انا من احببتُكِ اولا

~ البارت الثالث عشر ~

- تايهين بلا محطات وسفر والفرح مَر بينا صدفه وانكسر 💔.

اليوم الثاني 9 صہَ :

دُرة : كووووم يا زعلان يلا بابا راح يجي

وتين : بيش الساعه ؟

دُرة : 12

وتين : ججججذابه

هند : بـ 9

كمت كبل طلعت ملابسي وسبحت ورتبت نفسي نزلت جوا شفت المكتوله كاعدة شكد ما عدها كرامه يربيييي

وتين : ها ههههههه شلونها الكتله

انعام : ميلي عنني

وتين : شنو رأيج منا ورايح اخذ دور الحماة الشريره وياج لوو تؤ تؤ قبل متحجين رأيج ميهمني ههههههه

انعام : ضحكة ك**ب

وتين : نتعلم منج انعامووو انتي خبرة ما شاء الله عليج رئيستهن

عفتها ورحت للمطبخ علمود اطلع للحديقه من باب المطبخ شافتني هند

هند : عجبتيني

وتين : هيج بشر متمشي إلا بالكفخات فَـہ نضطر نتعامل وياهم بهالاسلوب

دُرة : والله بصراحة لايك عليج دور الشريرة يمممه شلون تضحكين

وتين : تستاهل

هُدى : بس ديري بالج منها لتأذيج ترا هاي بايعه ومخلصه

وتين : طبها ستين مرض شتسوي خلي تسوي إلا اشوفها الويل

دُرة : نشووووف يالقاسية

هند : بابااااا اججججه

وصل ابويه سلمنا عليه ودخل ارتاح مرتبتله امي جربايه بالاستقبال علمود الي يجون يشوفو وعمامي باسم واحمد جايبيله ذبيحه ؏ سلامته .. ايام والبيت مخبوص يجون ناس يتحمدوله السلامه شيوخ من محافظات مختلفة اكثر شي اجو من المحافظات الجنوبية فدوه لكلبهم بس سمعو ابوية واكع اجو .

ام عقيل اختفت ايام متجي اني لحد الآن ما احجي ويه ماما بس اضطريت اروح اسئلها

وتين : ام عقيل ليش مختفية ؟

الأم : موجودة ببيتها

وتين : ليش متجي

الأم : رحت الها تكول بيا عين اجي

وتين : اي احسن

الأم : وتين شنو هالقساوة ؟!

وتين : ليش الي سوته قليل ؟

الأم : ما ضرتج بالعكس لو ما هي ما وصلتي انتي لهنا

وتين : ولو ما هي جان اني ما عشت طول هالسنين مخدوعه .

الأم : كافي اتقبلي الواقع

وتين : ومنو كالج ممتقبله

الأم : وتين يا بنيتي مدتشوفين نفسج الكآبة الي عايشه بيها ؟