"ملاك الزين" ((مُكتملة))

part 11

آدم بهدوء يحسد عليه:انتى شايفة كدا
ليان بعصبية بعد أن فقدت هدوئها:انا بجد مش مصدقاك حتى برر نفسك
آدم وهو يدير العربة مرة اخرى:مش هقدر ابررلك اى حاجة دلوقتى
ليان بضحكة سخرية:مش هيكون فى مجال انك تبررلى بعد كدا
آدم لم يجب عليها حتى أنه لم يفهم مغزى كلامها لكنه لم يهتم كثيرا
وصلو الشركة ونزلت هى بكل عصبية ودخلت الشركة بينما هو تنهد بتعب ونزل خلفها
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
زين بهدوء:أى إللى نزلك الشركة انهاردة وانتى لسا ايدك تعبانه
ملاك:لاء انا بقيت كويسة وهحوش السنادة دى عشان هنرجع البيت النهاردة
زين:بس انتى لسا مخفتيش
ملاك:ماما كلمتنى وقولتلها اننا هنرجع وأيدى بدأت احركها ف كدا انا تمام
زين:اممم
ملاك:مش مستغرب انى قولتلك اجى معاك
زين بأبتسامة لم تلاحظها:اممم ليه يا ترى
ملاك بضحكة مرحة:اصل إللى اسمها رشا دى بصاتها ليا معجبتنيش ولقيتها لازقة فيك ما شاء الله ف قولت ادايقها وفعلا برضو مكنتش هعرف اسوق ودبست ليان مع آدم بقا
زين بخبث:طب ما تيجى نعمل اتفاق
ملاك بأهتمام:اتفاق اى
زين بهدوء شديد:انتى محبتيش رشا وانا مش بطيقها ف...
قاطعته ملاك بفرحة لم تستطع اخفائها ولا تعلم سببها:بجد مش بطيقها ثم تداكرت الموقف وقالت بترقب وكأنها لم تقل شئ منذ ثوانى:ف اى
زين بهدوء وهو يرى فرحتها:اى سر الفرحة دى
ملاك بضحكة متوترة:فرحت انى مش لوحدى بس
زين بعدم اهتمام ظاهرى:اقعدى انتى وآسيا عندنا فى القصر لحد ما يمشو بصفتك ثم نظر لها بترقب خطيبتى ملاك بصدمة وهى تنظر له:خطيبتك..خطيبة مين يا عنيا
زين بصدمة:عنيا..انا يتقالى عنيا
ملاك:......
زين ببرود:ايوة خطيبتى كدا وكدا يعنى اعتبريها لعبة
ملاك:بس يا بابا
زين بأستغراب:بابا
ملاك:بعيدا عن الحوار هقعد معاك على انى خطيبتك برضو ليه عندك كنت مراتك
زين بمكر:لاء اهلك مسافرين وماما صممت أنكم تيجو تقعدو معانا لحد ما يرجعو واحنا مش هنبقى لوحدينا هى ومعانا وبابا والخدم واخواتى
ملاك ببرود:وانا هستفاد اى
زين وهو يركن العربية قدام الشركة:هتستفادى انك انتى وآسيا هتكونو فى حمايتى بسبب اخر حاجة حصلت لان اعدائى عرفو أنكم تبعى فأكيد هيحاولو يأذوكو
ملاك بغضب:يأذوا مين...حتى لو كان كلامك صح ف بابا يقدر يحمينا كويس ثم أكملت بسخرية يا لوسيفر
زين لم يتفاجئ لمعرفتها لأنه يعلم انها شاهدتهم عندما كانو فى القصر الأسود وفهمت ما كانو يتحدثو به
ملاك لن تتلقى رد:اى سكت ليه مش انت برضو عضو فى المافيا الإيطالية
زين بغضب وفجأة حبسها بين ذراعيه وكرسى العربية وتحدث بفحيح لأول مرة بجانب اذنها:لو حد عرف النوضوع ده مش هرحمك وهقتل اى حد يعرف حتى لو كان والدك كفاية انى وثقت فيكى انتى وآسيا ومعملتلكمش حاجة ف بلاش تخونو الثقة دى والموضوع مش زى ما انتى فاكرة ومش محتاج ابرر كل إللى انتى محتاجة تعرفيه انك انتى وآسيا ويمكن عيلتك كلها فى خطر ومحدش هيقدر يحميكم زيى فكرى فى اللى قولتو كويس واه انا مش هموت عليكى يعنى وحوار انتا نغيظ رشا ده فاكس انا قولت كدا عشان مندخلش فى حوارات ملهاش لازمة بس ما دام انتى دخلتى ف اديكى عرفتى الموضوع وانا بس حاسس بالذنب عشان لو حصلكم حاجة هتبقى بسببى عشان انتو كنتو فى القصر عندى تمام يا قمر ثم فتح الباب جوارها وقال ببرود:انزلى وفكرى فى إللى قولتو
ملاك بصدمة هل هددنى للتو
زين بصوت عالى:انزلييى
ملاك وهى تفيق من صدمتها على صوته نزلت من العربية بسرعة ودخلت الشركة
زين بغضب:مكنتش عاوز الموضوع يوصل لكدا بس مفيش غير الحل ده ثم دخل الشركة
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
مازن بتوتر بعض الشئ:عمى ادهم عامل اى
ادهم بضحك:اديلك عشر دقايق قاعد وفى الاخر عاوز تسألنى عامل اى ادخل فى الموضوع على طول يا مازن
مازن بأبتسامة وسرعة فى الكلام:انا عاوز اتجوز لين
ادهم بدهشة:بجد
مازن بنفس الابتسامة:ايوة
ادهم بخبث:شايفك بتقول جواز مش خطوبة
مازن بضحكة:خير البر عاجله
ادهم بهدوء:قولت ل لين ولا لاء
مازن:لاء بس اسمحلى اكلمها الاول قبل ما حضرتك تكلمها دا لو حضرتك وافقت
ادهم:وانا ارفضك لى يا مازن انت ابنى وانا عارفك
مازن بفرحة:خلاص هروح اكلمها ثم ذهب واحتضن ادهم
ادهم بضحك:ماشى روح
خرج مازن من المكتب فى نفس وقت نزول لين للذهاب للجامعة
مازن ببرود:تعالى عايزك
لين بأستغراب:انت بتكلمنى انا
مازن بسخرية:لاء إللى وراكى ثم ابتسم عندما رآها تنظر ورائها تعالى يا لين مش ناقص
لين برفع حاجب:انت بتأمرنى
مازن بنفاذ صبر:خلصى يا لين
لين بتأفف:طيب
ذهبو للحديقة الخلفية وجلسو
مازن بهدوء وهو يمسك يدها:لين انا طلبت ايدك من عمى وانا عارف انك بتحبينى و
قاطعته لين ببرود وهى تسحب يدها:لاء انا مبحبكش وانت مش مجبور انك تتجوزنى عشان قولت انك خطيبى فى الجامعة وبعدين انا مش هتجوز واحد شغال فى المافيا ثم أكملت دون الانتباه له وقالت بمرح ونبى انا مان نفسى على طول فى واحد بتاع مافيا وضرب نار وحركات
بعدما كان غاضب من حديثها ضحك دون ارادته:طيب ماهى محلولة ادينى قدامك
لين وقد نست الموضوع وقالت بخيبة أمل:ما للاسف انا دكتورة وانت مافيا يعنى انا بعالج وانت بتقتل مش راكبة لاء ثم تذكرت الموضوع وهبت واقفة:انت هتاخدنى فى دوكة
مازن بأستغراب:دوكة انتى جاية منين يا بت
لين وهى تلعب بحواجبها:من نفس المكان إللى كل منه
مازن بنفاذ صبر:اقعدى يا لين خلينا نخلص الموضوع ده
لين ببرود:الموضوع خلص طلبك مرفوض وسبنى عشان عندى محاضرة
مازن ببرود ايضا:مش بمزاجك مُهاب الزفت كان مبعوت من حد كبير عاوز يأذينا فيكى ده كفاية انو ابن أكبر اعدائنا فى المجال واكيد كان بيجر معاكى عشان يعمل حاجات مش هتعجبك
لين بصدمة:يعنى اى
مازن بجدية:يعنى انتى فى خطر دى اول حاجة تانى حاجة انا مش طالب اتجوزك عشان كدا بس انا بحبك يا لين ومكنتش عاوز تبقى معايا ساعتها عشان شغلى التاتى إللى خلاص انتى عارفاه دلوقتى بس فى حاجات انتى لسا متعرفيهاش وكنت خايف عليكى ساعتها لانهم قدرو يوصلو ل ليان وبعتو ليها صور لآدم فأكيد لو عرفو انك معايا هيحاولو يأذوكى كفاية انهم لسا عارفين من فترة انك اخت زين
لين بدموع:انا لحد دلوقتى مش مصدقة انك شغال مع مافيا وبتقتل وممكن تتقتل انا بقيت بجد بكرهك
ثم قامت من مكانها وكادت ان تذهب لولا يده التى منعتها
مازن بضيق من دموعها وكلامها:لين اهدى كدا وفكرى بالعقل انا عمال اقولك ان فى حاجات متعرفيهاش متاخديش إللى عاوزاه من الكلام وترمى الباقى وعلى العموم ده مش شغلى التانى مش هقدر اقولك غير كدا ف لو سمحتى ساعدينى انى احميكى فكرى كويس يا لين ثم اضاف بأبتسامة وتملك:بس عشان تكونى عارفة انتى ليا انا وبس ثم ذهب وتركها مع كمية الصدمات التى تلقتها للتو
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
زين بجمود:ليلى رنى على مازن وآدم وخليهم يجولى هنا
ليلى:حاضر
بعد تلت ساعة تجمعو فى الغرفة السرية
وجدوا انطونيو هو فقط الموجود
لوسيفر(زين)ببرود:اين اليخاندرو
انطونيو بنظرة شر:ليس متفرغ ويقول لكم ان تأتو بأسرع وقت اليوم قبل الغد ثم أغلق مكالمة الفيديو دون أن يضيف شئ
مازن:يارب صبرنى عليه بدل ما اقتلو
مازن بهدوء:زين
نظر له زين وهو يهمهم:اممم
مازن بتوتر:انا طلبت ايدك لين من عمى ادهم
زين برفع حاجب:نعم
مازن وهو خائف من رفض زين:انا اتقدمت..
قاطعه زين وهو يضع رجل على الاخرى:وانا مش موافق
مازن بصدمة:ليه يا زين
زين:انت فاكرنى عبيط ومش ملاحظ انك بتحبها ولما بتتعصب لما انطونيو يتكلم عليها وعارف كمان انها بتحبك واعترفتلك وانت مردتش وانا اختى مش إللى يتقلها لاء
مازن بصدمة أكبر من معرفته:يا زين يعنى كنت اعمل اى واحنا شغالين مع ناس مبترحمش وأول حاجة هيعملوها مع اى غلطة هيأذوا احبابنا
زين بسخرية:والله ده على اساس انى مش شغال معاك وهى اختى يعنى فى الحالتين هى تبعنا انت بس كنت خايف ثم نظر لآدم انت واخوك
ادم بهدوء:يا زين انت مش فاهم
زين بهدوء اشد:اممم مش عارف اى بقا الصور ولا برودك معاها وانك حتى محاولتش تبرر موقفك
آدم بصدمة:انت عارف كل ده منين
نظر لهم زين بسخرية وصمت
مازن:يا زين انا فعلا كنت خايف ساعتها وعارف انى غلط بس دلوقتى هى فى خطر أكبر انطونيو بعتلها واحد اسمو مُهاب يضحك عليها مش عارف هيستفاد اى من إللى بيعملو
زين بضحة شر:هنعرف النهاردة لما نروح
آدم بهدوء:انا برضو كنت هقولك انى عاوز اتجوز ليان بس من غير ما تعرف
زين:انتو عاملين ربطية على اخواتى انت وهو ومش عاوزها تعرف ليه يا حنين
آدم:عشان لو عرفت مش هتوافق انا عارف انها بتحبنى بس مش هترضى غير لما تعرف الحقيقة وانا مش هينفع اقولها لو انت وافقت انا هعرف امضيها على الورق من غير ما تعرف
مازن:وانا كمان بس انا اصلا قولتلها وفهمتها انها فى خطر وانى هحميها
زين برفع حاجب:ده على انى مش هعرف احميها وهى هيضحك عليها بسهولة انى مش هعرف احميها وانت بس إللى هتعرف
مازن بتعب حقيقى:يعنى اعمل اى قولت كدا عشان اقنعها
آدم:وانا يا زين عارف انها مش هتوافق عشان كدا عاوز اتجوزها من غير ما تعرف ولما يجى الوقت المناسب هقولها
مازن بتعجب من صمته:انت مش مصدقنا ولا مش مأمنا عليهم
قام زين بكل برود من مكانه وخرج من الغرفة السرية وذهب وجلس على مكتبو:انا لو كنت حاجة من إللى قولتهم مكنتش كملت كلام معاكم ويلا شوفو شغلكو عشان الطيارة بعد المغرب وهنرجع على طول عشان خلاص الديفليه بقيله ايام قليلة وتصاميم الأحذية خلاص بتخلص والازياء إللى خلصو بيتعملو واللى لسا بيتصممو خلاص فى آخرهم
آدم بتردد:طب هتعمل اى فى موضوعنا
زين بضحكة مستفزة:هفكر
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى النادى
قصت لهم لين ما حدث
آسيا:ما هو بيحبك اهو
ملاك:ده على اساس اخوكى مش هيعرف يحميكى
لين:مش عارفة بقا كل إللى اعرفو انى لسا بحبو بس عاوزة اعلمو الادب
ليان:هتعملى اى
لين: مش عارفة
ملاك:فى حاجة حصلت معايا
لين:حصل اى
قصت لهم ملاك ما قاله لها زين
آسيا بغضب:ده بيهددك اى الهبل ده
ملاك:انا مش عارفة اعمل اى أوافق ولا أرفض
ليان بهدوء:ملاك قوليلى بصراحة مش بتحسى ناحيتو اى حاجة
ملاك بشرود وهى تتذكر عنف ضربات قلبها بقربه:لاء
آسيا بنبرة خبث:متأكدة
ملاك بزعيق:اسيا متتكلميش بالنبرة دى
اسيا بضحك:بنهزرو معاكى
لين بضحك عليهم:ده احنا هنريحوكى
ليان:خلاص يا ملاك متوافقيش طالما مش بتحبيه وطالما انتى قادرة تحمى نفسك
ملاك بتأييد:انا هعمل كدا فعلا يلا يا ليان عشان اخرنا على الشركة
اسيا:استنو هاجى معاكم عشان مراد صمم يروح
لين:ده خطر عليه
اسيا:معرفتش اقنعو
لين:خلاص هاجى معاكم نقنعو ونرجع القصر عشان مازن ضربلى اليوم معرفتش اروح الجامعة وعشان مسبكيش مع الحربايات إللى فى القصر
ضحكو كلهم على كلام لين ثم ذهبو للشركة
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
حاولت آسيا ولين إقناع مراد انو يروح معاهم رفض نهائى وصمم انو يسافر معاهم
البنات قعدو مع بعض فى الشركة واتفقوا انهم يروحو مع بعض
ملاك:يلا بقا نروح معاكو ناخد حاجتنا ونروح لان ماما كلمتنى
ليان:انتى قولتيلها ان ماما وبابا جم
ملاك:لاء هى مسألتش قالت هتيجو امتى قولتلها النهاردة وهما اصلا هيسافرو عند خالتو ألمانيا عشان عملت عمليه
لين:خلاص خليكو معانا لحد ما يرجعو
ملاك بتذكر كلام زين:لاء يا لين مش هينفع يلا بقا عشان اتأخرنا
خرجو جميعا وقررو يركبو كلهم عربية واحدة ركبو مع ملاك وهم ذاهبين للقصر طلع عليهم عربيتين عاوزين يوقفوا عربيتها وبيزنقو عليها
آسيا بخوف:مين دول وعاوزين اى
ملاك بخوفؤمش عارفة
لين بأيدى مرتعشة:انا هرن على زي..
قاطع حديثها صوت إطلاق نار من العربتان
ليان ببكاء:خلاص هنموت يا خسارة شبابك يا ليان ملحقتش اتهنى بالواد
لين بتذكر ونحيب هى الاخرى:مش هلحق اخلص الجامعة واشتغل واتجوز يا ماما
صمتت بسبب صريخ آسيا بهم:بسو كفاية الله ثم أكملت ببكاء هى الاخرى:مش هلحق الدفيليه تباً لكم
ملاك بتشتج:على فكرة انا عرفت اهرب منهم ومبقوش ورانا
نظروا جميعا لبعضهم ثم ضحكو
آسيا براحة:الحمد لله هلحق الدفيليه
ملاك:ده إللى همك يا شيخة انتو وهى وهى ده احنا كنا هنموت
ليان بصدمة:ملاك الحقى
ملاك بسخرية:اى مش هتلحقى تتجوزى
ليان على نفس صدمتها:لاء إللى كانو بيمشو ورانا رموا الورقة دى
اخدتها منها ملاك وهى ترى اسمها مكتوب بالدم
لين:يعنى اى دى مش فاهمة
آسيا بصدمة وخوف:ممكن يكون ده إللى قالك عليه زين
لين:انا هرن عليه
ملاك بسرعة:لاء يا لين هما مسافرين على الأقل لما يرجعو
ليان:ايوة فعلا وهما كدا كدا هيجوا النهاردة
لين:طيب يلا نروح وهتباتو مش هينفع نسبكو تروحو لوحدكو حتى مع الخرس لاء لازم نعرف مين دول ومن غير نقاش
اسيا:ماشى يلا يا ملاك
كادت ملاك ان تعترض لولا نظرة ليان التى اسكتتها
ذهبوا إلى القصر
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى ايطاليا
وصل زين ومازن وآدم ومراد
زين بعصبية:قولتلك متجيش يا مراد انت تعبان
مراد وهو يهدأ من روع زين:يا زين انا كويس والله يلا ندخل بس ونشوف
استقبلهم ادوارد
ادوارد بمرحه المعتاد:مرحباً بكم اعزائى
آدم(روناردو) بنفس المرح:مرحباً بك أيها الأحمق
زين(لوسيفر)ببرود:هيا بنا لندخل
دخلو القصر وجدو اليخاندرو يجلس على الطاولة الكبيرة وبجانبة انطونيو يضحك بخبث
مازن(اوليفر)ببرود:مرحباً بك اليخاندرو وانت ماذا كان اسمك اه انطونيو
انطونيو نظر له بغضب
اليخاندرو بهدوء شديد:اجلسوا جميعاً
🦋🦋🦋🦋🦋🦋🦋🦋🦋🦋🦋🦋🦋
انتهى
بقلم/فاطمة_حبيبة