قبل ما ابدأ اول فصل في روايتي الجديده انا حابه اتكلم عن روايه الرجوع....انا بجد بشكر اي حد تفاعل عليها وعجبته لان بسبب دعمكوا ده كملت وكتبت روايتي الجديده الصراحه الروايه دي اثرت فيا جدا كنت عايشه فيها كل لحظه حزن او غضب او فرح وسعاده هتفضل دايما في قلبي لاني بسببها دخلت عالم الكتابه اللي مكنتش اظن في يوم اني هدخله بس بتوفيق ربنا اولا ودعمكوا ثانيا كتبت وروايتي اتحبت فحابه تاني بجد اشكركوا واشكر صاحبتي المفضله لانها يعتبر الدعم الوحيد ليا هي و والدتي
احبكم في الله ♥....
*********************
في احدي الطائرات التي تحلق في الجو نري راكب منزعج من امر ما دعونا نري ما به...
الراكب: انتي غبيه ايه اللي هببتيه ده
المضيفه: انا اسفه جدا يا فندم غصب عني
الراكب: هعمل بيها ايه اسفه دي انا عايز تعويض للي حصل
المضيفه: اهدي يا فندم انا بعتذر بس ميصحش كده حضرتك بتعمل ازعاج للركاب
الراكب: ازعاج انا عامل ازعاج! هاتيلي المسئول دلوقتي انا عايز المسئول انا هوريكي الازعاج علي حق
وهنا جاء المسئول: تحت امرك يا فندم
الراكب: المتخلفه دي وقعت المشروبات عليا وكمان بتبجح وتقول اني عامل ازعاج
المضيفه: والله يا فندم ما اقصد وكان غصب عني اوقع المشروبات واعتذرت ومش بجحت انا بقول ميصحش كده عشان الركاب بدأوا يضايقوا
المسئول: احنا متأسفين لحضرتك يا فندم واكيد ده مش هيتكرر تاني
الراكب: يريت ده يحصل بس عايز واحده تانيه بدالها
المسئول: تحت امرك يا فندم واسفين لحضرتك مره تانيه ثم وجه حديثه للمضيفه قائلا: اتفضلي.......
دعونا نري اين يوجد بطلنا...
كنان: في ايه ايه الدوشه دي
آسر صديق كنان : مش عارف استني انادي اي حد من المضيفات
آسر: انسه سعاد يا انسه سعاد
جائت المدعوه سعاد وتلك هي المضيفه التي حدثت معها المشكله
سعاد: ايوه يا فندم
آسر: ايه الدوشه اللي برا دي؟
سعاد: ابدا يا فندم ده واحد وقعت عليه المشروبات غصب عني والله مسكني تهزيق فضلت اعتذر وهو يقول عايز تعويض عايز المسئول ومش عارفه ايه
كنان: يا حول الله يارب ده كله عشان غلطه... ركاب مزعجه فعلا
آسر بلكنته السوريه: لك العمي علي قلبه شو انه اجدب
كنان بضحك: ايوه افضل انت اتكلم سوري كده لما تتعصب مش هتغير الصفه دي ابدا يابني انت بقالك خمس سنين
آسر: يا زلمه حل عني
سعاد بمزاح: صراحه يا فندم لكنتك دي بتخلي الكل ينبهر بحضرتك
كنان بحده: سعاد متشكرين ليكي تقدري تتفضلي دلوقتي
سعاد بحرج: احم حاضر يا فندم
آسر: غشيم انت يا كنان
كنان: مش عايز هزار في حدود ربنا
آسر: طيب يا عم مكنتش هتكلم معاها اصلا
لم يرد عليه كنان ثم امسك مايك الطائره وشرع في الحديث
كنان: حضرات الساده الركاب الافاضل نرجو منكم ربط الاحزمه حيث ان الطائره علي وشك الهبوط وذلك للحفاظ علي سلامتكم.............
*****************
في مكان آخر نذهب بعدستنا الي احدي عيادات الاطفال لنري ما يحدث بها.....
هونيدا:خلاص كده تمام ابن حضرتك هيستمر علي الدوا ده وبأذن الله اما يخلص هيكون بأفضل حال ثم وجهت حديثها للطفل الذي بين يديها وهي تداعبه قائله:مش كده يا قمر انت هنخف ونبقي حلوين صح
اصدر الطفل صوت مضحك فضحكت عليه وكلا والدي الطفل وبعدها اعطته لوالدته قائله بابتسامه عذبه:ربنا يحميهولك يارب
شكرتها والده الطفل ثم غادرت
نادت هونيدا علي الممرضه التي تساعدها في العياده قائله:آيه...يا آيه انتي يابنتي
حضرت المدعوه آيه قائله:ايوه يا دكتوره
هونيدا:يا بنتي هتشليني قولتلك دكتوره دي قدام المرضي اه بس لوحدنا عادي يا حاجه والله احنا صحاب
آيه:ايه خلاص ياستي عايزه ايه يا زفته حلو كده
هونيدا:متندينيش غير يا انسه يا دكتوره يا برنسيسه قال زفته قال
ضحكت آيه عليها ثم قالت:لا بجد عايزه ايه
هونيدا:لسه في كشوفات بره
آيه:لا كدا خلاص النهارده
هونيدا:حلو اوي هو ده المطلوب هقوم اروح بقي عشان خلاص شطبت
آيه:ماشي يا ستي وانا كمان هقفل العياده وامشي وراكي
هونيدا بطيبه:لا تعالي نقفلها سوا وبعدين تيجي معايا اوصلك
(لدي هونيدا سياره قام والدها بشرائها لها يوم تخرجها كهديه لنجاحها )
آيه:مش عايزه اتعبك معايا وده اصلا شغلي
هونيدا:يلا يختي قدامي انتي فايقه ترغي
آيه:يستي خليني ابان اني عفيفه
هونيدا بضحك:طب يلا يا قمر
وبعد ان اوصلتها الي منزلها توجهت هي الاخري لمنزلها او لنقل الڤيلا الخاصه بعائلتها
استقبلها والدها الذي احتضنها وقام بتقبيل جبهتها ثم دار الحوار الاتي..
سرور:ها اخبار دكتورتنا ايه وعملتي ايه في العياده النهارده
هونيدا:الحمد لله يا بابا كله تمام
سرور:مش شايفه اي صعوبه بتواجهك
هونيدا بمزاح:ايه يا ابو الافراح هي الوظيفه جديده عليا ده انا بقالي كتير فيها ميتخفش عليا يعني وبعدين يا بابتي انا اصلا بعشق الوظيفه دي وكمان الاطفال
سرور:ابو الافراح مهي دي غلطتي اني دلعتك يا جزمه وماشي يا ستي ربنا يوفقك يارب بس خلي بالك يابنتي من الاطفال دي مسؤوليه في رقابتك
هونيدا:طبعا يا بابا دي شئ مفروغ منه وبعدين هو في احلي من اني افهم طفل مولود بيتألم فين وايه العلاج من غير ما يتكلم ربنا وهبني القدره دي ولازم اكون قدها
ثم اكملت وهي تتلفت حولها:امال امي العزيزه فين
