- حَدِّثنِي عَن الله ؟
- لو أحَبّك ؛ أَحبتكَ السَّماءُ والأرض وسَاكِنيها ، وسكنَت الجنّةُ قلبَك قبل أنْ تدخُلهَا ، وهُدِيت وكُفِيت ووقِيت ، ونُحِّي عنك الشَّقاءُ وفَارَقتك الأحزان ..
_ اللهُم حُبك.♥️
صلوا علي من كان يكره اليأس والتشاؤم حتي في أشد الخطب 🌿💚🌿.
**************
نظرت لها رحمه باستغراب فأردفت الاخري بخوف:اسفه والله مكنش قصدي غصب عني اخبطك
رحمه بتطمين:طيب طيب اهدي انتي خايفه كدا ليه؟ انا عارفه انه مش قصدك
الفتاه بتوتر:اصل دايما كله بيزعقلي لما بخبطهم
رحمه بمزاح:انتي متعوده تخبطي في الناس ولا ايه؟
اردفت بسرعه:لا والله العظيم بس حصل كتير وكان كل مره غصب عني وكلهم بيقولوا عليا متخلفه وغبيه عشان كدا والله كان غصب عني
اردفت رحمه مقاطعه:ابلعي رييقك اييه برااحه
اجفلت الفتاه بخوف فاردفت رحمه:انتي اسمك ايه؟
الفتاه:حلا اسمي حلا
رحمه:انتي عندك كام سنه باين عليكي صغيره
حلا:عندي 19سنه مش صغيره
رحمه:عندك 19سنه ومش صغيره سيبك سيبك قوليلي انتي بتدرسي ولا ايه؟
حلا:ايوه انا في اولي حقوق وبشتغل سكرتاريه في مكتب محاماه
رحمه:بتشتغلي ليه الاولي تركزي في دراستك وبعدين باباكي ازاي يسمح ليكي تشتغلي من دلوقتي
حلا بحزن:انا متربيه في ملجأ معنديش اب او ام عشان كدا لازم اشتغل اصرف علي نفسي
رحمه بتأسف:يا روحي انا اسفه جدا مكنش قصدي والله طب عايشه فين دلوقتي؟
حلا:المكتب اللي بشتغل فيه قدامه اوضه مأجراها
رحمه بتفكير:طيب وانتي هتقبضي تدفعي فلوس الإيجار ولا مصاريف جامعتك؟
حلا:يعني بحاول امشي الدنيا
رحمه:طيب بصي تعالي معايا
حلا بخوف وتراجع:اجي معاكي فين وليه؟
رحمه:خوفتي ليه هو انا هخطفك يعني يوم ما اخطف هخطف واحده اطول مني ثم نظرت للهاتف بيدها فأردفت بصياح:ينهار ابيض اتأخرت علي العياده اخرتيني من اولها ماخراني شكلك مش هتعمري معايا تعالي بسرعه ثم امسكتها من يدها وبدأت تجري بسرعه
حلا وهي تجري بصدمه مردفه:استني لو سمحتي انتي وخداني علي فين؟
رحمه:الشغل اتأخرت علي الشغل...
بعد ان وصلت للعياده اجلست حلا باول مقعد ثم اردفت:خليكي قاعده هنا هخلص شغل وهتيجي معايا اتفقنا
حلا بتساؤل:هو انتي دكتوره؟
رحمه بمزاح:لا مهندسه معماريه وجيت اكشف
حلا:اه طب الف سلامه
نظرت لها رحمه بهدوء مردفه:طلعتي غبيه زيي حلو هتعمري شكلك انا داخله هخلص بسرعه كدا كدا مفيش كشوفات كتير استني هنا....
*************
اردفت بهدوء:اه الاسم اهو ماشي اتفضل يا فندم الدكتوره في الانتظار
ابتسمت هي مردفه:ماشي شكرا
قام تواب بالدق علي باب المكتب ثم دلفت هي وكان هو خلفها
خرجت هونيدا من غرفه كانت موجوده بالمكتب ثم اردفت بابتسامه:السلام عليكم
ردا السلام بهدوء ثم اردفت الاخري باستغراب:ما شاء الله الدكتوره اللي كله بيحلف بيها هي انتي مكنتش اعرف انك صغيره كدا
ابتسمت هونيدا مردفه:يعني كله بيفتكر كدا فعلا بس ما اتشرفتش بأسم حضرتك
اردفت مبتسمه:عهد اسمي عهد
هونيدا:عاشت الاسامي يا مدام عهد ها القمر دي بتشتكي من ايه بقي؟
عهد:هي بقالها يومين بتعيط كتير الاول كنا فكرنها بتسنن خصوصا ان في سخونيه في جسمها رحنا لدكتور قالنا من تغير الفصول
استمعت لها بهدوء ثم اردفت:تمام احنا هنكشف وان شاء الله يكون خير
قامت هونيدا بحملها وبدأت تفحصها بهدوء وسط لعبها معها وبعد ان انتهت جلست مره اخري وما زالت تحمل الطفله ثم اردفت بهدوء:طيب هو للأسف مش تغير فصول زي ما الدكتور قال هو ظاهريا يبان كدا لكن اللي عندها مغص ثلاثي او نسميه اصح مغص الرضيع بيخلي الطفل يعيط كتير يدوب يسكت شويه فانا هكتب لحضرتك دوا تنتظمي عليه وان شاء الله كله هيكون تمام
تواب باهتمام:بس ده مفيهوش خطوره يا دكتوره
هونيدا وهي تنظر للدفتر امامها:ابدا يا فندم ده تعب عادي بيجي للأطفال وبيخف علي طول هي لما تاخد الدوا هيكون كله تمام
عهد بابتسامه:تمام يا دكتوره متشكره جدا لحضرتك
اردفت مبتسمه:مفيش داعي للشكر ده واجبي اسم القمر دي ايه بقي؟
عهد:حور
هونيدا:ما شاء الله ربنا يحفظهالكم يارب....
