انا من احببتُكِ اولا

~ البارت الواحد والعشرون ~

ليـشہَ خليت الشوارع كُلها بعيونيّ سجِن ؟

حياة كئيبة ما بيها الوان ولا روح تحيط بأبطال قصتي جميعاً ابتداءً من وتـين ..

بطلتي الحزينة الي الصدمات مزقت روحها وقلبها وحدة ورا الثانية ما انطتها اي فرصة حتى تتنفس وتكوم ؏ حيلها انضربت بخبر وفاة والدها الي ما لحكت تبني وياه ذكريات فجأة مات وتلاشى من كدامها ومن الحياة وللأبد بدون رجوع .

اما سَيف بطلي الي ظلم نفسه وظلم وتينه وياه بسبب تسرعه وتصرفه الغير مدروس أيضاً جان مامرتاح بحياته بهالفترة .. من جهة خطيبته الي ما جاي يعرف يفسر تصرفاتها ولا يعرف شنو يتصرف وياها بسبب الضياع الي عايش بي ..

ومن جهة ثانية قلبه الي بعده يحب ويحن لمحبوبته رغم ظنه بـ خيانتها جان ضايع بين عقله وگلبه ، عقله يكول الصور الي شافها حقيقية وغير مفبركة ولا ملعوب أو متغير بيها اي شي ، اما گلبه يكول عشت وياها فترة من العمر ومستحيل تخوني كل مره جنت التقي بيها اشوف الحب بعيونها مشفته بعيون احد جانت من تشوفني عيونها تلمع من الحب واللهفه .

خلينا نحجيلكم شوي عن ابراهيم بعد وفاة انعام .. طبعا تغير 180 درجة قبل چَــان مستحيل يمر يوم ؏ وتين اذا ما نكد وخرب عليها يومها ويدخل نفسه بالصغيرة والجبيرة ويعارض هواي أمور بحياتها بس حاليا صار عباره عن كتلة من الهدوء حتى صوته مينسمع ..

أما بناته فَـہ عايشات ويه عماتهن ومعتنين بيهم خصوصاً وتين حيل يحبوها ومتعودات عليها لأن جانت حنينه عليهم كُلش هواي بس من توفى ابوها شافوها تعبانه وكارهه الدنيا ابتعدو عنها واتسلمت المهمه لدرة وهند والأم .

اما عقيل وامه فَـہ سبحان مغير الاحوال الي غير عقيل من حال إلى حال وين جان ووين صار الندم ياكل بي اكل لأن قَصر ويه ابو وقرر يكمل حياته الجايه ويه امه ووتين ويعوضهم عن كلشي ويكون الهم اخ وأب وابن وسند وميخليهم يحتاجون شي بوجوده

طبعا عقيل اكبر من وتين بـ 8 سنوات لو مكمل دراسة جان هسه هو خريج بس بسبب صُحبة السوء اتدمرت حياته .

وتين : اليوم اول يوم النا دوام بالمرحلة الثانية حضرت كُلشي من الليل وكعدت الصبح ؏ صوت موبايلي يرن فتحته بدون ما اشوف المتصل منو ..

وتين : الووو

أركان : صباحج خير يا وجه الخير

وتين : صباح النور عمري

أركان : شنو هسه كعدتي

وتين : اي

أركان : يلا كومي حضري نفسج واتريكي اشوفج هناك حبيبي

وتين : تمام بيباي

كمت غسلت وصحصت وبدلت ونزلت خواتي هم عدهم دوام كاعدين ينتظرون السايق يجي