"ملاك الزين" ((مُكتملة))

part 10

فى الجامعة عند لين
مُهاب(إللى اعترف للين بحبو ومازن ضربو هو شاب وسيم لكن حقير ويبين عكس ذلك)
مُهاب بخبث يخفيه:ازيك يا لين
لين بأبتسامة:كويسة ثم أكملت بحرج:اسفة على إللى حصل
مُهاب وهو يجلس بجوارها فى قاعة المحاضرات وهو يقول بضحك:عادى يعنى كلو يهون عشان خاطرك ثم اقترب منها بشدة وامسك يدها فى زهول تام منها
مُهاب خبث:لين انتى عارفة انى بحبك ادينى فرصة
لين قامت مرة واحدة وشدت ايدها
لين بحده:اياك تمسك ايدى يا مُهاب احنا مجرد أصدقاء بلاش الشغل ده
مُهاب بعصبية منها لانه حاول معها أكثر من مرة شدها مرة واحدة وقال بحدة:لاء بقولك اى اتعدلى معايا بدل ما انتى عاملة الشريفة الطاهرة معايا ومعاه هو لاء لو مفيش حاجة ما بينكم مكنش جه وضربنى وهيكون عرف منين غير منك
مُهاب بنبرة صوت عاليه وهو يسحبها ورائه حتى وصل لمكان تجمع الكثير من الطلاب
مُهاب بخبث يملأ صوته العالى:تعالو اتفرجو ع الهانم إللى مدوارها مع كل الشباب وجتلى لحد عندى واتجرأت وعرضت عليا يومين ولما رفضت جابت قريبها ضربنى وكان قدامكم من كام يوم كدا حصل ولا لاء
نظروا لها بعضهم بأستحقار والبعض الآخر بشفقة على مظهرها ودموعها
واذّ فجأة تصفعه صفعة مدوية اصدرت صوتاً عالياً حتى أن البعض شهق من فعلتها اما هو فنظراته أصبحت كالجحيم وكاد يمد يده عليه لولا ان وجد من منعه
مجهول بجمود:اياك ترفع ايدك عليها
مُهاب بأستهزاء وسخرية:وانت مين بقا يا حيلتها واحد من إللى ماشية معاه
مجهول ببرود:ملكش دعوة ثم نقل كلامه ل لين:لين هانم اتفضلى معايا
لين بهدوء بعض الشئ وصوت منخفض:انت مين
مجهول:انا تبع مازن بيه
لين بغضب لم تستطع منعه:هو باعتك تراقبن...قطعت كلامها وهى تراه يقترب بكل هيبة
مازن بصوت بارد كالثلج:فين هو يا محمود
محمود(المجهول):اهو يا مازن بيه
مُهاب بأستفزاز:اهو يا جماعة شرف البيه إللى بيدارى ع وساختها
مازن وقد تملك منه الغضب ذهب له ثم لكمه بشده مرة وراء مرة وراء مرة أخرى حتى وقع ارضاً مال حتى يكمل ضربه ولكن لين منعته وهى تبكى
لين ببكاء:سيبه يا مازن ارجوك هيموت
مال عليه مازن وتحدث بفحيح جانب اذنه:عارف هى إللى رحمتك من تحت ايدى دلوقتى بس لكن لسا فى كلام كتير مخلصش ثم نده بصوت عالى على محمود وقال له:خده يا محمود
انصاع له محمود واخده ثم اعتدل مازن واقفا وذهب عند لين بعدما هندم بدلته الرماضية كانت عبارة عن بنطلون وجاكت وقميص فقط وكان يفتح اول زرارين فكان رائع بحق اخذ لين بأحضانه وهى مازلت تبكى امام صدمة الطلاب وحقد بعض الطالبات
مازن بصوت جهورى:الحيوان ده طعن فى شرف لين الشافعى خطيبتى وهيتحاسب وايوة انا إللى جيت وضربتو من كام يوم لانى مسكت فونها بالصدفة وفى نفس الوقت هو بعتلها انو بيحبها وكلام قذر زيو بس ملحوقة انا هعيد تربيتو واقسم بالله لو عرفت ان حد بس اتكلم عليها ولا بصلها بصة مش حلوة لاكون دافنو
ماهِيتاب بحقد:انت عارف إللى اخدتو ده يبقى ابن مين ده مُهاب النويرى
مازن ببرود:عارف لو تحبى تيجى وتشوفى هعمل اى فيه هو وابوه اتفضلى
ماهِيتاب بسخرية:لاء شكرا
نظر لها مازن نظرة اربكتها ثم سحب لين برفق وراءه وخرج من الجامعة بأكملها وصعدو السيارة وذهبوا كل هذا ولين صامته ولكن مرة واحدة قطعت هذا السكوت
لين بهدوء مصطنع:اى إللى عملتو هناك ده
مازن ببرود:اى عملت اى
لين بعصبية:انت همجى حد يعمل كدا
مازن بهدوء:وانتى كنتى عاوزانى اعمل لما اعرف ان واحد بيبهدل فى سمعتك وانتى ساكته وكان هيمد ايدو عليكى
لين بعصبية كبيرة:انت ملكش دعوة بكل ده وملكش حق تخلى حد يراقبنى حتى وانا فى الجامعة اى يا اخى انت مالك وصح مكنش لازم اسكت كنت لازم اسكتو واعلموا الادب بس ملحوقة لا عرفت معاك ولا معاه لكن بعد كدا اقسم بالله إللى هيتكلم معايا كلمة متعجبنيش هخليه يكره نفسه وانت اولهم ومكنش لازم تقول انى خطيبتك يا خطيبى(قالتها بأستهزاء) ولا عشان تراضى ضميرك انك كنت السبب فى كل ده من ساعة ما جيت وضربتو اول مرة
مازن بغضب جحيمى وهو يوقف السيارة ويعتدل لها:انا ليا دعوة بكل حاجة تخصك فاهمة ولا لاء(قالها بزعيق)ومحمود مكنش بيراقبك كان هيخلى بالو منك عشان لو حاجة حصلت زى كدا وانا مش زى اى حد عشان تعاملينى زى ما هتعامليهم واه خطيبتى وانا هكلم عمى النهاردة فى الموضوع ده
لين بهدوء ظاهرى رغم الخوف الذى بداخلها من منظره:وانا مش موافقة
مازن وقد عاد لبروده وجلس فى مقعده وساق مرة اخرى:مش بمزاجك ترفضى او توافقى
لين بعصبية وقد تلاشى خوفها:والله ومين بقا إللى قالك كدا انا مستحيل أوافق وطبعا بمزاجى
مازن بأبتسامة جانبية:هنشوف
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
اما عند ملاك فقامت وذهبت إللى المطبخ
واخدت كمية لا بأس بها من الثلج فى كل مرة بسبب يدها فكانت وتأخد كمية وتوديهم غرفتها وتنزل تاخد تانى ويوجد تلاجة صغيرة فى كل عرفة اخدت منها 3 زجاجات ماء وافرغتهم ثم حطت فى كل زجاجة حبه من الثلج ورجتهم حتى اصبحو قطع صغيرة ثم افرغتهم فى طبق وذهبت ووضعتهم فى التلاجة ابتسمت بخبث:لما تيجى يا آسيا عشان تبقى تسبينى ومتاخدنيش معاكى او حتى تقعدى معايا
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
عند مراد
ذهب له مازن وخبط ودخل ما ان دخل حتى رأى مشهد ابتسم له
كان نائم والورق على رجليه وهى تسند رأسها على السرير بجانب رجله وهى تجلس على الكرسى
مراد بدأ يفيق ولم يلاحظ مازن وجدها أيضا نائمة لأنه نام اولاً ابتسم ومد يداه يلمس وجهها ثم لاحظ احد يقف وجده مازن يبتسم ابتسم له ثم اعتدل وشاور له بيده ان يلف وجهه ثم مال عليها ببطئ شديد وحاول افاقتها بهدوء:آسيا قومى طبطب على وجهها براحة عندما حس انها بدأت تفيق وهذا ليس من عاداتها
آسيا بنعاس:اى يا مراد سبنى وانت قمر كدا
مراد بضحك:طب قومى طيب
آسيا وهى تفيق:حاضر ثم قامت وجلست
مراد بأبتسامة:تعالى يا مازن
هنا افاقت حقاً آسيا وتذكرت ما قالت وقفت مرة واحدة وهى تحط ايدها على فمها فى وضع مضحك
دخل عليهم يزن وليان وآدم
مالت عليه وهى تلم الأوراق حوله
آسيا بأحراج:مكنتش اقصد
مراد بزعل مصطنع:يعنى انا مش قمر
آسيا بأرتباك:لاء...ايوة معرفش اوعى كدا
ثم اعتدلت واقفة
يزن:يلا يا مراد لو جاهز عشان نروح القصر
مراد:ماشى يلا
ثم آتو بكرسى متحرك واخدوه إلى القصر
على الجانب الآخر من القصر
لين بضيق:هو ده كل إللى حصل يا ملاك وفى الاخر وصلنى ومشى
ملاك بضحكة مكتومة:وانتى مدايقة ليه مش المفروض تكونى مبسوطة
لين وقد انفجرت من الغضب وقالت بصوت عالى:مبسوطة من اى من الفضيحة فى الجامعة ولا انو اجبر انو يقول انى خطيبتو ومجبر انو يعمل كدا ويكلم بابا ها قولى
ملاك وهى تهدأها:خلاص اهدى بس اعتقد ان محدش يقدر يجبرو وبعدين باين عليه بيحبك
لين بأستهزاء:اه صح حتى كان ممشى واحد يراقبنى
ملاك:ليه متقوليش عشان يحميكى
لين بغضب:متتكلميش زيو الله
ملاك:خلاص انا هسكت خالص
ثم سمعو صوت دخول العربيات فقامت ملاك مسرعة واخذت طبق الثلج وسكبت به ماء فكان الماء مثلج جدا ملاك بشر:يا لين تعالى شوفى هعمل اى فى آسيا اطلعى عند السلم شوفى اول ما آسيا تكون هتطلع قوليلى اشطا
لين بضحك:هتعملى اى يا مجنونة
ملاك:اعملى إللى بقولك عليه بس
لين بضحك:حاضر
ثم خرجت ونظرت من أعلى السلم وكانت آسيا تهم بالصعود وورائها آدم ومازن لسا هيشيلو مراد من على الكرسى
ذهبت لين وقالت ل ملاك ان آسيا طالعة
فى نفس الوقت مراد طلب الماء وانو يقعد فى الجنينة شوية آسيا راحت تجيب الماية ومازن هيساعد آدم انهم يطلعو مراد برا وزين طلع يغير هدومه فى نفس الوقت خرجت ملاك بأسرع ما يمكن وكبت المياه على من يصعد ولم تكلف نفسها عناء النظر قبل أن تفعل هذه المصيبة
وكان المشهد كالتالى
ملاك ولين ينظرون بصدمة لزين الذى نظر لهم بشر وكان هو من نصيبه هذا الماء المثلج وآسيا تخرج من المطبخ وتنصدم مما رأت وكذلك كانت ردة فعل آدم ومازن وليان التى كانت تقف بجوارهم وحتى مراد بعد أن فاقو كانت ستخرج منهم الضحكات لولا انهم استطاعو بأعجوبة ان يمنعو انفسهم من الضحك وملاك ولين جروا على الاوضة وزين ببرود ونظرة مرعبة ذهب عند الباب الذى دخلو منه وخبط بكل هدوء
زين بهدوء شديد وصوت مخيف:افتحو
لين وملاك فى صوت واحد خائف:لاء
ثم سمعو صوت ضربة جامدة على الباب ف صرخو ورجعو للخلف ثم سمعو صوته
زين بهدوء:ماشى براحتكم ثم ذهب إلى غرفته
وليان ذهبت لهم وآدم ومازن اخذوا مراد إلى الجنينة وجلسو وهم يضحكون بشده ثم أقبلت عليهم آسيا بالماء وهى تبتسم
آسيا بأبتسامة:اتفضل
مراد بحب:شكرا
ثم آسيا ذهبت عند البنات ودخلتلهم وجدت ليان تضحك وهم جالسون بغضب
ملاك:انتى مش قولتى ان آسيا هى إللى طالعة
آسيا بصدمة:انتى كنتى هتكبى الماية دى عليا
لين بضحك:ايوة
آسيا بصدمة أكبر:ليه يا كافرة
ملاك بتكبر وهى تضع رجل فوق الاخرى:عشان سبتينى هنا لوحدى
آسيا بتشنج:نعم ياااختى
ليان بضحك هستيرى:هموت
آسيا:والله ما هسيبك
ليان وهى تمسكها:اهدى بس هى اصلا هتعمل حاجة مستحيلة دلوقتى
ملاك وهى تضيق اعينها:اى هيا
ليان بخبث:لازم تروحى تعتذريله
ملاك بنفى:استحالة لا يمكن اننو مشفتهوش كان عامل ازاى ده دراكولا فى نفسه اوى
آسيا بمكر:ما عشان كدا لازم تروحى كفاية ان لين كانت معاكى
لين:لا انا ماليش دعوة
ملاك:بتبعينى
لين:ابيعك اى يا حجة انا مالى اصلا
ليان:لازم تروحى يا ملاك عشان كدا هو فاكر انك عملتيها قصد مع لين
ملاك بنفاذ صبر:طيب
ثم ذهبت بشجاعة وقوة خبطت الباب عندما لم تجد رد كادت أن تذهب لولا البنات كانوا واقفين فى الطرقة وشاورولها انها ترجع خبطت ملاك رجلها بالأرض ثم ذهبت وخبطت مرة أخرى لا رد فتحت الباب براحة ودخلت سمعت صوت فى الحمام تنهدت وكادت ان تخرج لولا صوته اتى من خلفها وكان لا يستره شئ غير المنشفة الكبيرة المحاوطة خسره
زين بهدوء مخيف:اى إللى جابك هنا
ملاك وقد تلاشت قوتها وشجاعتها:ااانا كنت جاية صرخت عندما وجدته يقترب بسرعة منها وهى ترجع للخلف حتى حاوطها عند الحائط وهى بين كتفه المعضل
زين بخبث:جاية ليه
ملاك بتوتر وصوت منخفض:ابعد كدا لو سمحت عيب وبص انت لابس..احيه انت مش لابس
زين وهو يقترب لوجهها أكثر:مش سامعك
ملاك بخجل من قربه:انا اسفة على إللى حصل مكنتش اقصدك انت
زين بهدوء وهو يبتعد قليلا:لو كان حد غيرك مكنتش هسكتلو
ملاك بهدوء واستغراب:انا
زين وهو يهمهم وبأستمتاع لقربها:اممم ايوة انتى
ملاك:ليه انا إللى استثنيتنى يعنى
زين وهو يبتعد عنها وقد عاد لبروده:ملكيش دعوه
ملاك بصدمة من وقاحته:وقح بارد
زين وهو يلتف لها:قولتى اى
ملاك بضحكة وهى تخرج:ملكش دعوة
زين بضحك بعدما خرجت:هتعملى فيا ايه تانى
عند مازن فى غرفته بعدما صعد هو وآدم ومراد لغرفهم
مازن:الو ازيك يا عمى
ادهم بأبتسامة:كويس يا حبيبى انتو كلكو عاملين اى
مازن بهدوء:كويسين يا عمى انتو هتيجو امتى
ادهم:بكرا يا ابنى فى حاجة ولا اى
مازن بغموض:لاء يا عمى توصلو بالسلامة
ادهم:الله يسلمك يا مازن مع السلامة
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى ايطاليا
ادوارد بهدوء:هذا كل ما حدث يا اليخاندرو
انطونيو بغضب:هل تريد ان تقول ان لوسيفر(زين)لم يكن يعلم أن اخته من اخترقت
ادوارد بهدوء:اجل وأخته أيضا لم تكن تقصدكم حتى انها لا تعلم ما عمل اخيها هنا
اليخاندرو بغموض:اطلب اجتماع غداً
ادوارد:حسناً
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
راسل ادوارد زين وقص له ما حدث وقال له عن الاجتماع
فى اليوم التالى استيقظو مبكرا على صوت ضجيج عالى فى القصر
قام زين وهو عارى الصدر وفتح الباب ونظر لأسفل وجد ابيه وامه واقربائه الذى يمقتهم الا البعض منهم
ادهم:اى يا زين حد يطلع كدا ادخل البس حاجة وانزل عشان تسلم على عمك ومرتات اعمامك
ملحوظة للتذكير(ادهم عندو تلات اخوات الاول خليل ومراتو هايدى وبنتهم نادين وابنهم سفيان وعايشين فى امريكا من زمان بس بينزلو كل فترة كدا والاخ التانى علاء وهو متوفى ومراتو سوزان وعندهم رشا ومروة ودول عايشين فى كندا وطبعا والد آدم ومازن ووالدتهم متوفين)
زين بتأفف لم يظهرهه:ماشى
دخلو غرفته ودخل الحمام اخد شاور وخرج لبس بدلة سوداء بقميص اسود وترك اول زرارين وصفف شعره بأحترافيه ثم نزل
نظر وجد كل من آسيا وملاك ولين وليان جالسين مع مروة وآدم نزل مراد فى نفس وقت نزول مازن وزين
مراد بصوت منخفص:هنقولوهم اى عليا
آدم بضحك:عملت الزايدة
نظروا له نظرة كادت أن تحرقه
ادم:امال هتقولو اى يعنى
مازن:هنقول انو دخل حرامى والإصابة جت فى مراد
زين بهدوء:هو ده الحل ان شاء الله الغرابتين يغورو مش ناقص
مراد بضحك:ليه بس يا زين ده انا بستمتع اوى بيك انا وآدم وهما بيموتو فيكو
آدم بقرف وهو يزق الكرسى بتاعو جامد:بس يا اخى بدل ما اوقعك
ثم دخلو سلمو على خليل وسوزى وهايدى
هايدى بخبث:اى يا آدم مش هتسلم على نادين
نادين بمكر وهى تذهب له:اكيد كان جاى يا مامى
ثم ذهبت واحتضنته وهو فقط يقف ببرود تحت صدمة كلا من آسيا وملاك ولكن آسيا صدمتها لا توصف
رشا بتكبر وهى تنظر لملاك وآسيا وحتى لين وليان نظرة تعالى:وتذهب وتحتضن زين وتقول بصوت مسموع:وحشتنى يا بيبى
ملاك وآسيا بتشنج:بيبى
ملاك بصدمة:احيه يا ابو سوسو الحق سوسو قصدى بيبى قصدى زين الحقووو يا عيال
ليان بضحك:اهدى كدا امال واتعودى على المنظر ده عشان طول ما هى هنا هتبقى كدا وعى والمعفنه التانية إللى مش بتسيب آدم فى حالو
لين بسخرية:ما الغبية سيبالها الطريق
ادهم بقلق:مالك يا مراد حصلك اى
البنات ارتبكو
سارة وهى تذهب له:اى يا حبيبى إللى حصلك
(ادهم وسارة بيعتبرو مراد ابنهم وواحد من العيلة)
مراد بثقة وهدوء:ابدا يا ست الكل كان فى حرامى ولما جبت امسكو فتح المطوة عليا
نادين بسخرية:مش عارف تمسك حرامى وكمان ضربك ويا ترى الحرامى ده لقيتو فين
خليل بهدوء:الف سلامة عليك يا بنى اكيد نادين متقصدش هى مستغربة بس
مراد ببرود:الله يسلمك يا عمى
سوزى بحنان:الف سلامه عليك يا حبيبى
ابستم لها مراد بحب:الله يسلمك
زين ببرود:انا رايح الشغل
ملاك بخجل مصطنع:زين بيه
زين وهو يلتفت:نعم
ملاك:ممكن تاخدنى معاك عشان مش هعرف اسوق من ايدى وليان كانت قايلة انها هتروح مع آدم صح يا ليان
ليان بأستغراب:انا...ثم حست بحد بيخبطها فى رجلها
ليان بتذكر مصطنع:اه صح هروح مع آدم
زين بأبتسامة جانبية وهو يجاريها ما تفعل:اممم مكنش لازم تبررى لو قولتى من غير حاجة كنت هاخدك ثم غمز لها امام صدمة الجميع حتى هيا
رشا بصدمة:هو غمزلها دلوقتى
نادين بأستهزاء:اه يا رشا شكلو ضاع منك
رشا بغضب:زين معلش عاوزاك
زين ببرود:مش هينفع دلوقتى يا رشا يلا يا ملاك
ذهبت له ملاك وخرجو سوياً
آسيا ذهبت لمراد:يلا نبدأ شغل
مراد:ماشى يلا
ثم ذهبوا للمكتب
آدم بخبث:يلا يا ليان
ليان:يلا ايه ثم تذكرت اه صح يلا نروح الشركة صح اه يلا
آدم بضحك:يلا يا مجنونة
مازن بهدوء:عمى ادهم عاوزك لو سمحت
ادهم:تعالى يا مازن نروح مكتبى
مازن:تمام اتفضل ثم نظر ل لين وابتسم لها بأستفزاز وخرج
لين وهى تنفخ خدودها:شوفتى يا مروة ضحك ازاى
مرة بضحكة مكتومة:معلش يلا اطلعى اجهزى عشان الجامعة وانا هطلع ارتاح
سارة اخدت سوزى وذهبو للمطبخ وخليل ذهب لغرفته وتبقى نادين وهايدى ورشا
رشا بغضب:شايفة يا انطى هايدى خدها وخرج مين البنت دى
هايدى بمكر:هنعرف مين دى وإللى معاها مش طمنينى
نادين ببرود:انا المهم عندى آدم وبس
رشا بأستفزاز:ده على اساس مشوفتيش نظراتو لليان
نادين بغرور وهى تقف:آدم ليا انا وبس وانا إللى هخليله يجيلى تحت رجلى ثم ذهبت إلى غرفتها
رشا بسخرية:جايبة الثقة منين
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى عربية آدم
آدم بهدوء:اى إللى خلى ملاك تقول كدا
ليان ببرود:معرفش
آدم بأبتسامة لم تصل لعينيه:والله
ليان بأبتسامة مماثلة:اممم انت شايف ليه..اه تقدر تنزلنى لو مدايق اوى انى راكبة يعنى ثم اعتدلت له بقولك اى اكلمك نادين وتفسحها النهاردة اصل عيب برضو اكيد عاوزة تخرج وان جيت للحق هى بتموت فيك اه اما اكلمها ثم أخرجت الهاتف
آدم بهدوء مخيف يوقف العربية ويغلق الزجاج ويغلق العربة أيضا ويلتفت لها
ليان بأستغراب:وقفت ليه..اه انزل يعنى حاولت فتح الباب لم يفتح تنهدت ونظرت له مش بيفتح قافلو ليه طالما وقفت
مراد بغصب وصوت عالى وقد بلغ ذروته:انا مش بحبها ولا بطيقها اصلا انا بحبك انتى...انتى وبس وعمرى ما خنتك صمت قليلا حتى يهدأ
ليان بدموع:كداب انا شوفت الصور وانت حتى محاولتش تبرأ نفسك
آدم ببرود يحسد عليه:وانتى موثقتيش فيا
ليان ببرود لم تعرف من اين اتى:وانت كنت هتعمل اى لو انا إللى عملت كدا نظر لها بغضب لكنها أكملت بنفس البرود وهى تنظر فى عينه:اقولك انى مسافرة شغل تبع الشركة واسافر وانت تجيلك صور ليا فى وضع مُخل مع راجل تانى لاء وايه ترن على الشركة يقولولك ان مفيش سفريات شغل وان كان فى اجتماع مهم كان لازم احضرو وانا مجتش ها قول رد عليا كنت هتعمل اى
آدم:
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
انتهى
#بقلم/فاطمة_حبيبة