ကံကြမ္မာဖန်တတ်ပါ့လေ Book 2 [mm trans]

အခန်း (251)

အခန်း (၂၅၁)

ငရှုပ်လေး ဟွမ်ရှစ်

ဖန်ချန်းက စစ်နတ်ဘုရားစင်မြင့်ပေါ်တွင် ထိုင်ပြီး လုံးဝ ကြောင်အနေသည်။ ထိုအချက်ကြောင့် သူ လုံးဝ ကိုယ့်ကိုယ်ကို သံသယဝင်သွားသည်။

သုံးစက္ကန့်…

ဘာလို့ ဒီလောက်ထိ မြန်နိုင်ရတာလဲ

သူ ဘယ်တုန်းကမှ ဒီလောက်ထိ မမြန်ခဲ့ဖူးဘူး

သူက တိုက်ပွဲရဲ့ စိတ်လှုပ်ရှားမှုကိုတောင် မခံစားရသေးဘဲနဲ့ ပြီးသွားပြီတဲ့လား

ဝိညာဉ်ကျောက်တုံး တစ်သောင်းဆိုသော အရာက သာမန်ကျင့်ကြံသူ တစ်ယောက်အတွက် ထိတ်လန့်စရာကောင်းသည့် ပမာဏတစ်ခု ဖြစ်သည်။

ဆန်းကြယ်နယ်ပယ်အဆင့်များနှင့် တိုက်ပွဲများတွင် ကံအပြောင်းအလဲ အခွင့်အရေးများစွာ ရရှိထားသော ဖန်ချန်းကဲ့သို့ ပါရမီရှင်တစ်ယောက်အတွက်ပင် ကံကောင်းမှုအားလုံးကို တွက်ချက်ကြည့်လိုက်ပါက ဝိညာဉ်ကျောက်တုံး တစ်သိန်းထက်တော့ လျော့နည်းနေသေးသည်။ သူက ထိုအရာအများစုက သူ့ကိုယ်ပိုင် ကျင့်ကြံရေးအတွက် အသုံးပြုပြီးနေပြီ ဖြစ်သည်။

ပါရမီရှင်တစ်ယောက်အနေဖြင့် ကျင့်ကြံရေးအတွက် ကောင်းမွန်သော အုတ်မြစ်ကို တည်ဆောက်ချင်ပါက ပိုမိုများပြားသော အရင်းအမြစ်များကို အသုံးပြုဖို့ လိုအပ်သည်။

ယခုလက်ရှိတွင် ဖန်ချန်း၏ ကိုယ်ပေါ်ရှိ အထွတ်အထိပ်အဆင့် ချပ်ဝတ်တန်ဆာနှင့် နဂါးလှံတံကလွဲပြီး ဖန်ချန်းပေါ်ရှိ အဖိုးတန်ရတနာများ၏ တန်ဖိုးက ဝိညာဉ်ကျောက်တုံး ၃သောင်းသာ တန်ဖိုးရှိသည်။

ဖန်ချန်း၏ ကံကောင်းမှု သုံးပုံပုံ တစ်ပုံက သုံးစက္ကန့်အတွင်းမှာတင် ရှင်းထုတ်ခံလိုက်ရသည်။

သူ ရင်နာလွန်းသည့်အတွက် အသက်ကိုပင် ခက်ခက်ခဲခဲ ရှူနေရသည်။

ထိုအခိုက်အတန့်တွင် ဝိညာဉ်မလေး၏ အသံက ထွက်ပေါ်လာသည်

“ ပါရမီရှင်ငယ်လေး ရင်နာမနေပါနဲ့နော်။