انا من احببتُكِ اولا

~ البارت الرابع عشر ~

تدري الليل
ياخذ روحَيٰہ سكته ؟
تدري شمآ شمس راحت
تجي ﭑنتــت َ ؟
انت الشامه
الـبين التجاعيد
انت البيه واليمي والبعيد 💔.

هند : اهدي خاله اهدي لا تخوفينا بالزايد والله گلوبنا خلصت فدوه اروحلج

ام عقيل : ولجج بنيتي هااي بنيتي وردة عمري الي ماتهنيت بيها

ريام : كوومن فتحن القرآن وادعولها عوفو هالسوالف ما تفيدها ولا تفيدكم

كمنا كلنا اني وامها ودُرة وريام كعدنا نصلي وندعيلها فجأة كالت ريام

ريام : بنات اني ما اكدر اضم بعد انعام هي الي دفعت وتين

هند : شنوووو

ريام : جانن يتعاركن اني اباوعلهم من باب غرفتي وفجأة دفعتها وتين وكعت وهي اجت تركض دتفوت لغرفتها وشافتني هددتني كالت اذا حجيتي اندمج واخلي رضا يطلكج بس اني ميهمني شتريد تسوي خلي تسوي المهم ريحت بالي وحجيت

دُرة بصياح : يبربوووووك اليوم شيخلصها من ايدي ولج انعاموووو

طفرت دُرة طكتها ركضة لفوك واني رحت وراها كسرنا باب الغرفة وما فتحتة

هند : شعباللج لج حيووانه ما راح نعرف انتي وراها

دُرة : فتحي الباب لا والله اجيب احد يكسره وادخل افلش الغرفة ؏ راسج وراس ابراهيم وياج كلببه

هند : خنست بس صبريلي طلاكج ؏ ايدي يا انعامو انتي جبتيها لنفسج

دُرة : عفتي الدنيا كلها وركضتي ورا وتين الله ياخذج

انعام : الله ياخذها ان شاء الله

دُرة : لجججججج **** يومج قبل يومها واللله اذا صار بأختي شي اسحلج واشمرج من السطح يا ام عطووب جييرة كون بفركج

.................................................................

صالح : سيف حاول تسيطر ؏ نفسك

هز راسه بدون كلام وصلنا للمستشفى ونشوف ابويه وامي ورضا وعلي وإبراهيم

صالح : سلامات بوويه شلونها البنيه

محد رد راحله حجي صالح كعد يمه

صالح : شيخ

حضنه وصار يبجي حيل عبالك جان حابس دموعه وينتظر صالح يحجي حتى يفرغ همومه

فائز : انهد حيلي انطفت شمعة بيتي يا خوية

صالح : لاااا حول ولا قوة الا بالله الله ينطيكم الصبر

سَيف : شلونها ؟

علي : تعبانه حيل

كعد سيف ؏ الكرسي سند ايديه ؏ رجليه ودنك راسه وعيونه تدمع ويحجي بينه وبين نفسه .. اللهي ناار بصدري نارر

صالح : شنو الي صار

الأم : انعام وراها متأكددة

هُدى : شمسويه اصخاام