عن السيده عائشه رضي الله عنها قالت: رأيت رسول الله صل الله عليه وسلم ذات يوم طيب النفس فقلت يا رسول الله ادعو لي فقال: اللهم اغفر لعائشه ذنبها ما تقدم منه وما تأخر وما اسرت وما اعلنت.. فضحكت السيده عائشه من دعوه النبي حتي سقط رأسها في حجرها
فقال سيدنا محمد: يا عائشه ايسرك دعائي لكي قالت: وكيف لا يسرني يا رسول الله وقد دعوت ان يغفر لي قال: يا عائشه هذه دعوتي لامتي في كل صلاه💛
صل الله عليك ياحبيبي يارسول الله ♥
*************
كنان وهو يحاول الوقوف وحده بتألم: لا لا هعرف لوحدي ابعد بس
ولم يكد يقف حتي فقد وعيه من شده الالم
رغده بصراخ: ابنيييييي
لحقه اوسم قبل ان يرتطم بالارض بينما بدات كل من سحاب وآسيل بالبكاء ثم توجهت لاحضار من يساعدهم
أتي ناحيتهم الممرضين وساعدوا اوسم في حمل كنان ثم دلفوا سريعا وادخلوه لغرفه الطوارئ
كان محمد يحتضن آسيل وسحاب بينما قالت الاخري ببكاء: بابا هو هو كنان كويس
محمد: هيبقي كويس يا حبيبتي متخفيش
خرج لهم الطبيب ثم قال: للاسف يا جماعه المريض الزايده بتاعته تضررت خالص ومضطرين نشيلها بس منقدرش ناخد اي خطوه الا بعد اذن اهل المريض
اوسم بسرعه: اعمل اي حاجه يا دكتور المهم هو يبقي كويس
الطبيب: متخفش يا فندم دي حاجه بسيطه عن اذنكم
دلف الطبيب مره اخري تاركا ورائه الباقي في قلق ...
كانت تمر علي احدي الحالات وحينما همت بالذهاب لمكتبها وجدتهم واقفين في حاله توتر توجهت لهم بقلق ثم قالت: السلام عليكم خير يا جماعه ثم نظرت لسحاب قائله: انتي كويسه يا سحاب
محمد: ازيك يا بنتي سحاب كويسه بس كنان هو اللي في العمليات
هونيدا بحزن: الف سلامه يارب خير ان شاء الله
محمد: خير يابنتي هيشيل الزايده بس احنا متوترين شويه
نظرت للجميع بحزن ثم توجهت لسحاب التي كانت تبكي وقامت باحتضانها قائله: سحاب اوعي تخافي اخوكي هيبقي كويس ماشي متقلقيش
سحاب ببكاء: هو هو كان بيتوجع اوي
هونيدا وهي تربت علي رأسها: هيبقي كويس والله دي حاجه صغيره خالص وبعدين مش احنا قلنا ان ربنا موجود
اومأت بصمت فقالت الاخري بابتسامه: خلاص متخفيش هو هيبقي كويس ويطلع يقعد معاكي ويجبلك كل اللي انتي عيزاه خلاص نبطل عياط بقي
ثم توجهت لآسيل التي بحضن اوسم وتبكي بخوف
هونيدا موجهه حديثها لاوسم : تسمحلي
ابتعد اوسم عن آسيل بينما قامت الاخري بامساكها من كتفيها قائله: آسيل بصيلي آسيل بصي في عيني
نظرت لها آسيل ببكاء فقالت هونيدا: انتي خايفه ليه انتي عارفه انها عمليه بسيطه المفروض تكوني مدركه كدا
آسيل ببكاء: كان شكله وهو بيصرخ صعب اوي كمان ملحقناش نطمن علي سحاب هو يتعب انا بجد خايفه عليه
هونيدا وهي تضع وجهها بين يديها: مش هيحصل حاجه خليكي واثقه في ربنا انتي واحده مؤمنه ده غير هو بس كان بيتوجع انما الموضوع بسيط والله انتي عارفه يا آسيل
آسيل: اعصابي تعبت بقيت خايفه يحصل حاجه تاني
هونيدا: بلاش تشاؤم بقي ربنا بيقول انا عند ظن عبدي بي وبعدين استاذ كنان حالا يطلع والله وهتقولي هونيدا قالت خليكي قويه اتفقنا اقفي مع اخوكي وبابكي حتي عشان سحاب استاذ اوسم مش هيعرف يركز معاكوا ولا مع استاذ كنان لما يفوق ان شاء الله
اومأت آسيل ثم اردفت بخفوت:هحاول ماشي بس هو بجد هيبقي كويس
هونيدا بابتسامه:ايوه متخفيش وبعدين ده سحاب اعقل منك خالص متبقيش طفله يلا روحي اقعدي وهو هيبقي كويس تمام
اومأت بخفه وهي تنظر لها بامتنان
وجدت هونيدا احدي الممرضات تأتي لها قائله:دكتوره هونيدا في حاله كشف ضروريه
هونيدا:ماشي جايه حالا ثم وجهت حديثها للجميع مردفه:انا مضطره استأذن دلوقتي بس هاجي اطمن تاني ولو في اي حاجه اقدر اساعد فيها متترددوش
محمد:متشكرين ليكي يا بنتي جميلك ده فوق راسنا
هونيدا باحترام:مفيش اي حاجه ياعمو ده واجبي نحيه استاذ كنان بعد ما انقذني واحنا في انجلترا هستأذن انا ثم ابتسمت لرغده بتطمين وبالمثل مع آسيل وسحاب......
ظلوا في انتظار انتهاء العمليه وفجأه وجدوا الطبيب يخرج ومن بعده ممرضين ينقلون كنان لأحدي الغرف جري الجميع علي الطبيب وقال محمد:طمنا يا دكتور هو عامل ايه دلوقتي
الطبيب:يا جماعه مفيش داعي للقلق ده اكيد انتوا عرفين انها بتبقي بسيطه وعلي العموم هو الحمد لله تمام احنا نقلناه اوضه تانيه واول ما آثر البنج هيروح هيفوق علي طول
رغده:يعني هو كويس بجد
الطبيب:ايوه يا فندم وبرضو انا في مكتبي لو حصل حاجه بلغوني
اوسم:شكرا يا دكتور
ابتسم له الطبيب ثم ابتعد بينما توجهوا سريعا لغرفه كنان وجلسوا بانتظار افاقته
سحاب:بابا هو مش راضي يفوق ليه
محمد:لسه علي ما البنج يروح يا سحاب
آسيل:ربنا يشفيه علي خير يارب كانت خضه جامده
اوسم:شويه هو وشويه سحاب لحد ما يقطعولنا الخلف كدا
رغده:بس ازاي تيجيله دلوقتي وفجأه كدا
محمد:انتي عارفه مش بيبقي ليها عمر محدد والحمد لله بقي كويس ده اهم حاجه
رغده:الحمد لله دائما وابدا.....
