فاطمة (باهتمام): ها بشري .. وش صار..
ليال: الحمد الله .. سوى العملية وإن شاء الله باقي له أسبوع ويطلع من المستشفى..
فاطمة (ماسكة ذراع ليال): حمد الله على سلامته يا شيخة.. والله يخليه لكم
ليال (تبتسم): مشكورة حبيبتي..
هيفاء تناظرهم وهي ميتة قهر من فاطمة " هالبنت تخليني أكرها غصب". من هاذيك الليلة وهي ما تكلمت مع ليال .. وكانت أغلب حوراتهم عن العمل ورسمية بحت.. ما تبغي تضغط عليها .. تبي تكسبها بأي وسيلة .. مر عليهم الحين 3 أسابيع .. وجاء وقت المرحلة الثانية...
شافت ليال وهي تضحك وتبتسم مع يزن .. فديت هالضحكة.. أخذت جوالها وأرسلت لها رسالة
( أبغى أشوف اليوم . بيجيك السايق الساعة 7). ليال أخذت جوالها وهي ما زالت تتكلم مع يزن وتضحك.. بس قرت الرسالة تبدل وجها وصار جامد خالي من المشاعر..
يزن (باهتمام): خير شو في..
ليال (تحاول تصطنع الابتسامة): لا ما في شي.. بس رسالة من واحد سخيف..
يزن (وهو يضحك): ستي عندنا منهم كتير.. خليك هلأ..باي...
ردت عليها ليال برسالة ( أمرك). هيفاء وهي تستلم الرسالة وتناظر ليال.. تتقطع من داخل..
أسندت راسها على الكرسي "اه لو تدرين وش كثر أحبك..."
في البيت...
عنود(هي مكتفة يدينها ومستندة على الباب): وش فيك ..شكلك موعلى بعضك ..كأنك رايحة إلى جنازة..
ليال ( تحط مكياج وتعدل نفسها): قلت لك ما فيني شي .. بس هالايام صايرة نفسيتي زفت..
عنود( وهي طالعة):الله يهدي النفوس ..
في بيت هيفاء....
الخادمة : ويلكم مس. كم ذس وي بليز..welcome miss, come this way please وأخذت منها العباية والشيلة.
الحقت ليال الخادمة اللي ودتها غرفة أول ما شافتها ليال بقت عيونها .. كأنها داخلة سينما.. شاشة عرض كبيرة وكراسي سينما .. بس كبيرة .وفي الصف الأول صوفا كبيرة وعريضة. وقدامها طاولة عليها مختتلف الألوان من العصاير. والبوب كورن والكولا والشوكولاتة..
كانت هيفاء معطيتها ظهرها . أول ما ادخلت التفتت عليها وناظرتها هيفاء.. كانت ليال لابسة تنورة قصيرة بكسرات كاريهات إلى الركبة. وقميص أبيض مفسرة أكمامها . وشعرها رافعة إلى فوق. هيفاء تناظرها ودها تاكلها بعيونها" هالبنت بتجيب أخرتي أكيد".
قربت منها .وسلمت عليها وباستها على خدها وأشرت لها تجلس الصوفا. ليال كانها أول مرة تشوف هيفاء اللي كانت لابسة بنطلون كاكي وقميص (شيرت) بدون أكمام.. شكلها غير صاير أصغر وأرق من ال boss اللي في الشركة...
هيفاء (تبتسم): إن شاء الله تحبين تطالعين أفلام..
ليال ( بجمود): ايه عادي.
هيفاء: في عندي أفلام كوميدي وأكشن.. شنو رايك..
ليال هزت بكتوفها: أي شي..
هيفاء تكلم نفسها" بتصعبينها علي": كوميدي أجل..
ليال:.......
هيفاء (تحاول تكسر الجليد اللي بينهم): عربي ولا اجنبي..
ليال(كسرت خاطرها وهي تحاول تلطف الجو): عربي..
هيفاء: في خالتي فرنسا.. وكتكوت ..
ليال ( بابتسامة خفيفة): خالتي فرنسا..
شغلت هيفاء الفيلم .. وقعدت جنب ليال بس بعيد عنها شوي .وبدوا يطالعون الفيلم وكانت هيفاء تعزم ليال على الضيافة بس البنت مستحية. اخذت هيفاء البوب كورن وحطيته بينهم وصاروا ياكلون منه ..طبعا ليال كانت تغصب نفسها .. لكن مع عرض الفيلم اندمجت شوي وبدت تسترخي.. وصاروا يضحكون سوى على مشاهد الفيلم وبدت ليال تاخذ من البوب كورن..واحيانا تجي يدها مع يد هيفاء .. وتبتسم لها ابتسامة خفيفة... هيفاء تذوب منها ..
بعد الفيلم قعدوا يسولفون شوي عن الفيلم وأبطاله وأفضل الأفلام اللي شافتها كل وحدة منهم ..
ليال: أحب عبلة .أحس أنها ممثلة قديرة في الكوميديا والدراما بعد.
وبدت تتكلم ونست نفسها انها معصبة على هيفاء .. وهيفاء حاطة ذراعها على ظهر الصوفا ومتكية راسها على يدها وهي تسمع لـ ليال وتعليقاتها وتهز راسها .. فجأة سكتوا وخيم الهدوء على المكان. وقعدت ليال تسوي روحها تعدل قميصها..
هيفاء تأشر لها عشان تقوم معها: تفضلي معي ..أكيد الحين جهزوا العشاء..
ليال (تضحك): ما أظن في معدتي مكان بعد اللي أكلته ..
هيفاء: لا إن شاء الله بتقدرين ..
وهم رايحين إلى غرفة الطعام .. مروا على جدار معلق عليه لوحات صور مختلفة أبيض أسود.
لفت انتباه ليال لصورة بزر قاعد يحاول يطير طائرة ورقية. والتتفتت على هيفاء.
ليال: أنت اللي صورتهيم.
هيفاء: يس.
ليال: ما كنت أدري أنك تعرفين تصورين ..الصور تجنن .. طبيعية
هيفاء( حاطة ايدينها في جيب البنطلون): أحب التصوير الحر. الحركة تكون طبيعية . مش مصطنعة . تصورين الناس كما مهم.
ليال قاعدة تناظر في الصوربدون ما تنتبه هي وهيفاء تكلمو في نفس الوقت: life as it is
طالعوا في بعض شوي. بعدين اضحكوا .
هيفاء: تفهميني على طول..
ومشيت معها إلى أن وصلوا إلى غرفة الطعام . وقعدوا ياكلون وهيفاء تقول لها عن مواقف صارت لها في امريكا .. ومواقف التصوير وشلون في مرة كانت تصور ناس في امريكا وعصبوا عليها والحقوها يبون ياخذون الكاميرا منها.. وكان في بحيرة ادخلت فيها بس كانت مياها عميقة وكانت خايفة على كاميرتها . فارفعتها فوق وصارت تمشي فيها الين وصل الماء الى رقبتها والكاميرا رافعتها فوق .. حتى لما جاوا ينقذونها اعطتهم الكاميرا أول لأنها كانت خايفة على كاميرتها...
ليال: ههههههههههههههههههههههه إلى ان دمعت عيونها.
هيفاء ( تطالعها بنص عين): يعني عاجبك بهدلتي.. تبتسم.
ليال (تتكلم وتضحك): لا والله ههههههه بس اتخيل شكلك وانت مصرة تنقذين الكاميرا
اضحكت معها هيفاء..ومضى الوقت وما حسوا فيه ..
ليال تناظر ساعتها: أوه أنا كذا تاخرت. لازم أروح البيت..
هيفاء وهي توصلها الى الباب: ليال أقدر أكلمك على البي بي. ما يضايقك هالشي..
ليال تبتسم: لا .ما يضايقني.
وهي بتطلع رجعت وباست هيفاء على خدها : شكرا على كل شي .. وراحت..
