عن أي حال تبكي ي حبيبتي؟؟!*
أتبكي ونسيت أن الله هو ربك!💙
أنسيت يوسف الذي فقد أبيه وهو صبي، أنسيت مريم الذي حملت بـ عيسى بكلمة من الله!، أنسيت زكريا الذي لم يكن بدعاء ربه شقياً، أنسيت يونس الذي نجاه الله من بطن حوت!!
نسيت ونسيت ونسيت!💙
ولكن خذ هذه ولا تنساها.
"أن الله معك ، وأنه يحبك أكثر من نفسك ورحيم بك أكثر من أمك، معك في كل مرة ولكن أنت من تغفل بقلبك عنه، ولكن لا تخشى، اذكره فقط 💙))!
صلوا علي من اضاء الكون نورا 💛🌼💛
***************
كانت تدندن تلك الاغنيه الطفوليه وحين دلفت للداخل وجدت الجميع ينظر لها ويكتم ضحكته بصعوبه
آسيل بصدمه: قال حلاوه سوسو
نهض اوسم ثم اجلسها بجواره قائلا: تعالي يا آسيل اقعدي
قالت بحرج: ازيكم يا جماعه منورين والله
فرح: ده بنورك يا عروسه
آسيل: واد يا اوسم عروسه ايه
اوسم: اكتمي دلوقتي ده انتي امك مستحلفالك
كان ينظر لها وعلي وجهه ابتسامه هادئه وحين التقت اعينهم فركت جبهتها بحرج ثم نظرت للارض فوجه حديثه لمحمد قائلا: زي ما قلت لحضرتك ياعمي انا يشرفني اطلب ايد الانسه آسيل وهكون ممتن لموافقه حضرتك وحضرتكم يا اساتذه
صدمت آسيل بشده ثم قالت بحرج: عن اذنكم معلشي ثم خرجت سريعا فقالت فرح بمزاح: فاجأنها ياعيني
عند آسيل قامت بالاتصال بشمس سريعا قائله: شمس الحقي استاذ غريب هنا
شمس: وعليكم السلام ورحمه الله وبركاته انا الحمد لله شكرا علي السؤال
آسيل:انا مسالتش اصلا
شمس:ايه ده والله طب كويس انك خدتي بالك
آسيل:مش وقتك بقولك استاذ اياد فكراه اللي صممناله شقته عندنا دلوقتي
شمس باستغراب:عايز شغل جديد ولا ايه طب مستناش ليه وجه المكتب
آسيل:مش وقته غبائك والله جاي يتقدملي
صاحت شمس فجأه مما افزع آسر فقال:في ايه فزعتيني
شمس:بتهزري صح ومقلتيش من بدري ليه يا جزمه انتي طب ورأيك ايه عمو وافق واخوتك قالوا ايه ردي قولي
آسيل:معرفش انا طلعت بره من الكسوف خصوصا اني كنت داخله وعماله اغني مخدتش بالي ان حد موجود
شمس:ياربي اقفلي اقفلي انا جايالك حالا
نظرت آسيل للهاتف قائله:قفلت في وشي بتحترمني اوي
ثم نظرت للخارج واردفت بخجل:ياربي ملقاش وقت غير ده يجي فيه وازاي معرفش انهم جايين ياتري قال عليا ايه دلوقتي اكيد قال عبيطه
عند اياد تذكرها وهي تغني بطفوليه فقال بخفوت:عندها طفوله متأخره
محمد:طب ممكن اعرف يا ابني انت عرفتها منين طبعا اعرف ان اختك صحبتها بس انت بالذات
اياد:انسه آسيل هي اللي كانت بتصمملي شقتي ياعمي فاتعرفنا من وقتها ومعاد التسليم فرح اتعرفت عليها وبقوا صحاب
هونيدا بخفوت:صدفه حلوه اوي
كنان:شايفك فرحانه وكأنهم علي الكوشه
هونيدا:مهو ده اللي هيحصل اتقل انت بس
اوسم:طب وبخصوص موضوع البطاقه ده
اياد بحرج من تذكره لذلك الموقف:وقتها فعلا انا بالصدفه لقيت البطاقه في شقتي فمعرفتش اجبها علي طول لاني مكنتش اعرف رقمها او ساكنه فين
كنان:محصلش حاجه احنا مشكورين ليك يا استاذ اياد
ابتسم اياد بخفه فقال سامر:ها ياعمي فرحنا بقي وقلنا انكم موافقين
محمد:والله يا ابني انتوا من الناس المحترمه اللي عرفناها فعلا ويشرفنا جدا نسب زي حضراتكم
فرح بفرحه:يعني موافق يا عمو
لكزها اياد دون ان ينتبه احد لكن رآتهم آيه وحاولت كتم ضحكتها
محمد:انا مرفضلكيش طلب طبعا يابنتي بس بقول لو تدونا فرصه نفكر وكمان ناخد رأي البنت
كنان:وان شاء الله ربنا يعمل اللي فيه الخير
اياد بابتسامه هادئه:وانا في الانتظار ياعمي
فرح:هتولنا العروسه بقي يقعدوا مع بعض شويه
آيه:ثانيه هروح اجبها
وجدت آيه آسيل تتحدث مع نفسها فقالت بضحك:يعيني الحب وسنينه
آسيل:مشيوا صح؟
آيه:كان بودي اقولك اه بس هما عيزينك عشان تقعدي معاه
آسيل بتوتر:لا معلشي اعذروني انا كان بودي والله بس مبعرفش اقعد
آيه:ابقي اقفي يختي خلصي هنتأخر
آسيل:الا قوليلي هو انتوا كنتوا تعرفوا
آيه:اه بس ماما قالت منقلش دلوقتي
آسيل:امي هي امي اللي تعمل كدا
سحبتها آيه بقوه وهي تردف:يلا بقي عيب كدا
توجهت للداخل بحرج فنهضت فرح واحتضنتها بشده ثم اردفت:هتبقي اجمل زوجه لاخويا يا سيلا بس خدي بالك هكون العمه الشريره
ابتسمت لها آسيل بخفه وبعد ان غادر الجميع تاركين لهم الفرصه ليتعرفوا علي بعض
قال اياد بابتسامه:تخيلي كدا لما توفقي ونتجوز هتكوني دخلتي الشقه اللي انتي صممتيها فزادت ابتسامته بشده وقال بغمزه:صدفه حلوه صح
تصنعت السعال بخجل قائله:يعني بس انا لسه ما ابدتش موافقتي
اياد:احساسي بيقولي انك هتوافقي
آسيل:ليه ان شاء الله
اياد بتفكير:مثلا عشان انا هفضل متمسك بيكي لأخر عمري
احمرت وجنتيها بخجل ونظرت لللارض ثم اردفت بخفوت:وقعتني يا ابن يحي....
بالخارج قال كنان بعصبيه:اوعي من سكتي يا هونيدا انا عفاريت الدنيا بتتنطت في وشي دلوقتي
هونيدا بضحك شديد:يا حبيبي اهدي ده عشان تشوفها عروسه بالفستان
كنان:مش عايزها تلبس فساتين هلبسها بناطيل بس اوعي من قدامي مش هسبها معاه لحظه واحده ليه ان شاء الله مفيش رجاله في البيت
هونيدا:يا شيخ اقعد بقي ما انا قعدت معاك عادي
كنان:ايوه لانك حبيبتي وكدا كدا كنتي مراتي انما آسيل مش مجوزها انا... هي لسه صغيره مش عارف ابويا وامي مستعجلين ليه؟
بينما عند آيه واوسم كان الاخر يضرب كف علي كف بعصبيه شديده ثم صاح:يعني هو ميحلاش التعرف غير وهما لوحدهم ياستي ان شالله عنهم ما اتعرفوا ولا اتهببوا لا مبدهاش بقي انا رايحلهم
آيه:يا اوسم عيب اهله يسمعوا
اياد:يسمعوا انا عايزهم يسمعوا عشان يمشوا وميجوش مين قال ان آسيل هتتجوز اصلا انتي اللي قلتي ان آسيل هتتجوز
آيه:انا والله ابدا انا اصلا مكنتش اعرف ان ليك اخت
اوسم:ده وقت هزارك بزمتك
آيه بضحك:اقعد بس الله يهديك يا حبيبي
اوسم:لا انا رايح والله مفيها قعاد ثانيه واحده كمان
توجه سريعا لغرفه الصالون ثم فتح الباب شي لا يكاد يذكر وبعدها وجد كنان يقف بجواره ثم قال بخفوت:بيقولوا ايه؟
اوسم:مش عارف بيتكلموا بصوت واطي اوي
كنان برفعه حاجب:ايه قله الذوق دي ازاي يتكلموا بصوت واطي هو فاكر بنات الناس لعبه
اوسم:شكله عايز يترفض من اولها
كنان:اوعي كدا وسعلي
نظر كنان لهم وجد اياد يبتسم بشده فقال بغيظ:شوف البجح بيضحك ولا كأنه بيتفرج علي مسرحيه
اوسم:ياعيني مخلي البت محروجه خالص معندوش احساس
كنان:هو شكله جاي عايز يترفض....
عند اياد قال بابتسامه شديده:يعني انا دكتور في الجامعه ياستي عندك اسئله تانيه ولا ايه
آسيل بخجل:اسفه لو ازعجتك
اياد بابتسامه هادئه:عليا مفيش اي ازعاج بس اخواتك اللي بيرقبونا بره هيدخلوا يموتوني حالا
نظرت فجأه جه الباب فقام كنان باغلاقه بسرعه قائلا:شفتنا البت آسيل شفتنا
اوسم:اوعي ياض انت خايف ولا ايه دي اختك انت نسيت
كنان:اه صح طب ندخل ولا ايه
اوسم:يلا ياعم هو بيتعرف علي السجل المدني
فجأه قاما بفتح الباب بقوه وجلسا بجوار آسيل كل منهم علي جهه منها فنظر اياد للارض وهو يبتسم بشده
كنان:بنتمني منكونش ازعجناكم
اوسم:اكيد انتوا مش مديقين من وجودنا ابدا
اياد باستفزاز:ابدا يا كباتن بس عطلتونا عن الكلام صراحه
كنان:متتكسفش يا راجل كمل كمل
اوسم:اعتبرنا مش موجودين اساسا
تذكر اياد حين تقدم سامر لاخته فكان يفعل معه مثلهم تماما....
Flash Back....
كان يجلس ملتصق بها بينما ينظر له سامر بغيظ
اياد:اتفضل يا استاذ سامر اشرب العصير هيعجبك اوي
سامر:تسلم يا استاذ اياد كلك ذوق
ابتسم اياد باستفزاز ولم يرد
فقال سامر بتاكيد:كلك ذوق بقولك
اياد:والله عرفت خلاص
تنهد سامر بيأس ثم قال:لو تسمحلنا شويه يا استاذ اياد
اياد:انت مكسوف مني ولا ايه اعتبر اني مش موجود يا راجل
نظرت فرح له باحراج فقال سامر بتنهيده:ازيك يا انسه فرح
اياد:هي كويسه والله بتاكل كويس وتنام بدري متشكرين علي السؤال
سامر:استاذ اياد انا بسألها هي
اياد:اه معلشي نسيت اتفضل
نظر له وقد بدأ شرار الغضب يتصاعد:لو عندك اي اسئله يا انسه فرح
اياد:والله اظن انها معندهاش المهم عندنا اننا بنشتري راجل يكون محترم ويقدر يحافظ عليها
سامر:انا عيل اني جيت هنا اساسا
اياد:طب يا سيدي منعطلكش بقي عشان انا مش بجوز اختي لعيل اتفضل
قام اياد بطرده ولكن ما جعل سامر يتقدم مره اخري هو حبه الشديد لفرح وايضا لم يخلو الامر من تعذيب اياد لهم.....
Back.....
