الجرح وحدة بـ وحدة صار
ثاري حتى الفرگه ثار !
ساره : شوفو عُلا صايره مثل الجلب محد ناطيها وجه
وتين : خلي تولي لتحجون بيها
رَنا : خلي نفوت عدنا محاظرة
دخلنا أخذنا محاظرة وطلعنا رحنا للنادي كعدنا ورا شوي كالو البنات شوي ونجي انتظري هنا حتى بدون ميسمعون جوابي راحن ، ثواني مو اكثر واشوف سَيف كاعد كدامي
رفعت راسي باوعتله بأستغراب شعنده هذا ؟ حركت راسي بمعنى شتريد
وتين : تفضل محتاج شي ؟
سَيف : اي
وتين : وهو ؟
سَيف : مو كافي ؟
وتين : اذا جاي تحجي وياي بـ شيء من هذا القبيل رجاءاً اترك المكان وروح لو اني اروح
سَيف : لتسوين هيج
وتين : شنوه الي ما اسوي ؟
سَيف : رجعي وتيني الي احبها الي من اشوفها عيونها تلمع من الفرح والحب وتين الي دكات كلبها تزيد كلما اكون قريب عليها ومن تحجي وياي الابتسامه متفارك وجهه
وتين : انتَ بأيدك خسرتها لتظن بيوم ارجع مثل قبل كطنه وشيلها من اذنك اني طالبتك وانتَ استاذي فقط لا غير
سَيف : ميخالف فترة بس واعرف شلون ارجعج الي اني صبرت كل هالسنين ما اكدر اصبر بعد ؟
وتين : تمام لعد نشوف
سَيف : اخذي راحتج
ترك المكان واني بقيت كاعده انتظر البنات يجن ،
من راح عافو مكانهم واجو يمي
رَنا : هَـا
وتين : متفقات وياه حضرة جنابكم ؟
ساره : احم لا وين
وتين : جذابه
رَنا : اي هو كال النا
وتين : والله بطرانين انتو وياه
ساره : ليش خيه ليش
وتين : يمعوده سدو الموضوع ضجت والله
ساره : اوي صايره تتحسس من الاستاذ
وتين : الي مريت بي والي شفته بس الله يعلم بي لو اكعد اوصفلكم شعوري كُل الأيام الي فاتت وشلون كدرت اتجاوز كلشي هم مينوصف بس الي مار بموقفي راح يفهم كلامي
أنت تقرأ
انا من احببتُكِ اولا
Romanceوانا جـالِسة في ظِل ذكريات الـمَاضي أعـودُ لِواقعي الـمُؤلم وانا مُجردة مِن كُل شيءٍ احببتُه ، كُل شيءٍ تعلقت روحي به وأصبح ملاذاً لِـروحي المُتعبة تجرّدُت مِنهُ واصبحتُ اليوم وحيده بعد إن كُنتُ غارقةً في احضانهم ، حَـمَّلوني ذنباً لم يُكن ذن...
