في البيت..
الجدة: ها بشروا.. وش قال الطبيب..
ليال (رمت عمرها على الكنبة): يبيله عملية.
الجدة ( حطت يدها على قلبها): وش عمليته.. توه صغير.
ليال حاطة يدها على راسها.. وحابسة دموعها ما تبي جدتها تشوفها..
عنود: يمه ..يوسف طلع معاه عيب خلقي نادر.. ويبيله عملية ..بس العملية تكلف لأنها نادرة
الجدة: كم تكلف..
ليال: 150ألف ريال
الجدة: كل هالمبلغ.. من وين نجيب.
عنود: المشكلة ان لازم نسوي له العملية قريب.. حالته كل ما لها وتتدهور..
ليال ما تقدر تمسك نفسها أكثر .. قامت وراحت غرفتها.. وقعدت تبكي بحرقة ..تمنت أن أمها وأبوها عايشين .. يشيلون معها همها.. يوسف اللي ربته لحم وشافت قدام عينها يكبر ..مو قادرة توفر له ثمن علاجه..
دخل عليها يوسف الغرفة .. وشافها تبكي ..قرب منها ومسح دموعها.. وهو يقول لها:
من خلاس تدحين.. قولي لي ليلي (كذا يسميها) أنا ردال وأعلمس فيه...
ارفعت ليال راسها وناظرته.. وخذت راسه بين ايدينها وباسته على جبينه .. وهي تبكي :
(ما حد يقدر يخليني أصيح وانا وراي رجال)... ولمته بقوة وهي تبكي..
عنود: جربي ما انت خسرانه شي.
ليال (بعصبية): أنا ماصار لي غير 4شهور أشتغل هناك .تبيني أروح وأقول لها أبي سلفة 150ألف وراتبي كله ما يتعدى 5000ريال.
عنود: ما عندك حل ثاني.. تقريبا قدرنا ندبر 30000ريال بس . هذا غير تكاليف العلاج والأدوية من وين بتدبرينها..
ليال وهي تمسح راس يوسف وهو نايم.. راح ادبر لك فلوس العملية باي وسيلة كانت..
في الشركة..
هيلة: وش فيك ليال مو على طبيعتك اليوم..
ليال سرحانة ولا انتبهت لكلام هيلة.. جات فاطمة واطرقت باصابعها في وجه ليال:
نحن هنا.. وش في سرحانة..
ليال(متفاجأة): ها.. لا سلامتك.. بس ال boss صار لها كم يوم ما تداوم..
فاطمة : عسى دوم.. خل الواحد يعرف يشتغل من دون متيسة ( مشتقة من تيس.. وتعني الشخص اللي يضغط عليك وانت تحاول تبذل جهدك .. مفردات فاطمة غير)..
هيلة: لا تفرحين هذا الهدوء اللي يسبق العاصفة..
وهم يضحكون على تعليق هيلة.. ادخلت هيفاء وكانت حدها معصبة وراحت مكتبها واصفعت الباب وراها..
فاطمة ( وهي ماخذه ورق كرتون ومغطية راسها بها): جاتكم العاصفة.. احتموا احتموا .
هم كاتمين ضحكاتهم.. بس ليال لاحظت تعابير وجه هيفاء ..ما كانت طبيعية .. ألم تحاول تخفيه.
هيفاء دخلت المكتب ورمت روحها على الكرسي .. الصداع مو راضي يروح عنها أو تخف حدته.. مو قادرة تركز على أي شي.. نصحتها سلوى أن تاخذ اجازة طويلة.. بس ما تقدر تخلي كل شي على ظهر سلوى...
ليال على مكتبها وتفكر شلون تفتح الموضوع معها وخصوصا اليوم هي منفسة على الأخر. لكن جات في بالها صورة أخوها وهي يتصنع القوة ومو قادر يشيل نفسه .. استجمعت كل قواها وراحت لمكتب هيفاء..
دقت الباب وادخلت على طول من دون أن تتنظر أن تاذن لها..
هيفاء (وهي تشتغل على الابتوب وبدون أن ترفع عينها من عليه ): الناس تنتظر حتى ياذن لها .
ليال: أسفة..
هيفاء رفعت راسها بسرعة. وناظرت ليال وبابتسامة : تحبين تتأسفين كثير..
ليال: اه ..أسفة.
هيفاء بضحكة خفيفة: قلت انك تحبين تتأسفين. ورجعت تشتغل على لابتوبها
ليال بترد. أشرت هيفاء بيدها أنه ما لا داعي : عم بمزح معك.( أغنية نجوى كرم)
ابتسمت ليال: اه. اذا فاضية ..ممكن اتكلم معك في موضوع؟؟
هيفاء: فاضية لا . بس ممكن نتكلم وش فيك. في مشكلة في الدرافت.
ليال: لا لا. الموضوع شخصي ..
هيفاء ( رفعت راسها وركزت كل اهتمامها على ليال): وش فيه.أحد مضايقك هنا..
ليال: لا لا. الموضوع وما فيه .. ....
هيفاء تستمع لها باهتمام . ولما خلصت ليال .
هيفاء: وشلون ناوية تردين هالمبلغ وأنت راتبك يدوب بوصل 5000ريال.
ليال: راح أسوي أي شي تبغينه.. راح أخذ أوفر تايم .. أو أشتغل دوامين ..أي شي..
هيفاء (بهدوء): أي شي.. أي شي
ليال (بحماس): أي شي..أي شي
ناظرتها هيفاء لمدة طويلة .. بعدين أخذت ورقة وكتبت عليها رقم.. وأعطتها لـ ليال
مثل هذه المواضيع ما يصلح نتكلم فيها في العمل. هذا رقمي اتصلي علي عشان أعطيك عنوان بيتي. وهناك نتكلم على راحتنا..
ليال بريبة: تبيني أجي بيتك.
هيفاء: ايه وش فيها. أنا ساكنة لحالي وبعدين لا تخافين أنا ما أعض.. (وهي تبتسم).
ابتسمت ليال وأخذت الورقة : طيب . على الساعة 7
هيفاء هزت براسها : اوكي...
