"ملاك الزين" ((مُكتملة))

part 2

دخلت ملاك لتتفاجئ به يقف بمنتصف المسرح دخلت وقفلت الباب جامد وراحت ل آسيا تسألها مين ده
آسيا بخضة من هجومها:اهدى يا حجة ده المدير الكبير ومدير كل الافرع الرئيسية وتقريبا كدا فى مشكلة كبيرة حاصلة
ليلى:شششش اسكتو زين باشا بيبص عليكو
ملاك ببرود:ما يبص اهلا وسهلا
آسيا ضحكت بخفوت وقالت:طيب مراد بيبصلك
ملاك بصت لمراد لقتو بيهز راسو بمعنى انها تهدى لحد ما يخلصو راحت نفخت وعملت برأسها بمعنى طيب
كل ده وزين متابع الموقف بهدوء وهو بيفك الكرافت وتبقى البنطال والقميص الرسمى وفتح اول زرارين وبدأ يتكلم
زين:طبعا كلكم مستغربين الاجتماع ده ف هدخل فى الموضوع على طول
ملاك بصوت منخفض:يلا وحياه امك عشان انا بزهق بسرعة
آسيا بضحك على كلامها:الله يخربيتك اخرسى عشان نسمع بيقول ايه
زين بهدوء مستفز وهو يتحدث:يا شباب تصاميم الديفليه الشهر الجاى اتسرقت
علت صوت الهمسات وعلامات الصدمة على وجوه الموظفين من هدوءه الغير مبشر
زين:بس إللى عاوزكم تعرفوه ان الديفليه فى معاده مفيش حاجة هتتغير واللى غلط هيتعاقب وياريت يحاسب على تصرفاته عشان لو عرفتو مش هرحمو
زين ببرود وبتذكر مصطنع: اااه انا مبهددش انا بنفذ 
ثم خرج من القاعة هو واصدقائه وكأن شئ لم يكن
ليلى:يلا كل واحد على القسم بتاعه
ليلى ذهبت ورا زين بسرعة وآسيا وملاك وسهى فى حالة زهول من إللى حصل سهى وسرعان ما فاقت من صدمتها عندما تفوهت
اسيا بوقاحه:مز مز مز يخربيتو ويخربيت برودو بس عليه جوز عيون انما اييه...
فقاطعتها سهى بعصبية:الله يخربيتك احنا ف ايه ولا ايه وبعدين يا حيوانات اخرتو ليه
ملاك:بقولك اى فكك منى ويلا نغور على شغلنا
سهى وآسيا فى نفس الوقت بأستغراب:مالها دى!!!!!!!
آسيا بخبث:طب بزمتك مش مز وقمر هو واللى كانو معاه ما عدا مراد طبعا
ملاك بخبث اكبر:ده احلاهم مراد
آسيا بغصب:ده متخلف ده حتى معرفش يحافظ على التصاميم إللى تعبت انا وهو والتيم كلو فيها اديلنا كتير
ملاك بتهدئه:خلاص يلا طيب نشوف هيعمل اى
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
لين بصدمة:يخرب عقلك ازاى عرفتى تخترقى مكان زى ده وغير كدا ده برا مصر
ليان بفخر:انتى بتشكى فى قدراتى ولا اى
لين بسخرية وهى تضربها على قفاها:قدرات اى يا امو قدرات ده انتى عاملة مصيبة
ليان بوجع مصطنع:اااه ايدك تقيله يا حلوفه
لين:طب هنعمل اى دلوقتى
ليان بتفكير:يلا نكلم اس...
قاطعهم دخول والدتهم
سارة:ليان متعرفيش فين لين
لين:انا هنا معاها يا مامى فى حاجة
سارة:لاء يا حبيبتى كنت طالعة اندهلكم عشان الفطار
ليان بتوتر وهى تغلق الحاسوب:اوكى يا مامى هنيجى ورا حضرتك
سارة بشك:مالكم
لين بضحك وهى تذهب وتذغذغ والدتها:مالك يا سوسو فى اى احنا زى الفل
سارة بضحك:بطلى بكش يا بت
لين بضحك:حاضر 
ليان:هو ابيه زين خرج
سارة:اه من بدرى وغير كدا شكل فى مشكلة فى الشركة
ليان:ياما قولتو خدنى اشتغل معاك مش راضى
سارة ولين بضحك:هتشتغلى اى يا مهندسة الديكور انتى
ليان بضحك:لاء متنسوش انى انفعو فى الكمبيوتر
سارة بسخرية:والنبى اتنيلى بالهبل إللى هيوديكى فى داهية ده
لين بأستغراب:انتى عرفتى ازاى؟!
سارة بأستغراب اكبر:عرفت اى!!
ليان بغضب من غباء اختها:ولا حاجة يا مامى وبعدين تابعت وهى تتصنع التفكير ثم
ليان بخبث:وبعدين يا مامى انا مهندسة ديكور يعنى اقدر اعملهم خلفيات للتصاميم واظبط الصور بتاع التصاميم يعنى محتاجينى بس مشغلين غيرى
لين بتكملة خبث اختها:اه يا مامى صح دى شاطرة جدا فى مجالها متقولى لابيه يشغلها
سارة بفهم خبثهم:مليش دعوة قولو لباباكم وهو يقولو انا قولتلو قبل كدا
ليان بخبث:ما انتى يا مامى قولى لبابى عشان يوافق يقولو
سارة بضحك من طريقتها الخبيثة:طيب مش وقتو خلصو وانزلو
لين وليان براحة:الحمد لله معرفتش حاجة  
ليان:كلمى ملاك وآسيا قوليلهم وخلينا نتقابل
لين:اشطا
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى الشركة فى مكتب مراد
مراد بصوت عالى:بقولك اى يا آسيا اطلعى من دماغى مش ناقصك
آسيا بغضب:بقولك مش تبقى انت إللى ضايع من مكتبك التصاميم إللى تعبت فيها انا والتيم ولسا ليك عين تتكلم
مراد اقترب منها سريعا وهى فضلت ترجع لورا من نظراتو
آسيا بعصبية:ابعد يا عم انت بتقرب كدا ليه
آسيا وصلت للحيطة وهو حط ايدو وزنقها ما بين ايدو والحيطة واقترب من وجهها
مراد بصوت هادئ:يعنى انا السبب وكمان ضيعت تعبك انتى والتيم وانا معملتش حاجة معاكى انتى والتيم بتاعك صح
آسيا بأرتباك من قربه:بقولك اى ابعد كدا عشان متعصبش زيادة
مراد يقترب من وجهها اكثر
مراد بخبث:ردى عليا سيبك من التفاهات دى
آسيا وقد بدأ وجهها يحمر من الغضب وفى لحظة وبكل ما أوتيت من قوة كانت تبعده عنها
آسيا بغضب:تفاهات طب والله ما فى غيرك تافه هنا
مراد ببرود:انتى شايفة كدا
آسيا بغضب من بروده:ايوة مش معنى يعنى انك المصمم الاساسى للمجموعة بس زيك زيي والمجموعة تتسرق من عندك يبقى ليك عين تزعق فيا
مراد بعضب:هو انا إللى سلمت التصاميم ليهم ولا إللى سهلت عليهم الموضوع ما تفوقى كنت همنعهم ازاى وبعدين انا كنت قافل المكتب بالمفتاح معرفش ازاى فتحوه
آسيا بأستغراب:مين بيكون معاه نسخة من المفاتيح دى يعنى
مراد ببرود:انتى مالك
آسيا بغضب من بروده:.....
قاطعهم زين بملل:اخرسو بقا صدعتونى
آسيا صمتت بتفاجئ من وجوده على عكس مراد إللى متعود
زين بهدوء:مراد مين إللى عمل معاك التصاميم
آسيا قعدت ورفعت رجل على رجل بكبرياء منتظره رده
مراد برفع حاجب لها وهو يجيب على زين:التيم و الاستاذة دى
آسيا بسخرية من طريقته:والأستاذة دى ملهاش اسم
كاد مراد ان يجيب لولا أن زين تكلم
زين بنفاذ صبر:واضح اننا مش هنخلص من الاخر يا مراد مين اكتر حد ممكن تثق فى تصميمه عشان يشتغل معاك
مراد ببرود:للاسف هى
اسيا بعند:طب مش هعمل حاجة
زين:طيب شوف هتتصرف معاها ازاى عشان مفيش وقت وعاوزكم كدا انتو الاتنين حالا كل حد فيكم يصمم فستان سهرة من دلوقتى لمدة ساعة عاوز اشوف اى اكتر وقت ممكن تاخدوه
آسيا ومراد بصدمة:ساعة
قطع صدمتهم دخول ملاك المفاجئ
ملاك:آسيا بسرعة تعالى شوفى جوز التؤام الهبل هيجننون....
قطعت كلامها عندما رأت علامات الصدمة عليهم والبرود على هذا البارد كما سميته
ملاك بحرج زائف:اوبس شكلى دخلت فى وقت غلط هبقى اجى تانى
مراد:ملاك
ملاك بأبتسامة خجلة مصطنعة:نعم
آسيا:متتعدلى يا بت
ملاك بضحك:اشطا نعم يا ريس
كل هذا يحدث وزين يشاهد فقط
زين ببرود:هستناكم لما تخلصو ولا اى
مراد وهو يتجنب غضب زين
مراد:زين معلش حاضر ساعة وهتكون التصاميم عندك
آسيا:ساعه اى بس
مراد:خلاص يا آسيا
آسيا بتأفف:طيب
زين خرج من فتحة فى زجاج المكتب تحت صدمة ملاك وآسيا وضحك مراد على شكلهم
ملاك بصدمة:بيعمل اى ده
مراد بضحك:اقعدى عشان افهمك بصو الشركة متقسمة ل 3 فروح منهم تصميم الازياء إللى احنا فيه والفرع الرئيسى بتاع الإعلانات إللى ف النص واللى على يمين الرئيسى ده فرع الأحذية تمام اما زين بقا فهو المالك الرئيسى لكل الفروع دى وقسم الأحذية المدير البديل ليه هو آدم وانا البديل هنا وهناك البديل مازن وزين عامل حاجة كدا زى الجسر طالعين من مكتبو إللى ف الرئيسى لمكاتبو فى الفروع التانية يعنى اصلا ده مكتبو هنا بس انا ببقى فيه لما مش بيكون هنا وهو مش بيجى كتير عشان انتو اصلا اديلكو سنتين هنا وأول مرة تشوفوه بس كدا
نظر مراد لوجوههم وهم فى حالة ذهول
مراد بضحك:فكو ويلا يا اختى عشان نعمل التصاميم
آسيا وقد تذكرت ثم قالت بعند:مش هعمل حاجة
مراد بسخرية:مش عمالة تقولى انك احسن واحدة وانتى إللى عملتى ومش عارف اى ما توريه
آسيا بتحدى:هنشوف مين إللى هيعمل الاحلى
كل هذا يحدث وملاك فى عالم آخر حيث تذكرت قربه منها عندما افلت شعرها وهمس بقربها فتذكرت غضبها منه وفاقت وهى تفيق من شرودها:واحد مستفز
نظر لها مراد وآسيا بعلامات استفهام
فنظرت لهم بأبتسامة بلهاء وقالت:آسيا عاوزاكى ثانية معلش
مراد:متأخريش مش ناقصين
ملاك:اصبر يا عم
مراد بضحك:خدت عليا اوى البت دى
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
ملاك:الحقى ليان عملت مصيبة
آسيا:عملت اى تانى المصيبة دى
ملاك:هحكيلك.....
آسيا بزهول وصدمة:يا نهار اسود
ملاك:هما رايحين النادى بعد ساعتين يعنى فى معاد الغدا خلصى ونروحلهم
آسيا:ماشى
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى فرع تصميم الأحذية
آدم:تمام يا زين كلو جاهز
زين:كدا فاضل التصوير بس
ادم:اه لسا بشوف عارضة مناسبة
زين بوقاحة:وانت بتشوف ازاى بتبص على الرجل على طول
آدم بضحك وسخرية:هما بيبقو جايين مبينين لوحدهم
زين بضحك قاطعه صوت هاتفه
زين بأستغراب:استنى بابا بيتصل
ادم:شوف عمى العزيز عاوز اى
زين:الو
ادهم:ازيك يا زين
زين:بخير يا بابا فى حاجة
ادهم:لاء اصلى مشوفتكش الصبح
زين بأستغراب:بابا هو فى حاجة
ادهم بضحك على شكل ليان:اه اصل عاوز اقولك على حاجة
ليان:اهدى يا لين مش سامعة متفتح الاسبيكر يا بابى
زين:اتفضل يا بابا بس هو صوت ليان ده
آدم انتبه لاسم ليان لكن لم يعطى اهتمام كثيرا
ادهم:ايوة يا زين ليان عاوزة تشتغل معاك ومن غير مقاطعة يا اه يا لاء انا هفتح الاسبيكر خليها تقولك هى عاوزة اى
زين بهدوء:طيب
ليان بتوتر وسرعة فى الكلام:بص يا ابيه انا هقدر اظبطلكم الخلفيات واظبط الصور ولو وافقت هتشوف شغلى فى الدفيليه إللى جاى اهو بعد شهر وكمان بفهم فى الكمبيوتر يعنى هنفعكم
زين بهدوء شديد:اولا مراد مش محتاج عشان معاه ناس كتير و...
قاطعته ليان بمكر:طيب وآدم
زين بتعجب:ادم!!!! مش عارف
آدم بأستغراب لذكر اسمه:مالى؟!
زين حكالو
ادم ببرود:عادى معنديش مشكلة
ادهم بهدوء ووقار:ها قولت اى يا زين
زين بعدم اقتناع:مع انى مش موافق بس زهقت من زنها خليها تيجى من بكرا وانا لما اجى هشوفها
ادهم:تمام يا ابنى
ليان ولين بيتنططو من الفرحة
أدهم بضحك على شكلهم:اقعدو دوختونى
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
مراد ببرود:خلصى عشان نروح
آسيا ببرود مماثل:خلصت
مراد:طيب يلا
خرجو من مكتب مراد ونزلو فى الاسانسير
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
انتهى البارت الثانى
بقلم/فاطمة_وحبيبة