الخيبة تُمزقني
وانا عائدة الى ذلك الطريق المشؤوم الذي كُلما مررت منهُ أشعر بأن هناك سهاماً تُقطع جسَدي وتُمزِق روحي وتترك اثاراً عميقه تحفر ذكرياتها المؤلِمة على كُل قطعة من جسدي المُتعب الذي تَحمل اطنانا من الطعنات وما زال صامداً
بِــقلمي ♥️.
العراق - بغداد / الساعة الثامنة مساءًا : -
بالتحديد ( بيت الشيخ فائز )
الأم : هند صيحي لـوتين
هند : كاعدة تدرس باجر عندها امتحان
الأم : ميخالف حجي مهم جاية تحجي عمتج
هند : صار
ابتسمت الهم ودرت وجهي ورحت اصيح الها واني مستغربة شنو هالموضوع الي جاية بيه عمتي وشنو يردون من وتين ؟؟
دخلت للغرفة لكيتها متمدده ؏ الجربايه ومدنكه ؏ الملازم وتقرأ
هند : وتين
عاطت بيه
وتين : هَـاااااااااااا
هند : ومرض شبيج
وتين : روحي طافرة شتردين
هند : ام رجلج هنا
وتين : عمتي شروق شعدها
هند : ما ادري ومبين موضوع مهم
وتين : مو وكتهم والله
هند : كتلهم كاعدة تقرأ مسمعو مني كالو صيحيها
وتين : اهووو
كمت اريد اطلع واتراجعت من لمحت شكلي بالمراية
البجامة وحدة صاعده والثانيه نازله والتيشيرت نفس الشي مخليه مسكارا وسايحه والكفشة ما احجيلكم عنها
هند : عدلي روحج لا تخترع المره
وتين : تشرد اذا شافتني هيج
رتبت ملابسي ومشطت وخليت عطر ونزلت
شروق : يا هلا بـچنتي
وتين : هلا بيج عمه
رحت بوستها وكعدت يمها ضلت تسولف ؏ الدوام وأركان هم عنده امتحانات ولاهي عن البيت وأهله
وتين : اي مدا اشوفه هالأيام
شروق : ان شاء الله راح تشوفي هوايه الأيام الجايه
وتين : شلون ؟
شروق : اجيت اكللكم العرس ان شاء الله بـالعطلة هاي
وتين : شلون عمه ؟ لااا ؟
شروق : ليـش لا
وتين : كلشي ممسويه بعدني وين الحك ؟
شروق : شنو عندج ؟
وتين : بعدني ممجهزة شي وابوية هم مصارله هواي من اتوفى ما اكدر والله
أنت تقرأ
انا من احببتُكِ اولا
Roman d'amourوانا جـالِسة في ظِل ذكريات الـمَاضي أعـودُ لِواقعي الـمُؤلم وانا مُجردة مِن كُل شيءٍ احببتُه ، كُل شيءٍ تعلقت روحي به وأصبح ملاذاً لِـروحي المُتعبة تجرّدُت مِنهُ واصبحتُ اليوم وحيده بعد إن كُنتُ غارقةً في احضانهم ، حَـمَّلوني ذنباً لم يُكن ذن...
