عنود ( وهي تفتح باب غرفة ليال): ليال ..بسرعة راح تتاخرين ..!!
ليال (وهي تلبس جزمتها بسرعة .. انكسر كعبها ) : أوه ..هذا وقته..
عنود: جربي غيرها..
ليال ( جلست على السرير بقوة): هذه أحسن وحدة عندي..
عنود: خلاص اخذي وحدة من عندي.. وانتهت المشكلة..
ليال (وهي تضحك): بس مقاسك أكبر من مقاسي. . باصفع فيها..
عنود ( تطالعها بنص عين): لا.. اللي يسمعك يقول رجليني مقاس فيل.. المهم دبري عمرك فيها اليوم..
سالم (ينادي من بعيد): يا الله يا ليال.. تأخرنا...
ليال (فزت من مكانها): خلاص هاتيها وأمري لله...
لبست ليال الجزمة .. وخذت شنطتها والبروفايل (ملف للتصاميم) تبعها ..ونزلت الدرج بسرعة شوي وتدرج لها الجزمة وتطيح على وجهها..
ليال : آآآآآآآآآآآآى.. هذه من أولها .. الله يستر من تاليها..
سالم : بسرعة يا بنت .. تاخرنا..
ليال ( وهي تعرج شوي): طيب ..جيت..
(ليال بنت حلوة وناعمة.. بيضاء وشعرها أسود وطويل.. تشبه بينلوبي كروز.. عمرها 22 سنة متخرجة من الجامعة.. وتحب الديزاين ومحترفة فيه.. عايشة مع جدتها بعد وفاة أمها وابوها في حادث سيارة.. ولها أخت ديما في ثالث متوسط.. ويوسف عمره 5سنوات..
عنود خالتها أكبر منها بسنتين.. وأقرب صديقة لها.. سالم خالها )
تدخل ليال المبنى وتسال موظفي الاستقبال عن شركة In Design .. تجاوبها الموظفة انه في الدور الخامس.. وهي رايحة المصعد كانت قدامها بنت طويلة وممشوقة لابسة نظارة شمسية وشايلة بيدها كوب نسكافيه من ستاربوكس.. ليال وهي بتدخل المصعد.. تعركبت بجزمتها وطاحت على البنت.. اللي انكب عليها النسكافيه الحار.. التفت على ليال وهي معصبة..
البنت: وجع.. ما تشوفين.. دمرتي لي العباية..
ليال( وهي مرتبكة): أسفة والله مو قصدي ..
البنت: وين اصرفها اسفة .. عمية ما تشوفين..
ليال(بزمرة): قلنا اسفين .. مو قصدي أن اكب عليك النسكافيه..
البنت (وهي تتأفف): اوف.. هاليوم باين انه مو خير من أوله..
واضغطت على زر الدور اللي تبيه.. وهي تمسح النسكافيه عن عبايتها.. وليال تطالعها وهي متأسفة ..وتكلم نفسها" أنا وش سويت " وجت بتفتح فمها.. رفعت البنت يدها عشان تسكتها
البنت: ما ابغى اسمع صوتك..
اسكتت ليال وهي لاصقة بجدار المصعد.. تتمنى الأرض تنشق وتبلعها..
وفتح باب المصعد على الدور الخامس .. اطلعوا في نفس الوقت .. لاحظت البنت ان ليال وراها
التفتت عليها ..
البنت (بزمرة): ويش تبين بعد لاحقتني..
ليال( انقهرت وردت بزمرة): ما لحقتك ..لكني عندي شغل هنا ..
البنت( نزلت نظارتها شوي وصارت تطالع ليال ): شنو شغلك هنا..
ليال ببرود: مايخصك.. واتركتها ومشيت ..
البنت لاحظت أن ليال كانت حاملة معها بروفايل ...
(هيفاء 27 سنة بنت جذابة طويلة ..جسمها رياضي .. لون بشرتها برونزي وشعرها قصير .. جمالها ايطالي.. دارسة جرافيك ديزاين في امريكا.. أمها ايطالية ومنفصلة عن أبوها .. عايشة لحالها.. لأن ابوها متزوج ومستقر حاليا في دبي.. عندها اخويين وأخت وحدة كلهم متزوجين.. وهي مديرة شركة ان ديزايين InDesign )
تدخل هيفاء مكتبها .. وتسكر الباب وراها بقوة ..
سلوى (تدخل متفاجأة): هيفاء وش صاير لك..!!
هيفاء (بتأفف): وحدة غبية كبت علي النسكافيه ...
سلوى ( وهي تكتم ضحكتها): ولا يهمك .. الحين اتصل بالبيت أخليهم يجيبون لك غيرها..
هيفاء (بغضب): وعلى ما يجيبونها.. تبيني اقابل الناس متبهدلة كذا ..
سلوى (تبتسم): لا تكبرينها .. صار اللي صار
هيفاء (وهي تدلك مقدمة راسها .. المنطقة ما بين عيونها): اليوم باين من عنوانه..
سلوى( باهتمام): هيفاء .. سلامتك.. اذا حاسة بصداع ارجعي البيت وارتاحي لك شوي .. والمقابلات أنا اسويها .. مو مشكلة..
هيفاء: لا ما لا داعي.. بس اللي صار نرفزني شوي..
سلوى: ايه بس ...
قاطعتها هيفاء: أنا بخير.. لا تخافين علي.. خلينا نبدا..
سلوى تناظرها مدة: مثل ما تبين.. لكن إذا حسيت انك بديت تتعبين .. بتروحين البيت غصب.
هيفاء (تضحك) : اوكي مام mom..
(سلوى .. بنت عمة هيفاء وشريكتها في العمل عمرها 28 سنة متزوجة وعندها ولدين. صديقة هيفاء المقربة.. وكاتمة اسرارها )
.
