اغسلُ دموعي بماء الوضوء ، رفيقي كتاب الله ، امشي في إستيحاء ، أُقاتل اليأس بالدعاء ،أبكي فيضحكني لطف الله ، أربط كل شيء بالله .
- أتراها تُهزم! 💛
صلوا علي من اعطاه الله، فشكر علي من عاش يتيما ومات عظيما 💚💙💚
****************
كانت تجلس بجوارها وهي تقود فقالت:طب ركزي في السواقه بس وبسرعه عشان نلحق نوصل
اومأت بخفه فقامت بالمحادثه بالهاتف وحين رد الطرف الاخر قالت:السلام عليكم ازي حضرتك يا استاذ اياد
اياد:وعليكم السلام تمام
نظرت لشمس بغيظ من ردوده تلك ثم اكملت:احم طبعا متأسفه علي الازعاج بس اتصلت اقول لحضرتك ان الشقه خلصت ومنتظرين حضرتك تستلمها وانا دلوقتي في طريقي ليها عشان تشوف النتيجه ولو في اي تعديلات تحب تضيفها يعني
ايام:تمام جاي سلام
اغلق معها فنظرت للهاتف بصدمه ثم قالت:ده قفل في وشي انا يتقفل في وشيييي مدنيش فرصه اقول سلام حتيي
ضحكت شمس عليها ثم قالت:خلاص ياستي مش هتشوفيه تاني اهو اخر مقابله النهارده
آسيل:ده يدوب قال ست كلمات والله وانا اللي عماله ارغي وارغي
عندما همت شمس ان ترد عليها وجدتها ترن علي شخص ما وقالت بعصبيه:عارف والله لو ما عجبته يولع بقي هو وشقته دي انت كان معاك حق اصلا انا متوتره ليه مهو شخص زي اي شخص وشقته عاديه يعني ايه موترني بس انا اللي استاهل اني اهتميت بشقته بالذات بقولك ايه اقفل اقفل انت بترغي ليه سلام.....
****************
عند كنان نظر للهاتف بصدمه واستغراب ثم نظر لآسر بعدم فهم ثم اردف:هو ايه اللي حصل
معتز:شو في؟
اوسم:مالها اختك
كنان:يدوب لسه هقول الو هبت فيا وبعدين بتقول اقفل اقفل انت بترغي هو انا نطقت يا جماعه قدامكم
ضحك اوسم بخفه ثم قال:معلشي هتلاقي حاجه عصبتها بس وفجرتها فيك
آسر:احنا قلنا في مصيبه من ملامح وشك
معتز: شباب رح روح اجيب شي إلي، حدا بدو شي؟
آسر:استني هاجي معاك
بعد ان غادرا قال كنان بشرود:اختك فيها حاجه جديده
اوسم:مالها في ايه
كنان:حد شاغل عقلها واشك قلبها كمان
اوسم:لا متهزرش.. بس ازاي
كنان:مش عارف بس المكالمه دي اكدتلي شكي
اوسم:طب ايه هنعمل ايه
كنان:متخفش هي هتقلنا كل حاجه في الوقت اللي هي تشوفه مناسب
اومأ بخفه بينما شرد هو، هل اصبحت فتاته تحب اخيرا؟ يا للروعه يبدو ان هناك احداث شيقه ستحدث بمنزله...
**************
وصلت كلتاهما للشقه وبعد ان فتحت بالمفتاح قالت:تعالي يا شمس نتمم علي كل حاجه
وحينما همت ان تدلف لاحدي الغرف فجأه ظهرت هي قائله:اهلين يا صبايا
صرخت كلتاهما بفزع بينما تعرقلت آسيل بأحدي المقاعد مما ادي الي وقوعها فقالت شمس بفزع:انتي مين ودخلتي هنا ازاي؟
فرح:انا اسفه اوي مقصدش اخضكم هاتي ايدك اساعدك
تراجعت للخلف بخوف قائله:ابعدي عني انتي مين وازاي دخلتي هنا؟
شمس:انطقي والا هبلغ البوليس
نظرت لها آسيل بشك قائله:في حد هنا غيرك بسرعه يا شمس بلغي البوليس
وجدوا من يقول:مفيش داعي يا جماعه
نظروا للخلف بسرعه فوجدوا اياد ينظر لفرح بغضب ويأس بينما قالت فرح:اهلا اياد ازيك
نظرت لها بخوف وهي تحاول النهوض ثم اردفت: استاذ اياد اتصل بالبوليس بسرعه دي حراميه دخلنا لقنيها موجوده هنا
كانت تمسك بفنجان فارتشفت منه قليلا قائله:اهدي يا قمر قولولي بس مين فيكم آسيل
تراجعت آسيل خلف شمس قائله:ليه بتسألي عليا عايزه مني ايه
مسح وجهه بنفاذ صبر فقال:استاذه شمس استاذه آسيل احب اعرفكم فرح اختي وهي معاها نسخه من مفتاح شقتي
فرح:بعتذر علي الخضه بس حبيت اجي اشوف الشقه بتاعته
تنهدوا براحه ثم وضعت الفنجان علي الطاوله وذهبت لهم مرحبه بسعاده قائله:نتعرف من الاول بقي انا فرح اخته ازيكم يا حبايبي مبسوطه اني شوفت الفنانات اللي عملوا شقه تحفه زي دي
عندما همت آسيل ان ترحب بها جذبتها فرح لحضنها بقوه فائله:لا تعالي في حضني علي طول معلشي تاني مره علي الخضه اعتبري الحضن ده كأعتذار شكرا علي الشقه التحفه دي
نظرت لشمس باستغراب بينما ضحكت هي بخفه فقالت شمس:باين عليكي اجتماعيه اوي
حذبتها لحضنها هي الاخري قائله:اوي اوي يعني تعالي انتي كمان في حضني اسمك ايه يا قمر انتي
ثم ابتعدت بخفه فقالت:شمس اسمي شمس
فرح:اه صح مهي لسه قايله ليكي شمس اساميكم جميله اوي
اياد وهو ينظر لها بتحذير:فرح ممكن اعرف عملتي فنجان القهوه ازاي والشقه فاضيه مفيهاش حاجه للاستعمال
توجهت لتجلس بعد ان امسكت بالفنجان:ابدا انا توقعت انك هتبات فيها النهارده فقلت اجبلك بقي اللوازم خصوصا القهوه بما انك بتحبها وعملت فنجان للتجربه
شمس:اتشرفنا بمعرفه حضرتك يا استاذه فرح طيب يا استاذ اياد تقدر تتفرج علي الشقه وتشوف لو حاجه عايز تعدل عليها
جذبت كلتاهما لتجلسان ثم قالت:اقعدوا بس ايه السربعه دي وبعدين اسمي فرح من غير استاذه وانت يا اياد اتفرج براحتك وسبهم ليا شويه
اياد:فرح
فرح:روح يلا واقف ليه
نظرت كلتاهما لبعض باستغراب ثم قالت فرح وهي تنقل نظراتها بينهما:قولولي مرتبطين ولا لا عن نفسي انا متجوزه وعندي بنت و ولد
آسيل:ما شاء الله ربنا يحميهوملك يارب انا بالنسبالي لا انما شمس مخطوبه
فرح:ايه ده بجد مبارك يا حبيبتي ربنا يتمملك علي خير...
كان يتجول بالشقه قليلا وبعينه نظره اعجاب بالنتيجه فابتسم بخفه ثم قال:ابدعتي يا آسيل باين عليكي موهوبه فعلا وبعد قليل خرج لهم وجد فرح تتحدث:وبس يا ستي وخلفت ولادي بقي وجوزي ما بيصدق اريحه مني شويه ده بيشكر اياد لما بروح ابات عنده في يوم
ابتسمت كلتاهما بخفه ثم قالت بشمس:ربنا يحفظكم لبعض يا جميله
عندما وجدوا اياد يخرج نهضوا بخفه فقالت آسيل:اتمني تكون النتيجه نالت اعجاب حضرتك..في اي تعديلات ولا حاجه؟
اياد:فعلا نتيجه مبهره ومظنش ان فيه تعديلات
ابتسمت الفتاتان وهما ينظران لبعضهما بسعاده ثم قالت آسيل:الحمد لله فضل من ربنا
ثم فتحت حقيبتها واخرجت شيئا ما ملفوف كالهدايا ثم اعطتها لفرح وبعدها نظرت له قائله:الهديه دي من مكتبنا بنديها دايما للعميل بعد ما نتم شغلنا هي عباره عن المعوذتين وآيه الكرسي عشان ربنا يبارك في المكان
ابتسمت فرح بخفه ثم اعطتها لآسيل قائله:لصاحب الشقه مش ليا عشان تكون الهديه في الايد الصح
نظرت لها بخجل ثم نظرت لاياد وبعدها اعطته له وهي تبتسم بخجل فنظر لها قليلا وبعدها ابتسم واخذها وفتحها وجدهما ثلاث تابلوهات في غايه الجمال فابتسم بخفه وبعدها نظر لها قائلا:متشكر لذوق حضرتك
ابتسمت ثم اومأت بخفه
فقالت فرح بخفوت:طب ازغرط دلوقتي ولا استني شويه
شمس:بتقولي حاجه
فرح:ها لا ابدا يا حبيبتي
اياد:تمام لو نروح المكتب نتحاسب بقي ولا ايه
شمس:مفيش مشكله زي ما تحب حضرتك
اياد:هتيجي معايا يا فرح ولا تستني
فرح:طبعا جايه
اياد:طب يلا بينا بس معلشي ثانيه واحده
ثم دلف لاحدي الغرف تحت نظرهم وقام بتعليق احدي التابلوهات وفعل المثل مع الاخران فابتسمت كل من شمس وآسيل بينما ضحكت فرح بخبث...
كان يقود بينما فرح تجلس بجواره تردف:اسمع يا سيدي اسمها آسيل محمد عندها سبعه وعشرين سنه ليها اخين اكبر منها واخت في ابتدائي بتحب شغلها جدا
اياد:فرح فرح انا مالي بكل ده ممكن تسكتي شويه
فرح:يا ايدو مش عليا انا
اياد:انا بس عايز اعرف مكنوش عشر دقايق اللي سبتكم ازاي عرفتي كل ده
فرح:ملكش دعوه بقي المهم اني عرفت اسمع يا سيدي طبعا عارف انها متخرجه من فنون جميله و..
تنهد بيأس ثم اسند يده علي باب السياره واكمل قياده بينما ابتسم بخفه عليها وهو يتذكر شكلها وهي تعطيه الهديه.....
