|🌿🤍''.
"الإيمان ليسَ أن تدعو
فيُستجاب لك ... فتؤمن
فذاك إيمانٌ مشروط
الإيمان الحقيقي هو أن تدعو
فتُسد في وجهك الدروب
وتدعو فيسبقك الصحب
وتدعو فتدمي أقدامك أشواكَ الطريق
فما تزيد أن تقول :
ربي ما ألطفك أيُّ خيرٍ تُريده بي
ثمًّ ما تنفك تدعو.🤍'.
إنَّ مُحمَّدًا لَهُ فِي القلب حُبًّا فصلّوا عليه كَي يزيد الحُب حُبًّا.🧡🧡🧡🧡🧡🧡🧡🧡🧡🧡🧡🧡""
****************
بعد ان انتهي الحفل ذهبت للمنزل مع والديها وجلسوا يتحدثوا الي ان قالت:ايوه مهي اسيل قالتلي انا كمان
سرور:ليه خير يعني والدته تقولك يا مريم و بنتها تقولك يا هونيدا وابوها يقولي هو في حاجه
مريم:هو لازم يكون فيه حاجه عشان ناس تزورنا
هونيدا:اظن يا بابا نتعرف اكتر يعني
سرور:ماشي يا ستي ينوروا طبعا ادينا هنستناهم
هونيدا:ياخبر النهارده بفلوس بكره يبقي ببلاش
مريم:انا مش شايفه الموضوع فضولي للدرجه دي
هونيدا:لا صراحه انا فضوليه اوي
سرور:المهم انا طالع انام بقي عندي شغل الصبح هونيدا اجازتك دي هتخلص امتي مش حلو اللي بتعمليه ده
هونيدا:متخفش يا سرور هروح من يوم السبت ان شاء الله وبعدين هتنام ليه يا ابو الافراح اقعد شويه
سرور:ليه هو انا فاضي زيك يختي
هونيدا:حبيبي يا رافع معنوياتي
ضحك بخفه ثم اردف:يلا تصبحوا علي خير
مريم:ها هنعمل ايه احنا
هونيدا:هنجيب فيلم طبعا
مريم:قومي يلا احلي حاجه
هونيدا:اشطا امريوم .....
**************
قال بصدمه وابعد يديه ببطء:بتقول ايه
جرت آسيل خارج الغرفه فنهض اوسم فجاه قائلا:انت بتهزر صح
كنان:اقعد بس واسمع
اوسم:لا لا لا مش هسمع ابعد كدا
توجه لاسفل جريا ثم توجه لرغده قايلا:خالتو عشان خاطري روحيلهم تاني واتفهمي معاها حاولي تقنعيها هي مامتها قالتلك امتي اصلا قالتلك النهارده في الحفله صح روحيلهم بكره وحاولي تقنعيهم
بينما عند كنان خرج خلفه ثم نظر لآسيل وقام بغمزها فضحكت هي وقالت:بينا نشوف النتيجه
رغده باستغراب:اقنع مين يابني ومين قالي ايه مش فاهمه
قال بعصبيه:يا خالتو مش وقت استغراب افهميني عشان خاطري
رغده:واد انت بتزعقلي مالك كدا
قام بتقبيل رأسها بتوتر ثم قال:اسف والله يا خالتو مقصدش عشان خاطري روحي اقنعي آيه و والدتها انهم يغيروا رأيهم
رغده:يغيروا رأيهم ازاي يا ابني هي لعبه
اوسم:اي حاجه عشان خاطري روحي بكره واتفهمي معاهم
رغده:اتفاهم ايه يا زفت انت اروح اقولهم معلشي مش هنقدر نيجي نقرا الفاتحه عشان الاستاذ اوسم رجع في كلامه
نظر لها باستغراب:نقرا الفاتحه ازاي مش فاهم مش هي آيه كانت وافقت وبعدين غيرت رأيها!
هنا كان كل من آسيل وكنان يقفان خلفه وانفجرا في الضحك بينما وضع كنان يده علي كتف الاخر قائلا:لا لا مكنتش اعرف انك اتدلقت بالشكل ده
محمد بيأس:ما شاء الله شغب جديد بتبهروني كل مره والله
اوسم:لا ثانيه كدا هي آيه و والدتها وافقوا
رغده:اه ياروح خالتك وافقوا وهنروح نقرا الفاتحه الجمعه الجايه ومفيش حاجه اقنعهم يغيروا رأيهم انت سامع
ابتسم بخفه ثم قال وهو ينظر لكنان وآسيل بشر:لا لا يغيروا رأيهم ايه بس هو انا اهبل هنروح في معادنا
ابتعدت آسيل بخفه ثم قالت:حسبي الله وانا كل شويه هجري بسبب واحد فيكوا كدا
قام اوسم بتشمير ساعديه ثم قال بغضب:قولتولي بقي ان مش اي حاجه بنعزها بنخدها
كنان:سبحان الله نفس المقوله اللي بمشي بيها في حياتي
اوسم:طب تعالولي بقي يا حلوين
آسيل:ايه هتعمل ايه اقف عندك
اوسم وهو يتجه لهم بشر: هسمعكم انا بقي الكلام الحلو
فجاه قفزت آسيل علي ظهر كنان قائله:صلي علي حبيبك النبي
جري كنان بسرعه ثم قال:ملقتييش غير ضهري تستخبييي فييه
آسيل:اجري اجري هيمسكناا بسرعه
اوسم:كنان خد تعال هنا وانتي يابت انزليلي والله هربيكم من اول يا كلاب
كنان:ياعم مش قادر اجري اهمد كفايه اللي فوووقي ديي
آسيل:مالها يخويا اللي فوقك نظرت خلفها فقالت بسرعه:اجري اسررع يا ابنييي هيمسكنااا
خرجا باتجاه الحديقه فقال كنان:مبدهاش بقي هنطلع الشارع
آسيل:شااارع ايييه انا بشعريييي
وقف اوسم بتعب بينما اكمل كنان جري ونظر خلفه فقالت آسيل وهي تنظر لاوسم وتضحك:شكله تعب عجز ياعيني
هم ان يقول شئ الا انه اصتدم بشخص ما فنظر امامه فجأه بينما شهقت آسيل بقوه ونزلت علي الارض واخفت نفسها بظهر كنان
كنان:انت ازاي تدخل هنا يا افندي انت وفين الحرس اللي بره
جري اوسم بسرعه ثم وقف ملتصق بكنان حتي يخفوا آسيل
بينما قال اياد بحرج:انا متأسف والله مقصدش التطفل ده بس البواب بره قالي ادخل وارن الجرس
امسكت في ملابسهم بخجل شديد بينما كانا هما لها كالحاجز عن اعينه
قال كنان بغضب:خير وداخل بطولك ليه بس انا ليا صرفه مع الافندي اللي بره ده
تراجع بخفه ثم نظر للارض تحت احراجه من ذلك الموقف الذي تعرض له:انا متأسف جدا بس مش ده بيت الانسه آسيل
اوسم:ايوه عايزها ليه؟
اياد:احم دي البطاقه بتاعتها كانت نستها في الشقه بتاعتي لما كانت بتسلمني المفاتيح اخر يوم
امسكها منه اوسم ثم قال كنان بغضب وهو يغطي آسيل بكلتا يديه:ولسه جاي تجيبها دلوقتي يا حضرت
اياد:علي ما عرفت العنوان يا فندم اكيد مش هستفاد حاجه وهي معايا طبعا بعتذر عن اقتحامي المكان كدا وبعتذر للانسه آسيل عن اذنكم
ثم ابتعد بسرعه وخرج من الفيلا وركب سيارته ثم ضرب المقود بشده:غبي غبي لو كانوا موتوك مكنش حد يقدر يتكلم يا غبي
بينما عند آسيل التف لها كنان واوسم سريعا وقال اوسم:خلاص يا آسيل اهدي
كنان:متخفيش ملحقش يشوفك لما خبطت فيه كان باصص للارض
آسيل بوجه محمر:بجد مشفنيش ياربي شكلي زباله اوي
اوسم:لو كان شافك كنت قلعتله عينه من مكانها
كنان:بس ده يعلمك ان تكوني حذره في الجنيه ويفضل تطلعي بالطرحه
اومأت بخفه ثم قالت:يارب ميكونش شافني بس
قال اوسم بمزاح حتي ينسيها الامر:تعالولي بقي انتوا الاتنين
آسيل:طب ممكن ثانيه معلشي وبعدين اعمل اللي عايزه
اوسم:ايه
توجهت آسيل خلف كنان ثم قفزت علي ظهره مره اخري وقالت بسرعه:اجريييي يا كنااااان
فبدا بالجري وهو يضحك بشده بينما اوسم نظر لهم بعدم تصديق وجري ورائهم بسرعه وظلوا في جو ممتلي بالمرح
كان ما زال بسيارته بالخارج الي ان استمع لصوتها وضحكاتها فابتسم بشده ثم قال:يابختهم بالضحكه دي........
