وأغِث قلبي
فإنّي وقلبي
بغيرِ
غيثك ما
ارتوينا"🤎🌿__
*******************
كانت تجلس في غرفتها لا تستطيع النوم من القلق علي صغيرتها واختها التي ليس لديها اغلي منها وجدت هاتفها يرن فردت قائله:ايوه يا شمس
شمس باستغراب:مال صوتك يا آسيل انتي كويسه
آسيل ببكاء:لا مش كويسه خالص
شمس:طب بس اهدي اهدي احكيلي حصل ايه
آسيل:قمت الصبح كنا بنفطر وسحاب اتاخرت طلعت اشوفها لقيت عندها حساسيه جامده ومش عارفه تاخد نفسها خالص جرينا بيها علي المستشفي بس دلوقتي احنا روحنا وكنان واوسم قاعدين معاها انا خايفه عليها اوي يا شمس مش عارفه اعمل ايه عشان تكون كويسه
انتفضت شمس بخضه ثم قالت:لا حول ولا قوه الا بالله طب اهدي عشان خاطري هتكون كويسه بأذن الله صدقيني متخفيش ثقي في ربنا
آسيل:خايفه يا شمس الدكتوره قالت بقت كويسه بس هموت من الخوف عليها دي تعتبر بنتي انتي فاهمه
شمس:فاهمه والله فاهمه اهدي بس انا متاكده ان ربنا هيعديها علي خير وانا برضو اقول مجتش النهارده ليه معايا نشوف رأي الزبون في الديكور وفضلت ارن عليكي مش بتردي
آسيل:من الخضه نسيت كل حاجه ومخدتش بالي الا لما جيت
شمس:آسيل بطلي عياط كله هيبقي تمام ان شاء الله وانا بأذن الله بكره هاجي اطمن عليها بس اهم حاجه دلوقتي تهدي خالص وترتاحي عشان لما تروحي بكره تكوني كويسه
آسيل:ماشي شكرا ليكي يا شمس
شمس:مش هرد عليكي والله ثم قالت بسرعه:آسيل ازاي نسيت
آسيل:في ايه
شمس:بنت خالتي دكتوره اطفال ممكن اقولها تيجي تشوف حالتها وتطمنا
آسيل:لا لا مفيش داعي تسلمي بجد يا شمس بس الدكتوره اللي كشفت عليها باين عليها شاطره طمنتنا الحمد لله
شمس:طب الحمد لله ربنا يجعله في ميزان حسناتها يارب المهم لو اي وقت عوزتي قريبتي دي قولي
آسيل:حاضر والله
شمس:يلا اسيبك ترتاحي استودعك الله الذي لا تضيع ودائعه
بعد ان اغلقت معها ظلت تدعي لاختها ثم اتصلت لتطمئن عليها وبعدها خلدت للنوم حتي تكون مستعده للذهاب لها غدا......
*****************
تحدثا في وقت واحد من الصدمه:انت مصري /انتي مصريه
هونيدا:احم اهلا بحضرتك
كنان:اهلا بيكي
هونيدا وهي تنظر للارض:متآسفه بس عايزه اطمن علي البنوته
كنان:هو حضرتك اللي كشفتي عليها
هونيدا:ايوا
كنان:انا متشكر لحضرتك جدا مش عارف اقولك ايه
هونيدا:ده شغلي يا فندم بس ممكن اشوفها
كنان باحراج:اه احم اتفضلي
دلفت لتطمئن عليها ولكن قامت باحضار ممرضه معها حتي لا يكونا بغرفه لمفردهم..بعد ان فحصتها وجهت حديثها لكنان قائله:الحمد لله هي بقت كويسه دلوقتي علي بكره الضهر تقدر تخرج
قبل ان يرد عليها وجدوا سحاب تتحدث بخفوت وهي تنظر لهونيدا التي كانت بجوارها:الله انتي قموره اوي
هونيدا بابتسامه:اهلا اهلا بالسكره بتاعتنا
توجه كنان واحتضن سحاب بقوه قائلا:حمد لله علي سلامتك يا سحابتي كده تخضينا عليكي متعمليش فينا كده تاني
هنا دلف اوسم وعندما وجد سحاب مستيقظه توجه وشدها من كنان ثم احتضنها بقوه قائلا:سحابتي انتي كويسه وحشتيني الشويه اللي نمتيهم دول متعمليش كده تاني
هونيدا بسرعه:لو سمحت مينفعش كده البنت مش هتعرف تاخد نفسها بالشكل ده اومال احنا حطين جهاز تنفس ليه
ابعدها اوسم سريعا ثم قال:لا خلاص اهو وحشتنيي يا سحابتي
سحاب:انا هنا ليه
هونيدا وهي تلعب بشعره بخفه:الظاهر ان احنا عندنا حساسيه من حاجه معينه وخدناها من ورا علم بابا وماما
كنان:انتي كلتي الفراوله يا سحاب
سحاب بخجل:كان نفسي فيه اوي وعلي فكره طلع مش وحش زي ما انت قلت طلعت بتكدب مش انت قايل الكدب حرام
كنان بلجلجه:مهو اصل يعني
اوسم:هو غلط هنعاقبه لما نروح ايه رأيك
سحاب:ايوه صح
هونيدا:المهم اننا منعملش كدا تاني عشان كانوا كلهم خيفين عليكي خالص اتفقنا
سحاب:هو انا قلتلك انك عسوله اوي
هونيدا:ده انتي اللي قمره
اوسم بعد ان وقف ثم مد يده لها:انا بجد متشكر لحضرتك جدا يا دكتوره لانك انقذتيها
هونيدا بخجل:اسفه مبسلمش وبعدين ده واجبي
اوسم باحراج:احم ولا يهمك ومتشكر لتاني مره
وجهت هونيدا حديثها للمرضه قائله:خدي بالك منها ولو حصل حاجه تيجي تقوليلي علي طول
الممرضه:حاضر يا دكتوره
هونيدا:تمام استأذن انا
خرجت من الغرفه ثم ابتسمت عندما تذكرت صدمه ذلك الشاب حينما رآها
بينما عند غرفه كنان ابتسم عندما علم بهويتها اخيرا لكنه ما زال لم يعلم اسمها
اوسم:ايه رحت فين
كنان:لا ابدا مفيش وبعدين مش قلنا مفيش سلام بينا وبين البنات
اوسم: كنت عايز بس اعبرلها عن شكري بأ حاجه
