المنظمة

البارت الثاني عشر ❤️ 🔥

صوت ضحكات انثويه تأتي من الداخل
تقدم هو يحمحم في محاولة منه لأظهار دخول رجل للمنزل فتستتر النساء
فسمع صوت والدتها تقول
_ تعالى يا أحمد مفيش حد غريب

دخل أحمد لصالون بيتهم في بادئ الامر ظن ان خالته هي الجالسه و لكن خاب ظنه و اختفت بسمته وهو يرى تلك الحرباء جالسه جوار والدته المبتسمه
و تقول والدته
=ايه يا أحمد مش كنت تقولي ان الداخليه بتعين بنات قمر كده

انهت والدته حديثها وهي تضع يديها اسفل ذقن إيلام في حركه لطيفه منها لتدليل الفتاة
فرمشت ايلام بعينها و قالت متصنعه الرقه
_ مرسي اوي يا طنط

بينما احمد فوقف متصنمًا ينظر لهم بأعين متسعه
فتسألت والدته: مالك يا احمد متيجي تقعد يا حبيبي دي زميلتك مستنياك هنا من بدري

اتجه احمد للمقعد المجاور لأيلام ينظر لها و تسأل بحده تشبه نظراته
_ انتِ ايه اللي جابك

شهقت ايلام فشهقت والده احمد موبخه اياه
= أحمــــد حد يكلم ضيفته كدة

ألقى أحمد نظرة على والدته ثم قال
_ ملكيش دعوة انتِ يا ماما سبيني انا اتعامل معاها

فضحكت والدته قائلة بخجل من حديث ابنها
= تتعامل معاها ايه يا احمد هي مجرمه يا ابني

نظرت ايلام لوالدته ثم ضحكت فهي بالفعل مجرمه و لم تكذب السيدة
نظر احمد بصدمه للأثنين الذين يضحكوا أمامه، ثم تصنع الضحك هو الاخر و قال
_طب خلاص يا ماما ممكن تدخلي تشوفي الغدا عشان ضيفتنا تاكل

ردت والدته: اهو ده كلام صح بقا هروح اشوف الغدا

ثم ربتت على فخد ايلام بحنان و قالت: خليكي يا قمر اوعي تمشي

فأبتسمت ايلام: لا يا طنط انا قاعدة مش همشي

أنهت ايلام حديثها غمزة لأحمد بخفه لتجعله يستشيط غضبًا منها

و ما ان أختفت والده احمد عن الأنظار فألتفت احمد يصيح بإيلام
_ انتِ هتستهبلي يا روح امك

فشهقت ايلام: ولد عيب،مامي تعرف انك بتقول الألفاظ الوحشه دي.

_ انتِ ايه اللي جابك هنا.

و هنا ابتسمت ايلام و تراجعت تفرد ظهرها بالمقعد و تضع قدم فوق الاخرى ثم تتحدث
= مش عيب انك تبقى عارف عني كل حاجه وانا مكنش عارفه عنك حاجه يا صغنن.
فقولت اجي اتعرف على الماما بتاعتك و حقيقي حبيتها.

_ انتِ بتهدديني؟

= لا لا خالص يا باشا
محدش يقدر يهدد ظابط شرطة مصري.
بس بنصحك شوف حياة زين السباعي بقت عامله ازاي و خد الحكمه منه و ابعد عن حياة الكبار يا صغنن.

رفع احمد أصبعه في وجهه ايلام متحدث بغضب
_ اسمعيني،انتِ هتشتغلي لحسابي هتكوني معايا زي ما كنتي مع عزت و مع صادق