أحمد في اواخر الاربعينات واليدين مغربين بكل معنى الكلمة كيكافحو و يحاربو على ود مستقبل بنتهم الاميرة المدللة  ريهام .

مفشينها كتار من قياس لي حلات فمها عليها يحدروهالا لدرجة كل ما فالسيكتور حاسدينها ديما الجديد لابساه و ديما معدلا و دايرا بحالتا وخا مكاينش مناسبة كتخلق الجو لراسها ، ريهام بنت ما طويلة ماقصيرة طولتا مناسبة خصوصا مع طايتها اللي جات مناسبة لسنها اللي هو 18 شعرا طويل تانلخصر ديالا رطيطب و لونو قهوي وجها تشوفو تقولو سبحان من أبدع في خلقه ، عينين كبار مشفرين لونوم عسلي حواجب كثافين و منقين نيف منقاد كل شي عندا هو هداك ،مناقصها والو خصا غي تحمد الله علا لي طاها...

أمينة من الكوزينا كتعيط بالجهد : ريهااااام واا ريهاااام 

ريهام طلت من دروج براسها :نعااااام اماما شنو خصك

أمينة : هبط مشي تسخرلي سربي را عيجيو ضياف معنجبر ما نحط

ريهام كتنفخ هابطا كضرب ضروج برجلها بحالا باغا تشقهم: اوووف شكون عيجي عاود هاد نهار

أمينة : هبط تسخر و تينا غي ناعسا لا منعستيشي تشبر ديك المشقوف نهار و مطال و تنا فيه وزايداها بقصاير بغيت غي ترجع هاد مدرسة و تجبر فين تلهى ابنتيي

ريهااام غي كتبحلق فيها : اويلي اماما غي وحدا وحدا خلينا نبلاصيو معاك شي كلمة (طلعت )

بدلت عليها ريهام لبست سرواال جين فكحل و تيشورت بيضة و صبادرين بيضة فيها نايك فالكحل و جمعت شعرا كودشوفال و هودت عند ماماها

ريهام مادا يدا : عطيني فلوس و شني عنجيبلك

امينة كتجبد فلوس من بسطام : غتمشي تهبط نبني ماكادة و غتسخر من المخبزة لي تماك جيب كرواصات مخلطين و ديكشي فحالي كنجيبو دائما و مشي عند ديك مرا لي كنتسخرو من عندا و جيب رغايف و بغرير متعطلشي الله يرضى عليك

ريهام خدات فلوس و دارت ماشا:  واخا صاف

خرجت ريهام من دار و باقا واقفا مع الباب كتعاوط ليزيات فودنا و كتعدل الاغنية مع علات عينيها شوية شافت داك  التيتيز اللي خارج من الباب اللي قبالت دارهم

ريهام كتهدر فنفسا: ااحح اربي تيتييز عندنا فالحومة شكون يكون زعما هاداا ربي ربي غنطيح صاف صاف ريهام تقال صاف اويلي

يتبع...

بنات ما تنساوشي 🌟 و شي تعليق زوين ♥️حيت كتزيدو تشجعونا نحطوا وشكرا