اولا احب اعتذر عن التاخير ده بس والله كنت مسافره عند قرايبي وللظروف معرفتش افتح نهائي وكمان مكنش فيه فرصه خالص اقعد علي الفون وان شاء الله دي تكون اخر مره وبعتذر تاني من قلبي 🌼🌼
*********************
"اسأل الله أن يحبني حبًا اتجاوز به الحياة حتى تنتهي بي و هو راضٍ عني ، اسأله أن يُعظم الرضا في صدري ، واليقين في قلبي فتغدو الأمور الشديدة هيّنة علي "..
صلوا علي الصادق الامين 🤍🤍
*****************
بعد ان دلف كنان الي غرفته ثم توجه لنوم لكن قاطعه صوت رساله صدم من محتواها فكانت بأن يتجهز لرحله سفر بعد اسبوعان وان يقوم بالاتصال بالمدير لمعرفه المعلومات الكامله فقام بالرن بالفعل حين وجد ما زال الوقت باكرا...
كنان:السلام عليكم ازي حضرتك يا فندم
المدير:وعليكم السلام ورحمه الله الحمد لله يا كابتن انت عامل ايه
كنان:تمام الحمد لله..هو انا شوفت الرساله اللي حضرتك بعتهالي فحبيت اسال سفريه ايه ومش المفروض ان اجازتي لفتره معقوله المره دي
المدير:ده مظبوط بس ظهر لكابتن مصطفي ظروف وكمان هو قالي انه اتفق معاك تبدلوا ولا ايه
كنان بخفوت:اه يا ابن اللي انت ابنهم...احم مظبوط يا فندم نسيت الموضوع ده بس خلاص تمام بس الرحله هتكون فين وهل آسر هيكون معايا زي المره اللي فاتت ولا حد تاني
المدير:هتكون لانجلترا إن شاء الله ولا هيكون كابتن حسن معاك
كنان:خلاص تمام يا فندم هظبط نفسي علي معاد السفر
المدير:ماشي يا كابتن في رعايه الله
بعد ان اغلق مع المدير قام بالاتصال علي مصطفي قائلا:السلام عليكم ايه يا عم مصطفي دي تدبيسه بزمتك تروح تقول للمدير اني متفق معاك
مصطفي:غصب عني والله عندي ظروف ومكنش قدامي غيرك اقدر اعتمد عليه
كنان:ليه يابني ظروف ايه هتتجوز من ورايا
مصطفي:ابدا والله بس ابويا هيعمل عمليه في القلب يوم السفر وانت عارف انا ابنه الوحيد فمش هينفع اسيب امي لوحدها
كنان:يا حول الله يارب الف سلامه عليه يا مصطفي سلملي عليه كتير لحد ما اجيله قبل العمليه
مصطفي:يوصل يا صاحبي بس انت لو وراك اشغال ومش هتعرف مش مشكله قول وانا هتصرف
كنان:لا لا ابدا ولا يهمك يا مصطفي هسافر مفيش مشكله
مصطفي:تسلم بجد يا كنان
كنان:بتقول ايه ياعم ده احنا اخوات
مصطفي:ده حقيقي معلشي لازم اقفل يلا سلام
بعد ان اغلق معه ظل يقول:اه يا حوستي السوده ياني يما انا اتدبس التدبيسه مكنش يومك يا كنونه زهره شبابك بقت حزمه جرجيييير اه اصوت ولا عيب بقي
في ذلك الوقت دلفت كلتا سحاب وآسيل فوجدا كنان علي تلك الحاله
آسيل باستغراب:اخوكي البرج الوحيد اللي في دماغه طار
سحاب بمزاح:في ذمه الله
آسيل:طب ايه نتصل بالعباسيه يا اوختشي
سحاب:بس عيزين نكتفه الاول
رآهم كنان فذهب اليهم ومثل البكاء قائلا وهو يحتضنهم:ااه يا اخواتي الحلوين اتبهدلت انا في السن ده اتمرمط يا بنات الطموا علي خيبتي
آسيل:مالك يا حبيبي مين زعلك وانا انتف شعره
سحاب:شعرايه شعرايه
كنان:هتنتفوا شعر مطار كامل ولا الواد الغلبان التاني
آسيل:لا بجد بقي في ايه
كنان:المدير كلمني من شويه قالي اني ورايا سفر بعد اسبوعين وان واحد تاني قاله انه اتفق معايا علي اني اروح مكانه
سحاب:طب هو ليه عمل كده
آسيل:فعلا هو بيكرهك؟
كنان:لا لا هو صراحه عنده عذر والده هيعمل عمليه وهو الوحيد ليه
آسيل:معني كده انك هتسافر خلاص
كنان:للاسف اه
سحاب بزعل:بس انت قلت انك هتقعد معانا كتير
كنان وهو يحملها:عارف والله يا حبيبتي بس غصب عني انتي شايفه
سحاب بدموع:قله لا ومتروحش بالله عليك
كنان:مش هينفع يا سحابتي مينفعش ارفض طلب واحد محتاجني صح
سحاب وهي تحتضنه:مش عيزاك تسافر
آسيل:طب انا عندي فكره نستغل الاسبوعين دول
كنان:قولي يختي
آسيل:احنا نروح العذبه اسبوع وبعدين نبقي نيجي تحضر شنطك
كنان:انا موافق جدا ايه رأيك يا سحابتي
سحاب بتفكير:اسبوع كله
كنان:اشطا
آسيل:خلاص اشطا هروح اقول بقي لبابا وماما واجي
بالفعل ذهبت لاخبار والديها وبعدها جائت قائله بمزاح:يلا مين هينام مع كنان النهارده
سحاب:اكيد احناااا..ايه يا عم انت
كان كنان يمسكهم من ملابسهم كالمجرمين
آسيل:ايه يا اخ هو احنا مجرمين
سحاب:ولا مجرمين
كنان:لا مجرمين
آسيل:والله فرجت والله فرجت
سحاب:اصل يا كنونه احنا هنام معاك خلاص
آسيل:احنا قررنا يعني
كنان:ده مش هيحصل الا علي جثتي انتوا سمعين
بعد قليل كان ينظر لهم وهما يتحدثان بجواره بمزاح فقال بخفوت:بقي مقدرش امشي كلمتي علي شويه عيال حسبي الله
بعد قليل نظر لهما وجدهما خلدتا للنوم فابتسم بحب ثم قام بتقبيل رأسهم وخلد هو الاخر للنوم بعد ان قام بالرن علي شخص ما .....
