لعنة حب ( الأشباح )

البارت السابع عشر

(كن معي إني أحبك ، هل تعي )

في فيلا آدم.

( وقع الاختيار علي فادي الذي صرخ بهم )

فادي بصدمه و صراخ : نعممم يا اخويا .. لا اكيد انا مش موافق انت بتقول اي.

آدم : في اي يا بني اهدا كده.

فادي : اهدا .. اهدا ايه و زفت اي انت عاوزني اروح اعرف واحده علي ياسمين واخدعها .. و غير كده افرض ياسمين عرفت ده مش بعيد تفسخ الخطوبه قبل ما نعملها اساسا.

يوسف و يكتم ضحكته : انت خايف من ياسمين ولا اي.

فادي : ايوه طبعا لازم اخاف علي زعلها مني ده كده انا باجرحها بيدي.

فهد : يا فادي اهدا كده ده انت العاقل اللي فينا.

فادي : بلا قاعل بلا زفت انتم هتجننوني .

آدم : بص يا فادي احنا قولنا من اول ما قعدنا ان البنات مش هتعرف حاجه و انهم هيكونوا بعاد عننا فانت ليه مكبر الموضوع ده ...... و انا عن نفسي لو كنت انفع كنت هروح بس انت اكتر واحد فينا ينفع.

حمزه بوجع يتكلم : بص يا فادي انت في ايدك تريح كام روح .. احنا عباره انا و اصحابي عن ارواح و عاوزه ترتاح و بس ناخد حقنا عشان روحنا ترتاح و تختفي .. الفرق بينا و بين نيفين احنا شوفنا نيفين بتموت ازاي لكن احنا مش عارفين موتنا ازاي فاحنا عشمنا فيك كبير اننا كنا نعرف ازاي و اننا ناخد حقنا و لكن مش هنضغط عليك يا توافق يا لا و انت حر .

فادي و ما بيده بعد سماع هذا غير الموافقه و يحاول علي قدر المستطاع اخفاء هذا الموضوع علي ياسمين و بعد الانتهاء سوف يخبرها : موافق طبعا يا حمزه و مش قصدي اني ارفض اساعدكم انا رافض الطريقة بس خلاص قولولي هي فين بظبط و انا هحاول اني اخد منها معلومات.

خالد : ايوووه بقي هو ده العاقل الكبره اللي بيفهم.

( وضعوا خطه و الجميع له دور ولكن فادي هو الدور الاساسي .. انتهوا من وضع الخطه و تحدثوا في موضوعات كثيره .. الي ان تحدث يوسف و وضح لهم حزن آدم دون أن يقصد )

يوسف بمرح : انت يا عم العريس ما قلتلناش هتعزمنا امتي علي خطوبتك ولا ناوي تعملها مفاجاه زي عز كده.

آدم بحزن و سخريه : و طالما انت قريت فيها هيكون فيها قراءة فاتحه حتي.

مراد باستغراب فهو لم يتكلم معه : اي ده ليه.

آدم و حكي كل شئ حدث لهم : بس كده و من ساعتها بابا مختفي و مش فاهم حاجه.

احمد : طب لو فعلا رفضوك هتعمل اي.

آدم بابتسامه مليئه بشر : ولا حاجه.

مراد ينظر له بدقه : بذمتك ولا حاجه.

آدم ببرود : ايوه ولا حاجه هو يدوب هتجوزها غصب عنهم و احط الكل قدام الامر الواقع.

( ضحك الجميع علي فكره آدم الجنونيه و لكن شرد عز هل من الممكن يفعل هذه الفكره المجنونه مع ندي لا لا فهو يريد والدها يتعامل معها بحنان و ليس بكره )