لعنة حب ( الأشباح )

البارت التاسع عشر

(من يرييد البقآآء سيظل معگ حتي لو گنت اسوأ من في الارض )

في الجامعه.

( تدخل الفتيات يبحثون جميعا علي شخص معين .. وعندما وقع عيناهم علي الشخص المطلوب ذهبوا الجميع لكي يتحدثون لها .. تجمع الفتيات حول الشخص المطلوب الذي الرعب قد تملك منها من تجمع الفتيات حولها )

.. : انتم عاوزين مني ايه.

ملك بابتسامه وتلاعب : الله يويو مالك بس ده احنا عاوزين ندردش معاكي.

يمني بتوتر : معايا انا.

يارا : ايوه مش انتي اللي جننتي الواد.

يمني باستغراب : واد مين.

ندي : هنتكلم هنا ما تيجي نخرج بره الجامعه نتكلم في اي مكان .

يمني : مش افهم بس الاول انتم عاوزين مني ايه.

لمار : كل خير هيكون ايه يعني.

تالا : يلا بقي قومي معنا.

يمني بخوف من نظرات الفتيات لها : لا افهم الاول ليه وعشان ايه وفين.

ياسمين بزهق : يا بنتي هو احنا هنخطفك في ايه احنا هنتكلم معاكي شويه كبنات صحاب وعلي الواد يوسف من الاخر.

يمني بتوتر وضربات قلبها أصبحت سريعه : يوسف ان نااا مالي بيه .

ياسمين بزهق وسخريه : عارفين انك ملكيش دعوه بحاجه وانك بريئه ومش انتي اللي قتلتيه.

يمني بصدمه وصراخ ودموع بدات تتساقط من عيونها فجاه : هو مااااات لا لا اكيد بتهزري صح.

يارا بابتسامه بلهاء : الله أكبر دول اغبي من بعض.

( يضحك الجميع علي جمله يارا الواضح منها انها صحيحه )

ملك بابتسامه من الواضح ان يوسف ليس الوحيد الذي يحب و ان الموضوع اصبح اسهل : بعد الشر عليه هو بخير ياسمين بتحب تهزر كتير معلش .. يلا بينا بقي نقعد في حته بعيده عن الجامعه نتكلم في هدوء شويه.

( تهز يمني راسها بالموافقة وتهاتف صدقتها تخبرها بانها سوف تغادر الجامعه الان وفي الليل سوف تخبرها لماذا وتوافق صدقتها .. وتمشي يمني جانب ملك والباقي خلفهم وطبعا لا ننسى وجود اسيا ونيفين وهبه الذين يلتزموا الصمت لعدم حدوث شئ غريب .. خرجوا الجميع بسياراتهم من الجامعه وذهبوا الي النادي دخلوا و جلسوا جميعا .. واخذت كل واحده فيهم تعرفها علي نفسها واشتركوا الجميع في نفس جمله واحده بأنها اخت ليوسف وليست صديقه له .. سعدة يمني بأنهم سيكونوا اصدقاءها .. وتم اتفاق بينهم بعد كلام طويل .. وكان الاتفاق يشمل تأديب يوسف وجعله يغير عليها و غير أنهم قدموا ليمني نصائح كثيره و شرح شخصيه يوسف لها و ان نفذت كل هذه الكلمات سينتهي بزوج يوسف منها )

ملك : خلاص كده فاضل حاجه واحده.

يمني بتفكير : اي.

يارا بابتسامه : خطه العب وانا الاعبك.