"ဒုန်း ခြိမ်း " မိုးကြိုးပစ်သံ အကျယ်ကြီးကြားလိုက်ရသောအခါ ခြယ့်ကိုယ်လေးပင် တုန်သွားရ အောင် လန့်သွားမိပါသည်။
"ကြားလား ချီ ။ မိုးနတ်မင်းကြီးကတောင်
ကိုယ့်ဆုတောင်းကို ကြားလိုက်လို့ ပြည့်စေလို့ ပြန်ပြောနေတာ။ သေချာတယ် သားလေးမွေးမှာ"ခြယ်လည်း အစ်ကို့ တစ်ယောက်ကို မနိုင်ပါ။ တစ်ခုခု ဆို နောက်မယ် ပြောင်မယ် ကြီးပဲ။ အခုလည်း မိုးကြိုးပစ် နေချိန်ကွင်းထဲမှာ ထီးထီးကြီးရပ်နေရတာကို စိုးရိမ်မည် မရှိဘဲ မိုးနတ်မင်းကြီး က ပြန်ပြောတာတောင် လုပ်လိုက်သေးသည်။ သူက နောက်နိုင်လည်း ခြယ်ကတော့ ကြောက်တတ်သူမလို့ အိမ်ထဲ၀င်ရန်သာ ကြိုးပမ်းပါတော့မည်။
" ကိုထက်ကောင်းကင်။ နှစ်ခါမခေါ်ဘူးနော်။ အခုအိမ်ထဲ၀င်ခဲ့"
ခြယ် အစ်ကို့ကို ခေါ်ပြီးပြီ မလို့ တာ၀န်ကျေပါပြီ။ လာချင်လာ မလာချင်နေ ။ ကြည့်နေ မိုးမိအအေးပတ် ဖျားလို့ကတော့ ဆေးမတိုက်ဘဲနဲ့ကိုပစ်ထားမယ်။
ခြယ် အိမ်ထဲ၀င်လာတော့ လေးလေးကအပေါက်၀မှာ ရပ်ကြည့်နေသည်။ ခြယ့်အနောက်တွင် အစ်ကို တစ်ယောက် ခပ်ကုပ်ကုပ်လိုက်လာသည်ကိုမြင်သော
လေးလေးက" ဟိတ်ကောင်။မင်းလည်းနော်။ မယားပြောတော့တစ်ည။ ဟား ဟား ကောင်းကင်တစ်ကောင် မယက ဖြစ်နေပြီပဲ"
" မဟုတ်ပါဘူး။ ကျွန်တော်က မယက ဖြစ်စရာလား"
"ဪ အေး ယုံချင်စရာကြီး မင်းကို ငါခုဏကခေါ်နေတုန်းကမကြားချင်ယောင်ဆောင်နေတာလေ။ အခု မိန်းမက အိမ်ထဲ၀င်ဆိုတော့ တစ်ခါတည်းနဲ့ အမြီးကုပ်"
" ကျွန်တော်က ချီ အအေးပတ်မှာစိုးလို့ အိမ်ထဲလိုက်ပို့တာ။ လေးလေးလို မိန်းမမရတဲ့လူအို တွေကပြောလည်း နားမလည်ပါဘူး"
"ခွေးကောင်က ။ ငါ့ပဲ စော်ကားနေ။
မင်း သွား သွားတော့။ ခြယ်တောင် အပေါ်တက်သွားပြီ အအေးပတ်နေမယ်"----------------------------------------------------
ခြယ်လည်း အစ်ကို့ကျေးဇူးကြောင့် မိုးရေချိုးလိုက်ရပြီးနောက် ခေါင်းတွေပါလျှော်လိုက်ရကာ အခုတော့ ခေါင်းကို ရေသုတ်နေရင်းနဲ့ တန်ဖိုးရှိလှပါသော Sunday ကိုကုန်ဆုံးနေရပါသည်။ မူလကတော့ တစ်နေကုန် အိပ်မည် တွေးထားတာ ကို အခုတော့ ခေါင်းရေစိုနဲ့အိပ်လို့လည်း မရ။ မိုးရေအတင်းချိုးပေးသော ကိုယ်တော်ကတော့ အခုထိ ရေချိုးခန်းထဲကကို ထွက်မလာသေး။ ရေချိုးခန်းထဲ ဆပ်ပြာပူဖောင်းထိုင်မှုတ်နေတာလား မသိ။
YOU ARE READING
မိုးရေစက် များ အငွေ့ပျံချိန်
Romance(Both Unicode &Zawgyi available) မိုးရေစက်တွေ ရဲ့ life cycle ကို သိတယ်မလား။ကောင်းကင်ပေါ်ကကျလာတဲ့ မိုးရေစက်တွေကို ကမ္ဘာမြေကြီးက တစ်ချိန်ကြ အငွေ့ပျံတဲ့ နည်းနဲ့ ကောင်းကင်အပေါ်ပြန်ပို့ပြီး မိုးရေစက်တွေပြန်ဖန်တီးကြတယ်။ အဲ့လိုပဲပေါ့။ ကိုယ့်ရဲ့ မေတ္တာမို...