دخلت ليال غرفة هيفاء.. كانت ظلمة تقريباً .. يدوب إضاءة خفيفة .. شافت هيفاء وهي نايمة على جنبها ومعطيتها ظهرها.. راحت لها ليال ولفت إلى الجهة الثانية من السرير .. جلست جنبها ..
ليال ( بصوت هادي): حبيبي...
هيفاء تحاول تخفي دموعها .. بس سمعت صوت ليال حاولت تبعد عنها.. بس ليال مسكت يدها وجت عينها في عين هيفاء اللي ما تحملت رمت نفسها في حضن ليال .. وصارت تبكي بحرقة..
وتتنهد بصوت عالي... ليال لمتها بقوة وحطت راسها على صدرها .. وصارت تمسح على راسها وظهرها .. تحاول تهديها .. وهيفاء تمسك بذارع ليال ... بس هدت شوي..
ليال ( بهدوء): حبيبي وشك فيك.. قولي لي ..
هيفاء تتنهد : .........
ليال مو مصدقة اللي تشوفه .. هيفاء القوية .. يا جبل ما يهزك ريح .. الـlioness خايفة وضعيفة .. ترجف ... كأنها شخص ثاني...
ليال: قولي وش اللي مضايقك..
هيفاء ( تتنهد): أ ... أ... أخاف تكرهيني..
ليال (تهز براسها) : أكرهك .. لا . لا.. أحد يكره روحه .. هواه اللي يتنفسه ..
ليال وهي تمسح راس هيفاء وتلعب بشعرها شوي: حياتي قولي لي .. ما في شي راح يغير نظرتك لك.. you are my bebe ...
هيفاء ( ترجع تبكي مرة ثانية): ........
ليال (تحاول تمسك نفسها): حبي لا تسوين في عمرك كذا.. ما في شي يستاهل ..
هيفاء تحاول تهدي نفسها .. وترتب أفكارها شلون راح تقول لها .. وش راح تفكر فيني..
ليال تمسح راس هيفاء وتقرا عليها .... إلى أن هدت شوي..
هيفاء (بصعوبة): تعوديني أنك ما تتركيني لو مهما صار..
ليال: أوعدك حبي..
هيفاء (تتنهد): احلفي...
ليال (تبتسم ): وربي ما راح أتركك...
هيفاء راسها على صدر ليال اللي قاعدة تمسح على راسها وظهرها..
هيفاء ( بتردد): لمن كان عمري 16 سنة ولد عمي ... ا ... اغـ.... اغتصبني ...
ليال ( تحاول تمسك غضبها.. ودها تروح وتقتله بنفسها ): اها .. أسمعك..
هيفاء ( أخذت نفس عميق ): كنا أصحاب ورفقة كثير.. كنت أرتاح معه ومعتبرته مثل أخوي .
تقدم لخطبتي .. وأنا رفضت لأني ما أشوفه إلا كأخ .. . سكتت شوي..
ليال ( للحين تمسح على راسها): طيب.. وبعدين...
هيفاء ( تمسح دموعها): عصب لمن رفضته.. واتهمني أني كنت ألعب بمشاعره .. وأني .. وأني وحدة لعوب..
عصبت ليال : كملي...
هيفاء ( تبلع ريقها): بعدين صار اللي صار.. وقال لي أني ما راح أكون لأحد غيره ..
سكتت شوي... ( عشان ما تكبر السالفة قرر أبوي وأعمامي يزوجونا .. رفضت وحلفت أني أنتحر يوم اللي اللي اتزوجه فيه...)
ليال ( باهتمام): بعدين وش صار..
هيفاء ( تمسح دموعها): إخواني رفضوا.. ووقفوا في وجه أبوي واعمامي .. وأخوي عزيز ما تحمل .. أخذ سلاحه وضربه في صدره ..
ليال : إن شاء الله مات...
هيفاء: لا عاش .. وكبر الموضوع .. وحلف عزيز أنه يوم اللي يدخل فيه هيثم علي أن يفرغ مشط كامل في صدره.. وما يوقف عنده ..يوصل حتى لإخوانه .. وما يبقي لهم لانسل ولا ذكر...
ليال: وش صار على أخوك..
هيفاء: خوال أخواني واصليين ولهم مناصب كبيرة في الدولة .. خالهم الكبير تدخل وجبر (هيثم) أن يترك السعودية نهائياً وما يرجع لها إلا إذا بغى يندفن فيها ...
ليال: ما يقصر فيه...
هيفاء:..........
ليال ( بهدوء): هيفاء..
هيفاء: همممم.
ليال: وش اللي فتح الموضوع الحين ..السالفة صار لها سنين...
هيفاء: لأن الحقير رجع الشرقية... وخايفة ترجع المشاكل مرة ثانية.. أخوي عزيز ما راح يعديها له على خير..
ليال ظلت ساكته مدة.. وهي تمسح على راس هيفاء.. اللي تنفسها بدا يرجع طبيعي شوي...
هيفاء ( بتردد وخوف): ليال ..
ليال: عيونها...
هيفاء وهي ماسكة بلوزة ليال : مـ ... مـ.. ما راح تتركيني...
ليال ضمتها بأقوى ما عندها : أكيد ما راح أتركك .. وش اللي تقولينه... مجنونة أنت..
هيفاء تبسمت وبدت عينها تدمع مرة ثانية.. بس هالمرة من الفرح ... ظلت ليال معها إلى ان تأكدت أنها نامت .. انسحبت منها بهدوء .. عشان ما تصحيها .. وغطتها باللحاف .. وسمت عليها. . بعدين طلعت من الغرفة ( ما كان ودها تتركها )...
