قضية رأي عام

الفصل الثالث

قضية رأي عام
الفصل الثالث
سيف بعصبية :انت بتحور عليا يا ***خلاص بقيت واضحه شكل الشمس وانت الل ورا التخطيط دا كله
ريان :انت عبيط يا سيف دا انا بحبها مستحيل اذيها
سيف مسكه من لياقة قميصه: خلاص الكلام دا مش يدخل دماغي انت الل عملت كدا وانطق وقول مكانها بدل ما اخلص عليك بالسكينة دي
ريان دفعه بعيد عنه
ريان :يبني والله ما عملت حاجه افهم بقي
سيف :تقدر تقولي غبت ليه اما قولت ليا هروح اجيب حاجه وجاي كنت فين
ريان :كنت مدايق اوي وطلعت اجيب سجاير وشربتها برا لان ممنوع التدخين في المستشفى
سيف :لا اقنعتني كدا اتفضل قدامي هسلمك للشرطة هي تتصرف معاك
ريان :يبني افهم بقي دا اكيد فخ عشان يوقعونا في بعض
سيف :وانا اي الل يثبت ليا كلامك دا
ريان طب لحظه انادي لحارس السكن
ريان :عم صالح عم صالح
الحارس :ايوا يا استاذ
ريان :مفيش حد غريب جيه السكن النهارده
الحارس :لا في حد جيه وفضل يتكلم معايا شويه بس كان بيسألني علي سكن للإيجار
ريان يعني الأستاذ دا مطلعش ولا سال عليا
الحارس: لا يا استاذ
ريان: شكرا يا عم صالح
سيف :اي لسه عندك كلام تقوله
ريان :يبني والله ما انا افهم بقي
سيف :لا انت عشان انت عايزها ليك خطفتها مني وخبيتها مش كدا
ريان: والله ما حصل
سيف :طب تقدر تقولي عرف ازاي عامل النظافة دا انك بدور عليها
ريان:ماهو دا الل هيجنني بدور على اجابه مش لاقي
سيف :انا هسيبك بس عشان ايماناتك الكتير دي وان دي ممكن زي ما بتقول تكون اتفاقيه انما لو طلعت انت الل وراها والله لأقتلك يا ريان والله
ريان :ماشي يا سيف
بعد مرور 5 ساعات من التفكير لم يجدوا حل كل شيء مترتب علي نتيجة الطب الجنائي
ريان :ما تتصل بالظابط كدا خليه يشوف نتيجة التحاليل دي طلعت ولا لا
سيف: طيب
ريان :بيرن
سيف :بيرن اهو
سيف:ايوا يا حضرت الظابط
الظابط :ايوا يا سيف تقرير البحث الجنائي قدامي اهو
سيف :بجد طب حضرتك عرفت منه حاجه
الظابط :ايوا ان خصلة الشعر الل كانت علي السكينة دي كانت خصلة شعر راجل ودلوقتي احنا هنعمل مقارنه  البصمات الل ع السكينة ببصمات كل واحد كان موجود في المستشفى في اليوم دا من دكاترة ومرضين وعاملين
سيف :بس دا ممكن ياخد وقت كتير
الظابط :مش كتير ولا حاجه ممكن يومين بس
سيف:تمام يا حضرت الظابط شكرا لتعاونك معانا
الظابط :العفو دا واجبي
ريان :اي قالك اي
سيف: هيقارنو بصمات اللي علي السكينة ببصمات الل كانوا موجودين في المستشفى في اليوم دا حتي انا وانت
ريان :عادي مفيش مشاكل اهم حاجه نلاقيها
لاحظ سيف تعابير وجه ريان الذي ظهر عليه الثبات واللامبالاة كأنه لم يفعل شئ فعلا وهو علي حقيقه وسيف هو المخطئ عندما كذبه
ريان :بس الكلام دا امتي
سيف :مش عارف اكيد هيرن علينا يقولنا
ريان :تمام هي تلاقيها كويسه دلوقتي
سيف بخوف :مش عارف بس يارب تكون كدا
ريان :يارب يا سيف ، بقولك هي كان ليها عداوات مع حد
سيف :لا هي كانت مش بتكلم مع حد  غيري ومن السكن للجامعة والجامعة للسكن بس
ريان :عارف بس ع السوشيال ميديا قصدي
سيف :قصدك اي
ريان :ان ممكن كان ليه عداوة مع حد من ع السوشيال
سيف :لو كانت كدا كانت قالت ليا
ريان :مش لازم كل حاجه بتعملها تقولك عليها
سيف :مش عارف بقي
ريان : تليفونها معاك
سيف :لا اما اخدتها من السكن ماخدتش تليفونها لان كنت تايه ساعتها
ريان :احنا لازم نروح السكن عندها
سيف :هنعمل اي
ريان :نشوف تليفونها وممكن نلاقي منه اي حاجه توصلنا ليها
سيف: تمام يلا
في مكتب الظابط
الظابط :اي يا مروان عملت اي في موضوع القتل دا
مروان: والله يا فندم من التحريات اللي عملتها أن دي مش أول عملية خطف تتم في المستشفى دي رقم تلاته كدا بس الل قبلها كانت خطف بس انما دي يعتبر خطف وقتل
الظابط :طب والأتنين الل قبل كدا كانوا اتنين ستات بردو ولا رجاله
مروان :لا يا فندم كان فيهم ست وراجل
الظابط :غريبة
مروان :اي الغريب يا فندم
الظابط : اصل الراجل دا يعملوا بيه اي يعني ممكن نقول انهم خطفوا البنتين عشان شغل الغير مشروع وخلافه انما الولد ليه
مروان :مش عارف والله يا فندم
الظابط :شوف يا مروان انا عايزك تجمع ليا معلومات عن الاتنين اللي اتخطفوا قبل ليلي اكيد هنلاقي رابط يربطهم التلاتة ببعض
مروان :اوامرك يا فندم
الظابط :تمام اتفضل انت ونادي ليا مصطفى معاك
مروان :حاضر يباشا
وعندما كان ذاهب مروان إلي مكتبه وجد الملازم اول مصطفي
مروان :ابو درش عامل اي يا كبير
مصطفى :بخير والله يا ميرو ، انت كنت عند كبيرنا ولا اي
مروان :اه وادخله بقي عشان عايزك
مصطفى :اي مهمه جديده ولا اي
مروان :باين كدا
مصطفى :اتفائل يعني
مروان :مش اوي
مصطفى :طب يلا سلام
مروان :سلام
خبط مصطفى علي الباب وعندما إذن له بالدخول دخل 
مصطفى :ايوا يا فندم مروان قال انك عايزني
الظابط :تعالي يا مصطفى اقعد ، انت وراك شغل النهارده
مصطفى :ايوا يباشا لسه بخلص في قضية السرقة
الظابط :طب معلش يا بطل بقي بس ناوي اكلفك بحاجه اضافيه
مصطفى :انت تؤمر يباشا
الظابط :بص يا مصطفى انت بكره هتاخد معاك دكتور الطب الجنائي وتاخدوا بصمات كل واحد في المستشفى الل حصلت فيها عملية القتل
مصطفى :تمام يباشا الل حضرتك تؤمر بيه
الظابط: تمام تقدر تروح انت علي شغلك دلوقتي
في سكن الطالبات
سيف:بص يا ريان هدخل انا وانت خليك هنا عشان دول بردو بنات لوحدهم وممكن يخافوا مننا
ريان :ماشي بس بلاش تغيب
سيف :حاضر
ترك سيف ريان وصعد عند البنات
ودق علي الباب وفتحت إيمان له
سيف: السلام عليكم
إيمان :عليكم السلام، خير يا استاذ سيف لقيته ليلى ؟!
سيف بحزن :للأسف لسه بس كنت عايزه اتكلم معاكم شويه
إيمان :طب اتفضل وانا لحظه انادي لبسمة واية
سيف: تمام
ايمان: بسمة بسمة
بسمة :اى في اى ومين اللي برا
ايمان :دا سيف
بسمة بعصبية :انتي عبيطه ازاي تدخلي راجل هنا
إيمان :هو قال محتاج اتكلم معاكم اقوله اي يعني
بسمة وهي بتدفع ايمان في كتفها:طب مشي قدامي
بسمة :ازيك يا استاذ سيف عرفت عن ليلي حاجه
سيف :يعني يعتبر قربنا نوصل بس عايزين مساعدتكم
بسمة :احنا نقدر نساعد حضرتك ازاي
سيف :ممكن تليفون ليلي
ايمان :لحظه اشوفه
بسمة :هو دا ممكن يساعد حضرتك ازاي
سيف :هنعرف لو كانت بتكلم  اخر فتره يعني ممكن يوصلنا لأي حاجة
إيمان :اتفضل التليفون
سيف: شكرا، اهل ليلي متصلوش ولا حاجه
بسمة :اتصلوا ومعدناش عارفين نقولهم اي
سيف :طب لو اتصلوا تاني قولوا ليهم انها طلعت رحله ونسيت تليفونها في السكن
بسمة : تمام يا رب يصدقوا بس
سيف :عن اذنكم
ريان:اي لقيت التليفون
سيف:اه
ريان :طب لقيت عليه حاجه
سيف:لسه مش عارف الباسورد بتاعه
ريان :ممكن يكون اي
سيف:هي عامله رقم لحظه اجرب تاريخ ميلادها
سيف :منفعش
ريان: طب اي
سيف: لحظه لحظه هي كانت قالتلي انها عملته بتاريخ ميلادي 2131999
سيف :دا فتح
ريان :الحمدلله
بعد ربع ساعة
سيف :الواتس والمسنجر مش عليهم حاجه كلها محادثات مع صحابها البنات( بقلم اماني عبدالعزيز)
ريان :يعني مستفدناش بيه في حاجه
سيف :للأسف اه
ريان :طب يلا نرجع السكن التاني
سيف:انا مستحيل ارجع تاني انا هدور عليها بنفسي هقلب البلد كلها مكان مكان لحد ما الاقيها
ريان :طب هندور فين دي اكتوبر كلها صحرا
سيف :هات عربيتك بس وتعالي معايا
ريان :حاضر
بعد ما مشوا ربع ساعة بالعربية
سيف بصوت عالي :اقف يا ريان
ريان :في اي
سيف :وقف يا ريان بقولك